ഒ​ല, ഊ​ബ​ർ, റാ​പി​ഡോ ബൈ​ക്ക് ടാ​ക്സി​ക​ൾ​ക്ക് ​ജൂൺ 15 വ​രെ തു​ട​രാൻ അനുമതി നൽകി ക​ർ​ണാ​ട​ക ഹൈ​കോ​ട​തി

ബം​ഗ​ളൂ​രു: ഒ​ല, ഊ​ബ​ർ, റാ​പി​ഡോ ഓ​ൺ​ലൈ​ൻ ടാ​ക്സി സേ​വ​ന ദാ​താ​ക്ക​ൾ​ക്ക് ത​ങ്ങ​ളു​ടെ ബൈ​ക്ക് ടാ​ക്സി സ​ർ​വി​സ് ജൂ​ൺ 15 വ​രെ തു​ട​രാ​ൻ ക​ർ​ണാ​ട​ക ഹൈ​കോ​ട​തി അ​നു​മ​തി. ബം​ഗ​ളൂ​രു​വി​ൽ ബൈ​ക്ക് ടാ​ക്സി​ക്ക് വി​ല​ക്കേ​ർ​പ്പെ​ടു​ത്തി​യ​തി​നെ​തി​രെ ഊ​ബ​ർ ഇ​ന്ത്യ സി​സ്റ്റം​സ് പ്രൈ​വ​റ്റ് ലി​മി​റ്റ​ഡ്, റോ​പ്പ​ൻ ട്രാ​ൻ​സ്​​പോ​ർ​ട്ടേ​ഷ​ൻ സ​ർ​വി​സ​സ് പ്രൈ​വ​റ്റ് ലി​മി​റ്റ​ഡ്, എ.​എ​ൻ.​ഐ ടെ​ക്നോ​ള​ജീ​സ് പ്രൈ​വ​റ്റ് ലി​മി​റ്റ​ഡ് എ​ന്നീ ക​മ്പ​നി​ക​ൾ സ​മ​ർ​പ്പി​ച്ച ഹ​ര​ജി​യി​ൽ ജ​സ്റ്റ​സ് ബി.​എം. ശ്യാ​മ​പ്ര​സാ​ദ് അ​ധ്യ​ക്ഷ​നാ​യ സിം​ഗ്ൾ ബെ​ഞ്ചാ​ണ് അ​നു​കൂ​ല ഉ​ത്ത​ര​വ് ന​ൽ​കി​യ​ത്.

നേ​ര​ത്തേ, ആ​റാ​ഴ്ച​ക്ക​കം ഒ​ല, ഊ​ബ​ർ, റാ​പി​ഡോ എ​ന്നി​വ​യു​ടെ ബൈ​ക്ക് ടാ​ക്സി സ​ർ​വി​സു​ക​ൾ അ​വ​സാ​നി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട് ക​ർ​ണാ​ട​ക ഹൈ​​കോ​ട​തി ഉ​ത്ത​ര​വി​ട്ടി​രു​ന്നു. ഇ​നി​യൊ​ര​റി​യി​പ്പു​ണ്ടാ​കു​ന്ന​തു​വ​രെ ബൈ​ക്ക് ടാ​ക്സി​ക​ൾ പ്ര​വ​ർ​ത്തി​ക്കേ​ണ്ട​തി​ല്ലെ​ന്നും ഏ​പ്രി​ൽ ര​ണ്ടി​ന് പു​റ​പ്പെ​ടു​വി​ച്ച ഉ​ത്ത​ര​വി​ൽ വ്യ​ക്ത​മാ​ക്കി​യി​രു​ന്നു. തു​ട​ർ​ന്ന് ബൈ​ക്ക് ടാ​ക്സി സ​ർ​വി​സു​ക​ൾ ത​ട​യാ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് സ​ർ​ക്കാ​റി​നും ഹൈ​കോ​ട​തി നി​ർ​ദേ​ശം ന​ൽ​കി. ഇ​തോ​ടെ കോ​ട​തി ഉ​ത്ത​ര​വ് ന​ട​പ്പാ​ക്കാ​ൻ ഗ​താ​ഗ​ത മ​ന്ത്രി ക​ഴി​ഞ്ഞ​ദി​വ​സം ഗ​താ​ഗ​ത വ​കു​പ്പി​ന് നി​ർ​ദേ​ശം ന​ൽ​കു​ക​യും ചെ​യ്തു. ഇ​തി​നു പി​ന്നാ​ലെ​യാ​ണ് ഒ​ല, ഊ​ബ​ർ, റാ​പി​ഡോ എ​ന്നി​വ​യു​ടെ സ്ഥാ​പ​ക ക​മ്പ​നി​ക​ൾ ഹൈ​കോ​ട​തി​യെ സ​മീ​പി​ച്ച​ത്.