വി​ജ​യ​പു​ര​യി​ൽ ദു​ര​ഭി​മാ​ന​ക്കൊ​ല: പെ​ൺ​കു​ട്ടി​യു​ടെ പി​താ​വും അ​മ്മാ​വ​നും അ​റ​സ്റ്റി​ൽ

ബം​ഗ​ളൂ​രു: വി​ജ​യ​പു​ര​ ദു​ര​ഭി​മാ​ന​ക്കൊ​ല​പാ​ത​ക​ത്തി​ൽ യു​വാ​വി​ന്റെ മൃ​ത​ദേ​ഹം ക​ണ്ടെ​ത്തി. ബാ​ഗ​ൽ​കോ​ട്ടി​ലെ ഹാ​ദ​രി​ഹാ​ല വി​ല്ലേ​ജി​ൽ കൃ​ഷ്ണ ന​ദി​ക്ക​ര​യി​ലാ​യിരുന്നു മൃ​ത​ദേ​ഹം കിടന്നത്. യു​വാ​വി​ന്റെ മൃ​ത​ദേ​ഹം മാ​താ​പി​താ​ക്ക​ൾ തി​രി​ച്ച​റി​ഞ്ഞു. വി​ജ​യ​പു​ര തി​ക്കോ​ട്ട പൊ​ലീ​സ് സ്റ്റേ​ഷ​ൻ പ​രി​ധി​യി​ലാ​ണ് സം​ഭ​വം. കേ​സി​ൽ പെ​ൺ​കു​ട്ടി​യു​ടെ പി​താ​വും അ​മ്മാ​വ​നും അ​റ​സ്റ്റി​ലാ​യി. കാ​ണാ​താ​യ പെ​ൺ​കു​ട്ടി​ക്കാ​യി തി​ര​ച്ചി​ൽ ഊ​ർ​ജി​ത​മാ​ക്കി​യ​താ​യി പൊ​ലീ​സ് അ​റി​യി​ച്ചു. പെ​ൺ​കു​ട്ടി ജീ​വ​നോ​ടെ​യി​രി​പ്പു​ണ്ടോ എ​ന്ന കാ​ര്യ​ത്തി​ൽ ഉ​റ​പ്പി​ല്ലെ​ന്നും പ്രാ​ഥ​മി​ക അ​ന്വേ​ഷ​ണ​പ്ര​കാ​രം, പെ​ൺ​കു​ട്ടി കൊ​ല്ല​പ്പെ​ട്ടി​രി​ക്കാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​വി​ല്ലെ​ന്നും പൊ​ലീ​സ് പ​റ​ഞ്ഞു.

ബി​രു​ദ​വി​ദ്യാ​ർ​ഥി​യാ​യ മ​ല്ലി​കാ​ർ​ജു​ൻ പ​ന്ത്ര​ണ്ടാം ക്ലാ​സു​കാ​രി​യാ​യ പെ​ൺ​കു​ട്ടി​യു​മാ​യി പ്ര​ണ​യ​ത്തി​ലാ​വു​ക​യും ഇ​രു​വ​രും ത​മ്മി​ൽ കാ​ണു​ന്ന​ത് പ​തി​വാ​ക്കു​ക​യും ചെ​യ്തി​രു​ന്നു. എ​ന്നാ​ൽ, സം​ഭ​വ​മ​റി​ഞ്ഞ പെ​ൺ​കു​ട്ടി​യു​ടെ കു​ടും​ബം ഇ​രു​വ​ർ​ക്കും താ​ക്കീ​ത് ന​ൽ​കി. യു​വാ​വു​മാ​യി ബ​ന്ധം തു​ട​ര​രു​തെ​ന്ന് പെ​ൺ​കു​ട്ടി​യെ വി​ല​ക്കു​ക​യും ചെ​യ്തു. യു​വാ​വി​നും അ​വ​ർ മു​ന്ന​റി​യി​പ്പ് ന​ൽ​കി. എ​ന്നാ​ൽ, ഭീ​ഷ​ണി വ​ക​വെ​ക്കാ​തെ ഇ​രു​വ​രും ത​മ്മി​ൽ കൂ​ടി​ക്കാ​ഴ്ച തു​ട​ർ​ന്നു.

സെ​പ്റ്റം​ബ​ർ 23ന് ​ഇ​രു​വ​രും വീ​ട്ടി​ൽ തി​രി​ച്ചെ​ത്തി​യി​ല്ല. ഇ​രു​വ​രും ഒ​ളി​ച്ചോ​ടി​യി​രി​ക്കാ​മെ​ന്നാ​ണ് യു​വാ​വി​ന്റെ കു​ടും​ബം ക​രു​തി​യ​ത്. യു​വാ​വി​നെ കാ​ണാ​നി​ല്ലെ​ന്ന് കാ​ണി​ച്ച് അ​വ​ർ തി​ക്കോ​ട്ട പൊ​ലീ​സി​ൽ പ​രാ​തി ന​ൽ​കു​ക​യും ചെ​യ്തു. അ​ന്വേ​ഷ​ണം ന​ട​ത്തി​യ പൊ​ലീ​സ് യു​വാ​വി​ന്റെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു. ഇ​തോ​ടെ പെ​ൺ​കു​ട്ടി​യു​ടെ വീ​ട്ടു​കാ​ർ മ​ക​നെ കൊ​ല​പ്പെ​ടു​ത്തി​യ​താ​ണെ​ന്ന് ആ​രോ​പി​ച്ച് യു​വാ​വി​ന്റെ മാ​താ​പി​താ​ക്ക​ൾ പൊ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.