കൊട്ടാരക്കര സ്വദേശി ബംഗളൂരുവിൽ മരിച്ച നിലയിൽ

ബംഗളൂരു: മലയാളിയെ ബംഗളൂരു ലിംഗരാജപുരത്തെ വീട്ടിൽ മരിച്ച നിലയിൽ കണ്ടെത്തി. കൊട്ടാരക്കര വെണ്ടൂർ മാരോട്ട്‌ വിള പുത്തൻവീട്ടിൽ പരേതയായ സേവിനിയുടെ മകൻ മുന്നൻ എന്ന സത്യജിത് (44) ആണ് മരിച്ചത്. എകമകനാണ്. ഒറ്റക്കായിരുന്നു താമസം.

വീട്ടുടസ്ഥൻ അറിയിച്ചതിനെ തുടർന്ന് പൊലീസ് എത്തി നടപടികൾ സ്വീകരിച്ചു. കേരള സമാജം കാന്റോൺമെന്റ് സോൺ വൈസ് ചെയർമാൻ മുരളീധരൻ, ജോയിന്റ് കൺവീനർ ജോഷി എന്നിവരുടെ നേതൃത്വത്തിൽ മൃതദേഹം അംബേദ്‌കർ മെഡിക്കൽ കോളജ് ആശുപത്രിതി മോർച്ചറിയിലേക്ക് മാറ്റി.

പോസ്റ്റുമോർട്ടത്തിന് ശേഷം മൃതദേഹം ചൊവ്വാഴ്ച സംസ്കരിക്കുമെന്ന് കേരള സമാജം ഭാരവാഹികൾ അറിയിച്ചു.