ക​ർ​ണാ​ട​ക പൊ​ലീ​സ് കൊ​ളോ​ണി​യ​ൽ തൊ​പ്പി അ​ഴി​ക്കു​ന്നു; പ​ക​രം നാ​വി​ക​നീ​ല പീ​ക്ക് കാ​പ്

ബം​ഗ​ളൂ​രു: നാ​ല​ര പ​തി​റ്റാ​ണ്ട് മു​മ്പ് അ​ന്ന​ത്തെ മു​ഖ്യ​മ​ന്ത്രി ഗു​ണ്ടു​റാ​വു പ​രീ​ക്ഷി​ച്ച് പ​രാ​ജ​യ​പ്പെ​ട്ട പൊ​ലീ​സ് തൊ​പ്പി പ​രി​ഷ്ക​ര​ണം ക​ർ​ണാ​ട​ക​യി​ൽ യാ​ഥാ​ർ​ഥ്യ​മാ​വു​ന്നു. കൊ​ളോ​ണി​യ​ൽ പൈ​തൃ​കം അ​വ​സാ​നി​പ്പി​ക്കു​ന്ന​തി​നു​ള്ള സു​പ്ര​ധാ​ന നീ​ക്ക​ത്തി​ൽ സം​സ്ഥാ​ന പൊ​ലീ​സ് വ​കു​പ്പ് നി​ല​വി​ൽ കോ​ൺ​സ്റ്റ​ബി​ൾ​മാ​ർ ഉ​പ​യോ​ഗി​ക്കു​ന്ന ‘സ്ലൗ​ച്ച് തൊ​പ്പി​ക​ൾ’ നി​ർ​ത്ത​ലാ​ക്കാ​നും പ​ക​രം എ.​എ​സ്.​ഐ കേ​ഡ​റി​ലെ ഉ​ദ്യോ​ഗ​സ്ഥ​ർ ഉ​പ​യോ​ഗി​ക്കു​ന്ന ‘പീ​ക്ക് കാ​പ്’ ഉ​പ​യോ​ഗി​ക്കാ​നും ഒ​രു​ങ്ങു​ന്നു.

മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ അ​ധ്യ​ക്ഷ​ത​യി​ൽ സം​സ്ഥാ​ന പൊ​ലീ​സ് ആ​സ്ഥാ​ന​ത്ത് ന​ട​ന്ന ഐ.​പി.​എ​സ് ഓ​ഫി​സ​ർ​മാ​രു​ടെ വാ​ർ​ഷി​ക സ​മ്മേ​ള​ന​ത്തി​ൽ ഇ​തു​സം​ബ​ന്ധി​ച്ച് തീ​രു​മാ​ന​മാ​യി. മ​ഹാ​രാ​ഷ്ട്ര, തെ​ല​ങ്കാ​ന, ആ​ന്ധ്ര​പ്ര​ദേ​ശ്, കേ​ര​ളം, ഗോ​വ, ഡ​ൽ​ഹി തു​ട​ങ്ങി​യ സം​സ്ഥാ​ന​ങ്ങ​ളി​ൽ ഉ​പ​യോ​ഗി​ക്കു​ന്ന തൊ​പ്പി​ക​ൾ മു​ഖ്യ​മ​ന്ത്രി സി​ദ്ധ​രാ​മ​യ്യ അ​വ​ലോ​ക​നം ചെ​യ്തു. തു​ട​ർ​ന്നാ​ണ് തെ​ല​ങ്കാ​ന മോ​ഡ​ൽ തെ​ര​ഞ്ഞെ​ടു​ത്ത​ത്.

പൊ​ലീ​സ് യൂ​നി​ഫോ​മി​ലും ഉ​പ​ക​ര​ണ​ങ്ങ​ളി​ലും അ​പ്ഡേ​റ്റു​ക​ൾ അ​വ​ലോ​ക​ന​ത്തി​നും ശി​പാ​ർ​ശ ചെ​യ്യാ​നും ചു​മ​ത​ല​പ്പെ​ടു​ത്തി​യ പൊ​ലീ​സ് കി​റ്റ് സ്പെ​സി​ഫി​ക്കേ​ഷ​ൻ ക​മ്മി​റ്റി ബ്രി​ട്ടീ​ഷ് കാ​ല​ഘ​ട്ട​ത്തി​ലെ സ്ലൗ​ച്ച് തൊ​പ്പി​ക​ൾ മാ​റ്റാ​നു​ള്ള ശി​പാ​ർ​ശ ന​ൽ​കി​യി​രു​ന്നു. പൊ​ലീ​സ് സേ​ന​യു​ടെ പ്ര​തി​ച്ഛാ​യ ആ​ധു​നി​ക​വ​ത്ക​രി​ക്കു​ന്ന​തി​നും ആ​രോ​ഗ്യ ആ​ശ​ങ്ക​ക​ൾ പ​രി​ഹ​രി​ക്കു​ന്ന​തി​നും ല​ക്ഷ്യ​മി​ട്ടാ​ണ് ഈ ​നീ​ക്കം. ഗു​ണ്ടു​റാ​വു സ​ർ​ക്കാ​ർ 1980ൽ ​കൊ​ണ്ടു​വ​ന്ന പൊ​ലീ​സ് തൊ​പ്പി പ​രി​ഷ്ക​ര​ണം ആ​റ് മാ​സ​ത്തി​ന​കം ഉ​പേ​ക്ഷി​ക്കേ​ണ്ടി​വ​ന്നി​രു​ന്നു.