Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightMetrochevron_rightകർണാടകയിൽ മൂന്നു...

കർണാടകയിൽ മൂന്നു ട്രാൻസ്​ജെൻഡർമാർ സർക്കാർ സ്കൂൾ അധ്യാപകരാകും; രാജ്യത്ത്​ ആദ്യം

text_fields
bookmark_border
transgender
cancel

ബംഗളൂരു: രാജ്യത്ത്​ ആദ്യമായി കർണാടകയിൽ ട്രാൻസ്​ജെൻഡർമാരെ സർക്കാർ സ്കൂളുകളിൽ അധ്യാപകരായി നിയമിക്കുന്നു. സ്കൂൾ എജുക്കേഷൻ ആൻഡ്​ ലിറ്ററസി വകുപ്പ്​ സർക്കാർ സ്കൂളുകളിൽ അധ്യാപകരാകാൻ തെരഞ്ഞെടുത്തവരുടെ താൽക്കാലിക പട്ടിക പുറത്തുവിട്ടിരുന്നു. 13,363 പേരാണ്​ ഇതിൽ ഉള്ളത്​. ഇവരിൽ മൂന്നുപേർ ട്രാൻസ്​ജെൻഡർമാരാണ്​. സുരേഷ്​ ബാബു, ​വൈ.ആർ. രവികുമാർ, അശ്വത്ഥാമ എന്നിവരാണിവർ. ഇതിൽ ബാബു ഇംഗ്ലീഷും കുമാറും അശ്വത്ഥാമും ​സാമൂഹികശാസ്ത്രവുമാണ്​ പഠിപ്പിക്കുക.

15,000 ഒഴിവുകളിലേക്കുള്ള നിയമനനടപടികൾ പ്രഖ്യാപിച്ചപ്പോൾ തന്നെ ഒരു ശതമാനം ഒഴിവുകൾ (150 തസ്തികകൾ) ട്രാൻസ്​ജെൻഡർമാർക്കായി സംവരണം ചെയ്തിരുന്നു. ഈ വിഭാഗത്തിൽനിന്ന്​ ആകെ പത്തുപേരാണ്​ പരീക്ഷയെഴുതിയത്​. ഇതിൽ വിജയിച്ച മൂന്നുപേരെയാണ്​ നിയമിക്കുന്നത്​.

പവിത്ര എന്നറിയപ്പെടാനാണ്​ 44 വയസ്സുള്ള ബാബുവിന്‍റെ ആഗ്രഹം. അധ്യാപകനാവുക എന്നത്​ തന്‍റെ വലിയ ആഗ്രഹമായിരുന്നുവെന്നും ഏ​റെ ത്യാഗം സഹിച്ചാണ്​ നേട്ടത്തിൽ എത്തിയതെന്നും ബാബു പറഞ്ഞു. ബി.എ, ബി.എഡ്​ ബിരുദവും കമ്പ്യൂട്ടർ സയൻസിൽ ഡി​പ്ലോമയും ആണ്​ ബാബുവിന്‍റെ യോഗ്യത. നിരവധി സ്വകാര്യ സ്കൂളുകളിൽ അപേക്ഷിച്ചുവെങ്കിലും ട്രാൻസ്​ജെൻഡർ ആയതിനാൽ അവസരം നിഷേധിക്കപ്പെട്ടിരുന്നു. അവസരം തന്ന കർണാടക സർക്കാറിന്​ നന്ദി പറയുകയാണെന്നും ബാബു എന്ന പവിത്ര പറഞ്ഞു. നേരത്തേ സ്വകാര്യ ട്യൂഷൻ സെന്‍ററുകളിൽ പഠിപ്പിച്ച പരിചയം സർക്കാർ സ്കൂളിൽ ​തനിക്ക്​ ഗുണകരമാവുമെന്നും ബാബു പറഞ്ഞു. അപേക്ഷിച്ച ആകെ 1.16 ലക്ഷം ഉദ്യോഗാർഥികളിൽ 68,849 പേരാണ്​​ പരീക്ഷയെഴുതിയത്​. 51098 പേരാണ്​ യോഗ്യത നേടിയത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:transgenderschool teacherskarnataka govt
News Summary - In a first, three transgender persons selected as government school teachers
Next Story