ആഭ്യന്തര സര്‍വിസുകള്‍ക്കായി കര്‍ണാടക സർക്കാർ വിമാനക്കമ്പനി തുടങ്ങുന്നു

ബം​ഗ​ളൂ​രു: ക​ര്‍ണാ​ട​ക​യി​ല്‍ ആ​ഭ്യ​ന്ത​ര വി​മാ​ന സ​ര്‍വി​സു​ക​ള്‍ക്കാ​യി വി​മാ​ന​ക്ക​മ്പ​നി തു​ട​ങ്ങാ​ൻ സ​ര്‍ക്കാ​ര്‍ നീ​ക്കം. സം​സ്ഥാ​ന വ്യ​വ​സാ​യ-​അ​ടി​സ്ഥാ​ന​സൗ​ക​ര്യ വി​ക​സ​ന​മ​ന്ത്രി എം.​ബി. പാ​ട്ടീ​ലാ​ണ് ഇ​ക്കാ​ര്യം അ​റി​യി​ച്ച​ത്. സ്റ്റാ​ര്‍ എ​യ​ര്‍ സ്ഥാ​പ​ക​നും സി.​ഇ.​ഒ​യു​മാ​യ സ​ഞ്ജ​യ് ഗോ​ദാ​ത്തു​മാ​യി ഇ​തു​സം​ബ​ന്ധി​ച്ച് ച​ര്‍ച്ച ന​ട​ത്തി​യ​താ​യും എം.​ബി. പാ​ട്ടീ​ൽ പ​റ​ഞ്ഞു. 200 കോ​ടി രൂ​പ​യാ​ണ് പു​തി​യ വി​മാ​നം വാ​ങ്ങാ​ൻ ചെ​ല​വ്. മൂ​ന്നു പു​തി​യ വി​മാ​ന​ങ്ങ​ൾ വാ​ങ്ങാ​ന്‍ 600 കോ​ടി മ​തി എ​ന്ന​തി​നാ​ൽ വി​മാ​ന​ങ്ങ​ള്‍ വാ​ട​ക​ക്കെ​ടു​ക്കു​ന്ന​തി​നേ​ക്കാ​ളും ലാ​ഭം പു​തി​യ​ത് വാ​ങ്ങു​ന്ന​താ​ണെ​ന്ന് മ​ന്ത്രി പ​റ​ഞ്ഞു.

വി​മാ​ന​ങ്ങ​ള്‍ക്കാ​യി സം​സ്ഥാ​ന സ​ര്‍ക്കാ​റി​ന് 600 കോ​ടി മു​ട​ക്കാ​ന്‍ സാ​ധി​ക്കു​മെ​ന്നും അ​ദ്ദേ​ഹം പ​റ​ഞ്ഞു. സം​സ്ഥാ​ന സ​ര്‍ക്കാ​റി​ന്റെ ഉ​ട​മ​സ്ഥ​ത​യി​ലു​ള്ള വി​മാ​ന​ക്ക​മ്പ​നി ബം​ഗ​ളൂ​രു-​മൈ​സൂ​രു, ബം​ഗ​ളൂ​രു-​ക​ല​ബു​റ​ഗി, ബം​ഗ​ളൂ​രു-​ഹു​ബ്ബ​ള്ളി, ബം​ഗ​ളൂ​രു-​ശി​വ​മൊ​ഗ്ഗ, മൈ​സൂ​രു-​ക​ല​ബു​റ​ഗി റൂ​ട്ടു​ക​ളി​ലെ വ്യോ​മ​യാ​ത്ര സൗ​ക​ര്യം മെ​ച്ച​പ്പെ​ടു​ത്തു​മെ​ന്നും അ​ദ്ദേ​ഹം പ​റ​ഞ്ഞു.

പു​തു​താ​യി ആ​രം​ഭി​ക്കു​ന്ന വി​ജ​യ​പു​ര, റാ​യ്ച്ചൂ​ര്‍, ബെ​ള്ളാ​രി, കാ​ര്‍വാ​ര്‍, ഹാ​സ​ന്‍ വി​മാ​ന​ത്താ​വ​ള​ങ്ങ​ളു​ടെ നി​യ​ന്ത്ര​ണം സം​സ്ഥാ​ന സ​ര്‍ക്കാ​റി​നു​ത​ന്നെ​യാ​യി​രി​ക്കു​മെ​ന്നും അ​ദ്ദേ​ഹം പ​റ​ഞ്ഞു. കു​ട​ക്, ധ​ർ​മ​സ്ഥ​ല, ചി​ക്ക​മ​ഗ​ളൂ​രു തു​ട​ങ്ങി​യ സ്ഥ​ല​ങ്ങ​ളി​ല്‍ എ​യ​ര്‍ സ്ട്രി​പ് തു​ട​ങ്ങു​ന്ന​തി​നു​ള്ള സാ​ധ്യ​ത പ​രി​ശോ​ധി​ക്കു​മെ​ന്നും മ​ന്ത്രി വ്യ​ക്ത​മാ​ക്കി.