കെ​ങ്കേ​രി - ച​ല്ല​ഘ​ട്ട മെ​ട്രോ പാ​ത സെ​പ്റ്റം​ബ​റി​ന​കം

ബം​ഗ​ളൂ​രു: ബൈ​യ്യ​പ്പ​ന​ഹ​ള്ളി - കെ.​ആ​ര്‍. പു​രം മെ​ട്രോ പാ​ത ജൂ​ലൈ​യി​ല്‍ പൂ​ര്‍ത്തി​യാ​കു​മെ​ന്നും കെ​ങ്കേ​രി - ച​ല്ല​ഘ​ട്ട പാ​ത ആ​ഗ​സ്റ്റി​ലോ സെ​പ്റ്റം​ബ​റി​ലോ പൂ​ര്‍ത്തി​യാ​കു​മെ​ന്നും ഉ​പ​മു​ഖ്യ​മ​ന്ത്രി ഡി.​കെ. ശി​വ​കു​മാ​ര്‍ പ​റ​ഞ്ഞു. ബം​ഗ​ളൂ​രു മെ​ട്രോ റെ​യി​ല്‍ കോ​ർ​പ​റേ​ഷ​ന്‍ ലി​മി​റ്റ​ഡി​ന്റെ (ബി.​എം.​ആ​ര്‍.​സി.​എ​ല്‍) വി​വി​ധ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ വി​ല​യി​രു​ത്തി​യ​ശേ​ഷം സം​സാ​രി​ക്കു​ക​യാ​യി​രു​ന്നു ​അ​ദ്ദേ​ഹം. ശാ​ന്തി​ന​ഗ​റി​ലെ ബി.​എം.​ആ​ര്‍.​സി.​എ​ല്‍ ഓ​ഫി​സി​ല്‍ ന​ട​ന്ന ​യോ​ഗ​ത്തി​ല്‍ ബി.​എം.​ആ​ര്‍.​സി.​എ​ല്‍ മാ​നേ​ജി​ങ് ഡ​യ​റ​ക്ട​ര്‍ അ​ഞ്ജും പ​ര്‍വേ​സ് ഉ​ള്‍പ്പെ​ടെ ഉ​ദ്യോ​ഗ​സ്ഥ​ര്‍ പ​ങ്കെ​ടു​ത്തു.

നാ​ഗ​സാ​ന്ദ്ര- മാ​ധ​വാ​ര പാ​ത സെ​പ്റ്റം​ബ​റി​ലോ ഒ​ക്ടോ​ബ​റി​ലോ പൂ​ര്‍ത്തി​യാ​കും. ബൊ​മ്മ​സാ​ന്ദ്ര - ആ​ര്‍.​വി റോ​ഡ് പാ​ത ഒ​ക്‌​ടോ​ബ​റി​ലോ ന​വം​ബ​റി​ലോ പൂ​ര്‍ത്തി​യാ​കും. സെ​ന്‍ട്ര​ല്‍ സി​ല്‍ക്ക് ബോ​ര്‍ഡ് - കെ.​ആ​ര്‍ പു​രം പാ​ത​യും എ​യ​ര്‍പോ​ര്‍ട്ട് പാ​ത​യും 2026 ജൂ​ണി​ല്‍ പൂ​ര്‍ത്തി​യാ​ക്കാ​നാ​ണ് ല​ക്ഷ്യ​മി​ടു​ന്ന​ത്. സ​ര്‍ജാ​പു​ര​യി​ല്‍നി​ന്ന് ഹെ​ബ്ബാ​ളി​ലേ​ക്കു​ള്ള മൂ​ന്നാം​ഘ​ട്ട പ​ദ്ധ​തി​യു​ടെ വി​ശ​ദ പ​ദ്ധ​തി റി​പ്പോ​ര്‍ട്ട് പൂ​ര്‍ത്തി​യാ​യി വ​രു​ക​യാ​ണെ​ന്നും ശി​വ​കു​മാ​ര്‍ അ​റി​യി​ച്ചു.

മെ​ട്രോ​യു​ടെ വ​രു​മാ​നം വ​ർ​ധി​പ്പി​ക്കാ​നു​ള്ള കാ​ര്യ​ങ്ങ​ളും ച​ർ​ച്ച ചെ​യ്തു. അ​ധി​ക​വ​രു​മാ​നം ഉ​ണ്ടാ​ക്കാ​ൻ മെ​ട്രോ തൂ​ണു​ക​ളി​ലു​ള്‍പ്പെ​ടെ​യു​ള്ള പ​ര​സ്യ വി​ല​ക്ക് ഒ​ഴി​വാ​ക്കും. പ്ര​വ​ർ​ത്ത​ന ചെ​ല​വ് കു​റ​ക്കാ​ന്‍ സ​ബ്‌​സി​ഡി നി​ര​ക്കി​ല്‍ വൈ​ദ്യു​തി ല​ഭ്യ​മാ​ക്കു​ന്ന കാ​ര്യം ആ​ലോ​ചി​ക്കും. രാ​ത്രി 11ന് ​ശേ​ഷ​വും സ​ര്‍വി​സ് ന​ട​ത്തു​ന്ന കാ​ര്യ​വും ച​ര്‍ച്ച​യാ​യി. രാ​ത്രി മാ​ത്രം ന​ട​ക്കു​ന്ന​തി​നാ​ല്‍ മെ​ട്രോ നി​ര്‍മാ​ണ പ്ര​വ​ര്‍ത്ത​ന​ങ്ങ​ള്‍ പ​തി​യെ ആ​ണ് പു​രോ​ഗ​മി​ക്കു​ന്ന​തെ​ന്നും ഇ​ത് മ​റി​ക​ട​ക്കാ​നു​ള്ള മാ​ർ​ഗ​വും ച​ർ​ച്ച​യാ​യി.