പൊ​ലീ​സിലെ നിയമനങ്ങൾ; ബി​രു​ദ​ധാ​രി​ക​ൾ​ക്ക് മു​ൻ​ഗ​ണ​ന നൽകുന്നത് പരിഗണനയിൽ -ആ​ഭ്യ​ന്ത​ര മ​ന്ത്രി

മം​ഗ​ളൂ​രു: ക​ർ​ണാ​ട​ക പൊ​ലീ​സ് സേ​ന​യി​ൽ ചേ​രാ​നു​ള്ള അ​പേ​ക്ഷ​ക​രി​ൽ ബി​രു​ദ​ധാ​രി​ക​ൾ​ക്ക് മു​ൻ​ഗ​ണ​ന ന​ൽ​കു​ന്ന കാ​ര്യം സ​ർ​ക്കാ​ർ ആ​ലോ​ച​ന​യി​ലു​ണ്ടെ​ന്ന് ആ​ഭ്യ​ന്ത​ര മ​ന്ത്രി ഡോ.​ജി. പ​ര​മേ​ശ്വ​ര പ​റ​ഞ്ഞു. വി​വി​ധ പൊ​ലീ​സ് സ്റ്റേ​ഷ​ൻ കെ​ട്ടി​ട​ങ്ങ​ളു​ടെ ഉ​ദ്ഘാ​ട​നം നി​ർ​വ​ഹി​ക്കാ​ൻ മം​ഗ​ളൂ​രു​വി​ൽ എ​ത്തി​യ അ​ദ്ദേ​ഹം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു.

നി​ല​വി​ൽ എ​സ്.​എ​സ്.​എ​ൽ.​സി​യാ​ണ് അ​ടി​സ്ഥാ​ന യോ​ഗ്യ​ത. എ​ന്നാ​ൽ, അ​പേ​ക്ഷ​ക​രി​ൽ ഏ​റെ​യും ബി​രു​ദ-​ബി​രു​ദാ​ന​ന്ത​ര ബി​രു​ദ​ധാ​രി​ക​ളാ​ണ്. പൊ​ലീ​സ് സേ​ന​യു​ടെ ന​വീ​ക​ര​ണം സം​സ്ഥാ​ന സ​ർ​ക്കാ​ർ ല​ക്ഷ്യ​മി​ടു​ന്നു​ണ്ട്. സേ​ന​യി​ൽ വി​ദ്യാ​ഭ്യാ​സ​ത്തി​ന് ഏ​റെ പ്രാ​ധാ​ന്യ​മാ​ണു​ള്ള​ത്. ഈ ​ദി​ശ​യി​ൽ നി​രീ​ക്ഷി​ക്കു​മ്പോ​ൾ ബി​രു​ദ യോ​ഗ്യ​ത​യു​ള്ള​വ​ർ​ക്ക് മു​ൻ​ഗ​ണ​ന ന​ൽ​കാം. ലോ​കം കൈ​വ​രി​ക്കു​ന്ന പു​രോ​ഗ​തി​യു​ടെ ഭാ​ഗ​മാ​വാ​ൻ പൊ​ലീ​സി​ന് ക​ഴി​യ​ണ​മെ​ങ്കി​ൽ പ​ത്താം ക്ലാ​സ് മ​തി​യാ​വി​ല്ല. സം​സ്ഥാ​ന​ത്ത് 18,000 കോ​ൺ​സ്റ്റ​ബി​ൾ​മാ​രു​ടെ ഒ​ഴി​വു​ണ്ടെ​ന്ന് മ​ന്ത്രി അ​റി​യി​ച്ചു.

10 കോ​ടി ചെ​ല​വി​ൽ നി​ർ​മി​ച്ച ബ​ജ്പേ, വാ​മ​ഞ്ചൂ​ർ പൊ​ലീ​സ് സ്റ്റേ​ഷ​ൻ കെ​ട്ടി​ട​ങ്ങ​ൾ, മൂ​ന്ന​ര​ക്കോ​ടി ചെ​ല​വി​ട്ട സി.​എ.​ആ​ർ കെ​ട്ടി​ടം എ​ന്നി​വ മ​ന്ത്രി ഉ​ദ്ഘാ​ട​നം ചെ​യ്തു. മ​ഞ്ചു​നാ​ഥ ഭ​ണ്ഡാ​രി എം.​എ​ൽ.​സി, മം​ഗ​ളൂ​രു സി​റ്റി പൊ​ലീ​സ് ക​മീ​ഷ​ണ​ർ അ​നു​പം അ​ഗ​ർ​വാ​ൾ, ഡെ​പ്യൂ​ട്ടി പൊ​ലീ​സ് ക​മീ​ഷ​ണ​ർ​മാ​രാ​യ ദി​നേ​ശ് കു​മാ​ർ, സി​ദ്ധാ​ർ​ഥ് ഗോ​യ​ൽ തു​ട​ങ്ങി​യ​വ​ർ പ​ങ്കെ​ടു​ത്തു.