108 ആം​ബു​ല​ൻ​സ്; ഇ​നി ആ​രോ​ഗ്യ​വ​കു​പ്പ് നേ​രി​ട്ട് സ​ർ​വി​സ് ന​ട​ത്തും

ബം​ഗ​ളൂ​രു: സം​സ്ഥാ​ന​ത്ത് അ​ടി​യ​ന്ത​ര ആ​രോ​ഗ്യ സേ​വ​ന​ങ്ങ​ൾ ശ​ക്തി​പ്പെ​ടു​ത്തു​ക​യെ​ന്ന ല​ക്ഷ്യ​ത്തോ​ടെ 108 ആം​ബു​ല​ൻ​സ് സേ​വ​നം ആ​രോ​ഗ്യ​വ​കു​പ്പി​ന്റെ നേ​രി​ട്ടു​ള്ള മാ​നേ​ജ്മെ​ന്റി​ന് കീ​ഴി​ൽ കൊ​ണ്ടു​വ​രാ​നു​ള്ള നി​ർ​ദേ​ശം സ​ർ​ക്കാ​ർ അം​ഗീ​ക​രി​ച്ച​താ​യി ആ​രോ​ഗ്യ​മ​ന്ത്രി ദി​നേ​ശ് ഗു​ണ്ടു​റാ​വു വെ​ള്ളി​യാ​ഴ്ച പ​റ​ഞ്ഞു.

ഈ ​സം​രം​ഭം സ്വ​കാ​ര്യ നി​യ​ന്ത്ര​ണ​ത്തി​ലു​ള്ള പ്ര​വ​ർ​ത്ത​നം അ​വ​സാ​നി​പ്പി​ക്കു​മെ​ന്നും അ​ദ്ദേ​ഹം ‘എ​ക്സി’​ൽ കൂ​ട്ടി​ച്ചേ​ർ​ത്തു. ഈ ​നീ​ക്കം 108 ആം​ബു​ല​ൻ​സ് സേ​വ​ന​ത്തി​ന്റെ കാ​ര്യ​ക്ഷ​മ​ത ഗ​ണ്യ​മാ​യി വ​ർ​ധി​പ്പി​ക്കു​മെ​ന്നും സം​സ്ഥാ​ന ഖ​ജ​നാ​വി​ന് ഏ​ക​ദേ​ശം 250 കോ​ടി രൂ​പ ലാ​ഭി​ക്കു​മെ​ന്നും മ​ന്ത്രി പ​റ​ഞ്ഞു.

715 ആം​ബു​ല​ൻ​സു​ക​ളു​ടെ കൂ​ട്ടം കൈ​കാ​ര്യം ചെ​യ്യു​ന്ന​തി​നാ​യി സം​സ്ഥാ​ന​ത​ല​ത്തി​ൽ സെ​ൻ​ട്ര​ൽ ക​മാ​ൻ​ഡ് ആ​ൻ​ഡ് ക​ൺ​ട്രോ​ൾ സെ​ന്റ​ർ സ്ഥാ​പി​ക്കും. ഈ ​സം​വി​ധാ​ന​ത്തി​നാ​യി ‘112 NG-ERSS’ (നെ​ക്സ്റ്റ്-​ജ​ന​റേ​ഷ​ൻ എ​മ​ർ​ജ​ൻ​സി റെ​സ്‌​പോ​ൺ​സ് സ​പ്പോ​ർ​ട്ട് സി​സ്റ്റം) സോ​ഫ്റ്റ്‌​വെ​യ​ർ ഉ​പ​യോ​ഗി​ക്കും. എ​ല്ലാ ജി​ല്ല​യി​ലും 108 ആം​ബു​ല​ൻ​സ് ക​ൺ​ട്രോ​ൾ സെ​ന്റ​റു​ക​ൾ സ്ഥാ​പി​ക്കും. പ്ര​വ​ർ​ത്ത​ന മേ​ൽ​നോ​ട്ട ചു​മ​ത​ല ജി​ല്ലാ ആ​രോ​ഗ്യ ഓ​ഫി​സ​ർ​മാ​ർ​ക്ക് (ഡി.​എ​ച്ച്.​ഒ) ന​ൽ​കും.

ജി​ല്ല​ത​ല​ത്തി​ൽ ആം​ബു​ല​ൻ​സ് ഡ്രൈ​വ​ർ​മാ​രെ​യും ന​ഴ്‌​സി​ങ് ജീ​വ​ന​ക്കാ​രെ​യും ഔ​ട്ട്‌​സോ​ഴ്‌​സ് ചെ​യ്യു​മെ​ന്ന് ചൂ​ണ്ടി​ക്കാ​ട്ടി​യ റാ​വു, ചാ​മ​രാ​ജ​ന​ഗ​ർ ജി​ല്ല​യി​ൽ ഇ​തി​ന് തു​ട​ക്കം കു​റി​ച്ച​താ​യി അ​റി​യി​ച്ചു. മ​റ്റു ജി​ല്ല​ക​ളി​ലും ഘ​ട്ടം ഘ​ട്ട​മാ​യി ഇ​ത് പി​ന്തു​ട​രും.

108 ആം​ബു​ല​ൻ​സു​ക​ൾ​ക്ക് പു​റ​മേ ത​ട​സ്സ​മി​ല്ലാ​ത്ത അ​ടി​യ​ന്ത​ര പ്ര​തി​ക​ര​ണ​ത്തി​നാ​യി ഏ​കീ​കൃ​ത 108 ആം​ബു​ല​ൻ​സ് ക​മാ​ൻ​ഡ് സെ​ന്റ​റി​ന് കീ​ഴി​ൽ 1,000ല​ധി​കം സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള ആം​ബു​ല​ൻ​സു​ക​ൾ സം​യോ​ജി​പ്പി​ക്കാ​ൻ പ​ദ്ധ​തി​യു​ണ്ട്. പു​തി​യ സം​രം​ഭ​ത്തി​ന്റെ ഭാ​ഗ​മാ​യി ആം​ബു​ല​ൻ​സ് സ​ർ​വി​സ് ഉ​ദ്ഘാ​ട​ന ചി​ത്ര​ങ്ങ​ൾ മ​ന്ത്രി ‘എ​ക്സ്’​ൽ പ​ങ്കു​വെ​ച്ചു.