കന്നട സംവിധായകൻ മിലാന പ്രകാശിനെ ചോദ്യം ചെയ്തു

ബംഗളൂരു: രേണുക സ്വാമി കൊലക്കേസിൽ കന്നട സംവിധായകൻ മിലാന പ്രകാശിനെ പൊലീസ് ചോദ്യം ചെയ്തു. കേസിലെ രണ്ടാം പ്രതി നടൻ ദർശന്റെ ചിത്രീകരണം നടക്കുന്ന ഡെവിൾ എന്ന ചിത്രത്തിന്റെ സംവിധായകനാണ് പ്രകാശ്. ബി.ജെ.പി നേതാവും ബംഗളൂരു മുൻ ഡെപ്യൂട്ടി മേയറുമായ സി.എസ് രാംമോഹൻ രാജുവിനെയും കേസുമായി ബന്ധപ്പെട്ട് കഴിഞ്ഞ ദിവസം ചോദ്യം ചെയ്തിരുന്നു.