ന​മ്മ മെ​ട്രോ​യി​ൽ ലേ​ഡീ​സ് കോ​ച്ച് കൂ​ട്ട​ണ​മെ​ന്ന ആ​വ​ശ്യം ശ​ക്തം

ബം​ഗ​ളൂ​രു: ന​മ്മ മെ​ട്രോ ട്രെ​യി​നു​ക​ളി​ൽ സ്ത്രീ​ക​ൾ​ക്കു​ള്ള പ്ര​ത്യേ​ക കോ​ച്ചു​ക​ളു​ടെ എ​ണ്ണം വ​ർ​ധി​പ്പി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി. നി​ല​വി​ലു​ള്ള ഒ​രു കോ​ച്ചി​ന്റെ സ്ഥാ​ന​ത്ത് ര​ണ്ടെ​ങ്കി​ലും എ​ന്ന​താ​ണ് ആ​വ​ശ്യം.

മൊ​ത്തം ആ​റ് കോ​ച്ചു​ക​ളാ​ണ് മെ​ട്രോ​യി​ലു​ള്ള​ത്. യാ​ത്ര​ക്കാ​രി​ക​ൾ നേ​രി​ടു​ന്ന ലൈം​ഗി​ക ശ​ല്യ​ങ്ങ​ൾ കാ​ര​ണ​മാ​ണി​ത്. തി​ര​ക്കേ​റി​യ സ​മ​യ​ങ്ങ​ളി​ൽ ഏ​ൽ​ക്കേ​ണ്ടി വ​രു​ന്ന ശ​ല്യം സം​ബ​ന്ധി​ച്ച് യാ​ത്ര​ക്കാ​രി​ക​ളി​ൽ നി​ന്ന് പ​രാ​തി ല​ഭി​ച്ച​തി​നെ​ത്തു​ട​ർ​ന്ന് വ​നി​ത ക​മീ​ഷ​ൻ ഇ​ട​പെ​ട്ടു.

പ്ര​ശ്നം സ​ർ​ക്കാ​റി​ന്റെ ശ്ര​ദ്ധ​യി​ൽ പെ​ടു​ത്തു​മെ​ന്ന് ക​മീ​ഷ​ൻ ചെ​യ​ർ​പേ​ഴ്സ​ൻ അ​റി​യി​ച്ചു. തി​ര​ക്കു​ള്ള വേ​ള​ക​ളി​ൽ മെ​ട്രോ​യി​ൽ സ​ഞ്ച​രി​ച്ച് ശ​ല്യ​ക്കാ​രെ നി​രീ​ക്ഷി​ക്കാ​ൻ ഒ​രു​ങ്ങു​ക​യാ​ണ് ചെ​യ​ർ​പേ​ഴ്സ​നും ക​മീ​ഷ​ൻ അം​ഗ​ങ്ങ​ളും. ക​ഴി​ഞ്ഞ ജ​നു​വ​രി​യി​ൽ മെ​ട്രോ യാ​ത്ര​ക്കാ​രി​യെ പു​രു​ഷ​ൻ ലൈം​ഗി​ക​മാ​യി ശ​ല്യ​പ്പെ​ടു​ത്തു​ന്ന​തി​ന്റെ വി​ഡി​യോ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ച്ചി​രു​ന്നു.

ആ ​സം​ഭ​വ​ത്തി​ൽ മെ​ട്രോ അ​ധി​കൃ​ത​ർ നി​യ​മ​പ​ര​മാ​യി നീ​ങ്ങു​ക​യും കു​റ്റ​വാ​ളി​യി​ൽ നി​ന്ന് 10,000 രൂ​പ പി​ഴ ഈ​ടാ​ക്കു​ക​യും ചെ​യ്തു. അ​തി​ക്ര​മ​ങ്ങ​ൾ കൂ​ടി​വ​രു​ന്നു​ണ്ടെ​ങ്കി​ലും പ​ല കാ​ര​ണ​ങ്ങ​ളാ​ൽ ഇ​ര​ക​ൾ പ​രാ​തി​പ്പെ​ടാ​ൻ മ​ടി​ക്കു​ക​യാ​ണ്.