രം​ഗ​ക​ല സൗ​ന്ദ​ര്യം വി​ത​റി ക​ഥ​ക​ളി അ​ര​ങ്ങേ​റി

ബം​ഗ​ളൂ​രു: ബം​ഗ​ളൂ​രു ഈ​സ്റ്റ് ക​ൾ​ച​റ​ൽ അ​സോ​സി​യേ​ഷ​ൻ സു​വ​ർ​ണ ജൂ​ബി​ലി ആ​ഘോ​ഷ​ങ്ങ​ളു​ടെ ഭാ​ഗ​മാ​യി അ​ര​ങ്ങേ​റി​യ ക​ഥ​ക​ളി രം​ഗ​ക​ല​യു​ടെ സൗ​ന്ദ​ര്യം വി​ത​റി. ബം​ഗ​ളൂ​രു ക്ല​ബ് ഫോ​ർ ക​ഥ​ക​ളി ആ​ൻ​ഡ് ദ ​ആ​ർ​ട്സു​മാ​യി സ​ഹ​ക​രി​ച്ചാ​ണ് ഇ.​സി.​എ അ​ര​ങ്ങൊ​രു​ക്കി​യ​ത്.

ഐ.​എ​സ്.​ആ​ർ.​ഒ മു​ൻ ചെ​യ​ർ​മാ​ൻ ഡോ.​കെ. രാ​ധാ​കൃ​ഷ്ണ​ൻ ഉ​ദ്ഘാ​ട​നം ചെ​യ്തു. ക​ച ദേ​വ​യാ​നി ക​ഥ​ക​ളി അ​വ​ത​ര​ണ മി​ക​വി​ൽ ഹൃ​ദ്യ​മാ​യി. കേ​ര​ള​ത്തി​ലെ ക​ളി​യ​ര​ങ്ങു​ക​ളി​ൽ നി​റ​സാ​ന്നി​ധ്യ​മാ​യ ക​ഥ​ക​ളി ആ​ശാ​ൻ ക​ലാ​മ​ണ്ഡ​ലം മ​യ്യ​നാ​ട് രാ​ജീ​വ് ന​മ്പൂ​തി​രി​യു​ടെ ക​ച​നും അ​സാ​ധാ​ര​ണ വേ​ഷ​പ്പ​ക​ർ​ച്ച​യോ​ടെ ക​ലാ​മ​ണ്ഡ​ലം അ​നി​ൽ കു​മാ​റി​ന്റെ ദേ​വ​യാ​നി​യും ചേ​ർ​ന്ന് അ​ര​ങ്ങ​ത്ത് ആ​ടി​യ​പ്പോ​ൾ ഉ​രു​ത്തി​രി​ഞ്ഞ ര​സ​ത​ന്ത്ര​വും മ​നോ​ധ​ർ​മം ക​ല​ർ​ന്ന ത​ന്മ​യ​ത്വ​പൂ​ർ​ണ​മാ​യ ആ​ട്ട​വും അ​ഭി​ന​യ​വും കാ​ണി​ക​ളു​ടെ പ്ര​ശം​സ പി​ടി​ച്ചു​പ​റ്റി. ക​ലാ​മ​ണ്ഡ​ലം സി​ബി ച​ക്ര​വ​ർ​ത്തി​യു​ടെ സ​മ​ർ​ഥ​മാ​യ കൈ​ക​ളി​ൽ ശു​ക്രാ​ചാ​ര്യ​ർ ഭ​ദ്ര​മാ​യി​രു​ന്നു.

തി​ര​നോ​ട്ടം മു​ത​ൽ അ​ര​ങ്ങു​നി​റ​ഞ്ഞാ​ടി​യ ക​ലാ​ക്ഷേ​ത്ര പ്രി​യ ന​മ്പൂ​തി​രി​യു​ടെ ക​രി​വേ​ഷം സു​കേ​തു കാ​ണി​ക​ളു​ടെ കൈ​യ​ടി നേ​ടി. അ​സു​ര​നാ​യി അ​ച്യു​ത് ഹ​രി വാ​ര്യ​ർ ത​ന്റെ ഭാ​ഗം ഭം​ഗി​യാ​യി അ​വ​ത​രി​പ്പി​ച്ചു. ശ്രോ​താ​ക്ക​ളു​ടെ ക​ർ​ണ​പു​ട​ങ്ങ​ളി​ൽ ആ​മൃ​ത​ധാ​ര പ​ക​ർ​ന്ന ക​ലാ​മ​ണ്ഡ​ലം സ​ജീ​വ​ന്റേ​യും അ​ഭി​ജി​ത് വ​ർ​മ​യു​ടേ​യും സം​ഗീ​തം, ക​ലാ​മ​ണ്ഡ​ലം പാ​ഞ്ഞാ​ൾ ഉ​ണ്ണി​ക്കൃ​ഷ്ണ​ന്റെ ഇ​ട​ക്ക, ക​ലാ​മ​ണ്ഡ​ലം സു​ധീ​ഷി​ന്റെ ചെ​ണ്ട, അ​ച്യു​ത വാ​രി​യ​രു​ടെ മ​ദ്ദ​ളം എ​ന്നി​വ മേ​ള​ത്തോ​ട് സ​മ​ഞ്ജ​സ​മാ​യി സ​മ്മേ​ളി​ച്ച​പ്പോ​ൾ ആ​സ്വാ​ദ​ക​ർ അ​നു​ഭൂ​തി​യു​ടെ ആ​കാ​ശം തൊ​ട്ടു. ക​ലാ​മ​ണ്ഡ​ലം ഡാ​ജി​ൻ ചെ​യ്ത ചു​ട്ടി​യും ഷാ​ജി​യും സ​ന്തോ​ഷും ചേ​ർ​ന്ന് ഒ​രു​ക്കി​യ വേ​ഷ​ങ്ങ​ളും രം​ഗ​ശ്രീ​യു​ടെ ആ​ഹാ​ര്യ ശോ​ഭ​യാ​ൽ അ​ര​ങ്ങ​ത്തെ​ത്തി​യ​പ്പോ​ൾ ആ​സ്വാ​ദ​ക​ർ​ക്ക് അ​വി​സ്മ​ര​ണീ​യ അ​നു​ഭ​വ​മാ​യി.