മ​ണ്ണി​ൽ മ​റ​ഞ്ഞ ല​ക്ഷ്മ​ണ നാ​യ്കി​ന്റെ നാ​യ് ഐ.​പി.​എ​സ് ത​ണ​ലി​ൽ

മം​ഗ​ളൂ​രു: ഉ​ത്ത​ര ക​ന്ന​ട ജി​ല്ല​യി​ലെ ഷി​രൂ​ർ ദേ​ശീ​യ പാ​ത​യി​ൽ ഒ​രു വ​ർ​ഷം മു​മ്പ് മ​ണ്ണി​ടി​ഞ്ഞ വേ​ള​യി​ൽ ഗം​ഗാ​വാ​ലി ന​ദി​ക്ക​ര​യി​ൽ യ​ജ​മാ​ന​ന്റെ മ​ണം പി​ടി​ച്ച​ല​ഞ്ഞ നാ​യ് ഇ​പ്പോ​ൾ മൃ​ഗ​സ്നേ​ഹ​ത്തി​ന്റെ ഐ.​പി.​എ​സ് ത​ണ​ലി​ൽ. ഉ​ത്ത​ര ക​ന്ന​ട ജി​ല്ല പൊ​ലീ​സ് സൂ​പ്ര​ണ്ട് എം. ​നാ​രാ​യ​ണ​ന്റെ ഔ​ദ്യോ​ഗി​ക വ​സ​തി​യി​ലാ​ണ് നാ​യ് ക​ഴി​യു​ന്ന​ത്. ക​ഴി​ഞ്ഞ വ​ർ​ഷം ജൂ​ലൈ​യി​ലെ ദു​ര​ന്ത​ത്തി​ൽ ദേ​ശീ​യ പാ​ത​യോ​ര​ത്ത് ഹോ​ട്ട​ൽ ന​ട​ത്തി​യി​രു​ന്ന കെ. ​ല​ക്ഷ്മ​ണ നാ​യ്ക് (47), ഭാ​ര്യ ശാ​ന്തി നാ​യ്ക് (36), മ​ക​ൻ റോ​ഷ​ൻ(11), മ​ക​ൾ അ​വ​ന്തി​ക (ആ​റ്) എ​ന്നി​വ​ർ മ​ണ്ണി​ന​ടി​യി​ൽ മ​റ​ഞ്ഞി​രു​ന്നു. ഇ​ത​റി​യാ​തെ നാ​യ്കി​ന്റെ നാ​യ് ന​ദി​ക്ക​ര​യി​ൽ അ​ല​ഞ്ഞ​ത് ര​ക്ഷാ​ദൗ​ത്യ​ങ്ങ​ൾ​ക്കി​ട​യി​ലെ സ​ങ്ക​ട​ക്കാ​ഴ്ച​യാ​യി വാ​ർ​ത്ത​ക​ളി​ലും ഇ​ടം നേ​ടി. കോ​ഴി​ക്കോ​ട് സ്വ​ദേ​ശി ലോ​റി ഡ്രൈ​വ​ർ അ​ർ​ജു​ന്റെ മൃ​ത​ദേ​ഹം 72 ദി​വ​സം ക​ഴി​ഞ്ഞ് പു​റ​ത്തെ​ടു​ത്ത​തോ​ടെ ര​ക്ഷാ​ദൗ​ത്യം അ​വ​സാ​നി​ച്ച് ഗം​ഗാ​വാ​ലി​ക്ക​ര​യി​ൽ ആ​ളൊ​ഴി​ഞ്ഞി​രു​ന്നു.

മൃ​ഗ​സ്നേ​ഹ​ത്തി​ന്റെ റൊ​ട്ടി​യും ബി​സ്ക​റ്റു​മാ​യി കാ​മ​റ​ക്ക​ണ്ണു​ക​ളെ ആ​ക​ർ​ഷി​ച്ച​വ​രും പി​രി​ഞ്ഞ​പ്പോ​ൾ ഒ​റ്റ​ക്കാ​യി​പ്പോ​യ നാ​യെ എ​സ്.​പി ദ​ത്തെ​ടു​ക്കു​ക​യാ​യി​രു​ന്നു. പ​തി​വാ​യി കു​ളി​പ്പി​ക്ക​ൽ, പോ​ഷ​കാ​ഹാ​രം, ഊ​ഷ്മ​ള​മാ​യ പ​രി​ച​ര​ണം എ​ന്നി​വ​യി​ലൂ​ടെ ജീ​വി​ത​ത്തി​ന്റെ ര​ണ്ടാം ഘ​ട്ട​ത്തി​ലാ​ണി​പ്പോ​ൾ വേ​ദ​ന​കാ​ണ്ഡം താ​ണ്ടി​യെ​ത്തി​യ നാ​യ്. ജി​ല്ല പൊ​ലീ​സ് മേ​ധാ​വി​യു​ടെ സ​ന്ദ​ർ​ശ​ക​ർ​ക്കി​ട​യി​ൽ പ​ല​പ്പോ​ഴും വി.​ഐ.​പി പ​രി​ഗ​ണ​ന കി​ട്ടു​ന്നു​ണ്ട്.

ചി​ല​രൊ​ക്കെ സെ​ൽ​ഫി​യും എ​ടു​ക്കു​ന്നു. ക​ർ​ണാ​ട​ക ആ​ഭ്യ​ന്ത​ര​മ​ന്ത്രി ഡോ. ​ജി. പ​ര​മേ​ശ്വ​ര, മു​തി​ർ​ന്ന കോ​ൺ​ഗ്ര​സ് നേ​താ​വ് ആ​ർ.​വി. ദേ​ശ്പാ​ണ്ഡെ, സ​തീ​ഷ് സെ​യി​ൽ എം.​എ​ൽ.​എ, ഉ​ത്ത​ര ക​ന്ന​ട ജി​ല്ല ചു​മ​ത​ല​യു​ള്ള മ​ന്ത്രി മം​ഗ​ൾ വൈ​ദ്യ എ​ന്നി​വ​രു​ൾ​പ്പെ​ടെ എ​സ്.​പി​യു​ടെ ഔ​ദ്യോ​ഗി​ക വ​സ​തി സ​ന്ദ​ർ​ശി​ച്ച വേ​ള​യി​ൽ നാ​യു​മാ​യി സ്നേ​ഹം പ​ങ്കി​ട്ടു. ‘എ​ത്ര കാ​ലം ഇ​വി​ടെ ജോ​ലി ചെ​യ്യു​മെ​ന്ന് എ​നി​ക്ക​റി​യി​ല്ല, പ​ക്ഷേ നാ​യ് ഈ ​വീ​ട്ടി​ൽ സു​ര​ക്ഷി​ത​മാ​യും പ​രി​ച​ര​ണ​ത്തി​ലും തു​ട​രു​മെ​ന്ന് ഞാ​ൻ ഉ​റ​പ്പാ​ക്കും’- എ​സ്.​പി നാ​രാ​യ​ണ​ന്റെ വാ​ക്കു​ക​ളി​ലു​ള്ള​ത് കാ​ക്കി​ക്കു​ള്ളി​ലെ ക​രു​ത​ലി​ന്റെ സ്നേ​ഹം.