മുസ്‍ലിം കാലിക്കച്ചവടക്കാരന്റെ വധം; ഗോരക്ഷാ ഗുണ്ടകൾ പൊലീസ് കസ്റ്റഡിയിൽ

ബം​ഗ​ളൂ​രു: മു​സ്‍ലിം കാ​ലി​ക്ക​ച്ച​വ​ട​ക്കാ​ര​നെ കൊ​ല​പ്പെ​ടു​ത്തി​യ കേ​സി​ൽ അ​റ​സ്റ്റി​ലാ​യ അ​ഞ്ച് ഗോ​ര​ക്ഷാ ഗു​ണ്ട​ക​ൾ പൊ​ലീ​സ് ക​സ്റ്റ​ഡി​യി​ൽ. ക​ന​ക​പു​ര​യി​ലെ കോ​ട​തി ജ​ഡ്ജി അ​പ്പ​ണ്ണ സ​വാ​ദി​യാ​ണ് തീ​വ്ര ഹി​ന്ദു​ത്വ സം​ഘ​ട​ന​യാ​യ രാ​ഷ്ട്ര ര​ക്ഷ​ന പ​ദെ (ദേ​ശ​ര​ക്ഷാ​സേ​ന)​യു​ടെ നേ​താ​വാ​യ പു​നീ​ത്​ കീ​രെ​ഹ​ള്ളി​യെ​യും മ​റ്റ് നാ​ല് പ്ര​തി​ക​ളെ​യും ഏ​ഴു​ദി​വ​സ​ത്തെ പൊ​ലീ​സ് ക​സ്റ്റ​ഡി​യി​ൽ വി​ട്ട​ത്.

ഏ​പ്രി​ൽ ഒ​ന്നി​ന് ന​ട​ന്ന കൊ​ല​പാ​ത​ക​ത്തി​ൽ അ​ഞ്ചു​ദി​വ​സം ക​ഴി​ഞ്ഞ് ഏ​പ്രി​ൽ അ​ഞ്ചി​നാ​ണ് ഇ​വ​രെ രാ​ജ​സ്ഥാ​നി​ൽ​നി​ന്ന് ക​ർ​ണാ​ട​ക പൊ​ലീ​സ് അ​റ​സ്റ്റ് ചെ​യ്ത​ത്.

രാ​മ​ന​ഗ​ര ജി​ല്ല​യി​ലെ സ​ത​നൂ​രി​ൽ മു​സ്​​ലിം കാ​ലി​ക്ക​ച്ച​വ​ട​ക്കാ​ര​നാ​യ മാ​ണ്ഡ്യ സ്വ​ദേ​ശി ഇ​ദ് രി​സ് പാ​ഷ​യാ​ണ് (40) കൊ​ല്ല​പ്പെ​ട്ട​ത്. മാ​ർ​ച്ച് 31ന് ​രാ​ത്രി 11.40ഓ​ടെ​യാ​ണ് അ​ന​ധി​കൃ​ത കാ​ലി​ക്ക​ട​ത്ത് ആ​രോ​പി​ച്ച്​ കീ​രെ​ഹ​ള്ളി​യും കൂ​ട്ടാ​ളി​ക​ളും ഇ​ദ്​​രീ​സ്​ പാ​ഷ​യു​ടെ​യും സ​ഹ​പ്ര​വ​ർ​ത്ത​ക​രു​ടെ​യും ലോ​റി ത​ട​ഞ്ഞ് മ​ർ​ദി​ച്ച​ത്.

ക​ന്നു​കാ​ലി​ക​ളെ കൊ​ണ്ടു​പോ​കാ​നു​ള്ള രേ​ഖ​ക​ൾ ഇ​വ​രെ ഇ​ദ്​​രീ​സ്​ കാ​ണി​ച്ചു​വെ​ങ്കി​ലും കീ​രെ​ഹ​ള്ളി ര​ണ്ട്​ ല​ക്ഷം രൂ​പ ആ​വ​ശ്യ​​പ്പെ​ട്ടു. ഇ​തി​ന്​ ക​ഴി​യി​ല്ലെ​ന്ന്​ പ​റ​ഞ്ഞ​തോ​ടെ ‘പാ​കി​സ്താ​നി​ലേ​ക്ക്​ പോ​കൂ’ എ​ന്ന്​ ആ​ക്രോ​ശി​ച്ച്​ ഗു​ണ്ട​ക​ൾ ആ​ക്ര​മി​ക്കു​ക​യാ​യി​രു​ന്നു. ര​ക്ഷ​പ്പെ​ടാ​നാ​യി ഓ​ടി​യ പാ​ഷ​യു​ടെ മൃ​ത​ദേ​ഹം പി​റ്റേ​ദി​വ​സ​മാ​ണ് റോ​ഡ​രി​കി​ൽ ക​ണ്ട​ത്. കീ​രെ​ഹ​ള്ളി​ക്ക്​ ഉ​ന്ന​ത ബി.​ജെ.​പി നേ​താ​ക്ക​ളു​മാ​യി അ​ടു​ത്ത ബ​ന്ധ​മു​ണ്ട്.

കൊ​ല​ക്കു​റ്റ​ത്തി​ന് അ​റ​സ്റ്റി​ലാ​യ​തി​ന് പി​ന്നാ​ലെ കീ​രെ​ഹ​ള്ളി​ക്കെ​തി​രെ മ​റ്റൊ​രു കേ​സ് കൂ​ടി ബം​ഗ​ളൂ​രു പൊ​ലീ​സ് ചു​മ​ത്തി​യി​ട്ടു​ണ്ട്. അ​ലീ​മു​ല്ല ബേ​ഗ് (30) എ​ന്ന കാ​ലി​ക്ക​ച്ച​വ​ട​ക്കാ​ര​നെ ഇ​ല​ക്ട്രി​ക് തോ​ക്ക് ഉ​പ​യോ​ഗി​ച്ച് ക്രൂ​ര​മാ​യി മ​ർ​ദി​ക്കു​ക​യും ഷോ​ക്കേ​ൽ​പി​ക്കു​ക​യും ചെ​യ്ത സം​ഭ​വ​ത്തി​ലാ​ണി​ത്.

ഹൊ​സൂ​ർ റോ​ഡി​ലൂ​ടെ ത​മി​ഴ്നാ​ട്ടി​ലെ കൃ​ഷ്ണ​ഗി​രി​യി​ലേ​ക്ക് കാ​ലി​ക​ളെ വാ​ഹ​ന​ത്തി​ൽ ​കൊ​ണ്ടു​പോ​വു​ക​യാ​യി​രു​ന്ന അ​ലീ​മു​ല്ല​യെ നൈ​സ് റോ​ഡി​ൽ വെ​ച്ച് കീ​രെ​ഹ​ള്ളി​യും കൂ​ട്ടാ​ളി​ക​ളാ​യ സ​ന്തോ​ഷ്, ചേ​ത​ൻ, ദീ​പ​ക് എ​ന്നി​വ​രും വാ​ഹ​നം ത​ട​ഞ്ഞ് മ​ർ​ദി​ക്കു​ക​യാ​യി​രു​ന്നു.

അ​ലീ​മു​ല്ല​യെ ഇ​ല​ക്ട്രി​ക് തോ​ക്കു​കൊ​ണ്ട് നി​ര​വ​ധി ത​വ​ണ ഷോ​ക്കേ​ൽ​പി​ക്കു​ക​യും വേ​ദ​ന​​കൊ​ണ്ട് അ​ല​റി​ക്ക​ര​ഞ്ഞ അ​ലീ​മു​ല്ല​യു​ടെ വി​ഡി​യോ പ​ക​ർ​ത്തി സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​പ്പി​ക്കു​ക​യും ചെ​യ്തു. ഇ​ദ്‍രീ​സ് പാ​ഷ വ​ധ​ക്കേ​സി​ൽ ഇ​യാ​ൾ അ​റ​സ്റ്റി​ലാ​യ​തോ​ടെ​യാ​ണ് അ​ലീ​മു​ല്ല​യും പ​രാ​തി ന​ൽ​കി​യ​ത്.