ഹിജാബ് നിരോധനം: പരീക്ഷയെഴുതാനാകാതെ 17,000 മുസ്ലിം വിദ്യാർഥിനികൾ

ബംഗളൂരു: വിദ്യാഭ്യാസ സ്ഥാപനങ്ങളിൽ ഹിജാബ് നിരോധിച്ച ഹൈകോടതി ഉത്തരവിനെ തുടർന്ന് കർണാടകയിൽ 17,000 വിദ്യാർഥിനികൾക്ക് പരീക്ഷയെഴുതാൻ സാധിച്ചിട്ടില്ലെന്ന് സുപ്രീംകോടതിയിൽ വാദം. ഉത്തരവിനെതിരെ സുപ്രീംകോടതിയിൽ ഹരജി നൽകിയ മുസ്ലിം വിദ്യാർഥിനികൾക്കായി ഹാജരായ മുതിർന്ന അഭിഭാഷകനായ ഹുഫെസ അഹ്മദി ആണ് ഇക്കാര്യം കോടതിയിൽ അറിയിച്ചത്.

ഹിജാബ് വിലക്കിനെ തുടർന്ന് കർണാടകയിലെ വിദ്യാഭ്യാസ സ്ഥാപനങ്ങളിൽനിന്ന് എത്ര വിദ്യാർഥിനികൾ കൊഴിഞ്ഞുപോയി എന്ന് സുപ്രീം കോടതി ചോദിച്ചു. ഇക്കാര്യത്തിൽ കൃത്യമായ കണക്കുകളുണ്ടോ? 20, 30, 40 അല്ലെങ്കിൽ 50 പേർ ആണോ കൊഴിഞ്ഞുപോയത് എന്നും ഹേമന്ദ് ഗുപ്ത, സുധാൻഷു ധൂലിയ എന്നിവരുടെ ബെഞ്ച് ആരാഞ്ഞു. അപ്പോഴാണ് ഹിജാബ് വിലക്കിയ ഉത്തരവ് മൂലം 17,000 വിദ്യാർഥിനികൾക്ക് പരീക്ഷയെഴുതാൻ സാധിച്ചിട്ടില്ലെന്ന് അഭിഭാഷകനായ ഹുഫെസ അഹ്മദി പറഞ്ഞത്.

അഭിഭാഷകനായ തന്‍റെ സുഹൃത്ത് നൽകിയ വിവരത്തിന്‍റെ അടിസ്ഥാനത്തിലാണ് ഈ കണക്കെന്നും അദ്ദേഹം പറഞ്ഞു. എന്നാൽ, വിദ്യാർഥിനികളുടെ കൊഴിഞ്ഞുപോക്ക് എന്ന വിഷയം ഇതുവരെ ഹൈകോടതിയിൽ ഉയർത്തിയിട്ടില്ലെന്നും അതിനാൽ തങ്ങൾ ഈ വിവരം സ്വീകരിക്കില്ലെന്നും സുപ്രീംകോടതി പറഞ്ഞു.

മദ്റസകളിലെ വിവിധ നിയന്ത്രണങ്ങളിൽപെട്ട മുസ്ലിം പെൺകുട്ടികൾ അത്തരം വിലക്കുകൾ പൊട്ടിച്ചെറിഞ്ഞ് ഹിജാബ് ധരിച്ചുകൊണ്ടുതന്നെ മതേതര വിദ്യാലയങ്ങളിൽ ഉന്നതപഠനം നടത്തുകയാണെന്നും എന്നാലിപ്പോൾ ഹൈകോടതി ഉത്തരവ് പ്രകാരം സ്കൂൾ വളപ്പിൽ ഹിജാബ് ധരിക്കാൻ കഴിയുന്നില്ലെന്നും ഇതിനാൽ പെൺകുട്ടികൾക്ക് വിദ്യാഭ്യാസം നിഷേധിക്കപ്പെടുകയാണെന്നും ഹുഫെസ അഹ്മദി പറഞ്ഞു.

വിഷയത്തിൽ സുപ്രീംകോടതിയിൽ വാദം തുടരുകയാണ്. സിഖുകാർക്ക് പഗ്ഡി, ഹിന്ദുക്കൾക്ക് തിലകം, ക്രിസ്ത്യാനികൾക്ക് കുരിശ് തുടങ്ങിയ മറ്റു മതപരമായ അടയാളങ്ങൾ നിരോധിച്ചിട്ടില്ലെന്നും ഈ സാഹചര്യത്തിൽ മതപരമായ വസ്ത്രമെന്ന നിലയിൽ ഹിജാബിന്‍റെ വിലക്ക് വിവേചനപരമാണെന്നും മുതിർന്ന അഭിഭാഷകൻ പ്രശാന്ത് ഭൂഷൺ പറഞ്ഞു. വിഷയം ഭരണഘടന ബെഞ്ചിന് വിടണമെന്ന് കപിൽ സിബൽ അടക്കമുള്ള മുതിർന്ന അഭിഭാഷകർ ആവശ്യപ്പെട്ടിട്ടുണ്ട്.

ഹിജാബ് ധരിച്ച ആറു മുസ്‍ലിം വിദ്യാർഥിനികളെ ഉഡുപ്പി ഗവ. പ്രീയൂനിവേഴ്സിറ്റി കോളജിൽനിന്ന് വിലക്കിയതാണ് കർണാടകയിലെ ഹിജാബ് വിവാദത്തിന്‍റെ തുടക്കം. ഇതിനെതിരെ സംസ്ഥാനവ്യാപകമായ പ്രതിഷേധമുണ്ടായി. വിദ്യാർഥിനികളടക്കം കർണാടക ഹൈകോടതിയിൽ ഹിജാബ് ധരിക്കാൻ അനുമതി നൽകണമെന്ന് ആവശ്യപ്പെട്ട് ഹരജി നൽകി. എന്നാൽ, ഹിജാബ് ധരിക്കൽ ഇസ്‍ലാമിക വിശ്വാസപ്രകാരം നിർബന്ധമല്ലെന്നായിരുന്നു ഹൈകോടതിയുടെ ഇടക്കാല വിധി. ഇതിനെ തുടർന്ന് കഴിഞ്ഞ ഫെബ്രുവരി 16ന് എല്ലാ സ്കൂളിലും ഹിജാബ് നിരോധിച്ച് കർണാടക സർക്കാർ ഉത്തരവിറക്കുകയായിരുന്നു.

ഹിജാബ് നി​രോ​ധ​ന​ം: ടി.​സി വാ​ങ്ങി​പ്പോ​കു​ന്ന​വ​രു​ടെ എ​ണ്ണം വ​ർ​ധി​ച്ചു

ബം​ഗ​ളൂ​രു: ക​ർ​ണാ​ട​ക​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ഹി​ജാ​ബ് നി​രോ​ധ​ന​മേ​ർ​പ്പെ​ടു​ത്തി​യ​തോ​ടെ ടി.​സി വാ​ങ്ങി​പ്പോ​കു​ന്ന മു​സ്​​ലിം വി​ദ്യാ​ർ​ഥി​നി​ക​ളു​ടെ എ​ണ്ണ​ത്തി​ൽ വ​ർ​ധ​ന​യു​ണ്ടാ​യെ​ന്ന്​ വി​വ​രാ​വ​കാ​ശ​രേ​ഖ. ത​ല​മ​റ​ക്കാ​ൻ അ​നു​വാ​ദ​മു​ള്ള സ്ഥാ​പ​ന​ങ്ങ​ളി​ൽ ചേ​രു​ക​യാ​ണ്​ ഇ​വ​രു​ടെ ല​ക്ഷ്യ​മെ​ങ്കി​ലും ഇ​തി​ന്​ സാ​ധ്യ​മാ​കാ​ത്ത​വ​രു​ടെ പ​ഠ​നം മു​ട​ങ്ങു​ന്ന സ്ഥി​തി​യു​മു​ണ്ട്.

മം​ഗ​ളൂ​രു സ​ർ​വ​ക​ലാ​ശാ​ല​ക്കു കീ​ഴി​ലെ കോ​ള​ജു​ക​ളി​ൽ​നി​ന്ന് മാ​ത്രം 16 ശ​ത​മാ​നം മു​സ്‍ലിം വി​ദ്യാ​ർ​ഥി​നി​ക​ൾ ടി.​സി വാ​ങ്ങി പോ​യ​താ​യി വി​വ​രാ​വ​കാ​ശ ക​ണ​ക്കു​ക​ൾ പ​റ​യു​ന്നു.

ഹി​ജാ​ബ് ധ​രി​ക്കാ​തെ ക്ലാ​സി​ലി​രി​ക്കാ​ൻ താ​ൽ​പ​ര്യ​മി​ല്ലാ​ത്ത വി​ദ്യാ​ർ​ഥി​നി​ക​ൾ​ക്ക് ടി.​സി ന​ൽ​കു​മെ​ന്ന് ക​ഴി​ഞ്ഞ മേ​യി​ൽ മം​ഗ​ളൂ​രു സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ പ്ര​ഫ. പി.​എ​സ്. യ​ദ്പാ​ഥി​താ​യ പ്ര​ഖ്യാ​പി​ച്ചി​രു​ന്നു. ഇ​തി​ന് പി​ന്നാ​ലെ, വി​വി​ധ സെ​മ​സ്റ്റ​റു​ക​ളി​ലാ​യി ബി​രു​ദ പ​ഠ​നം ന​ട​ത്തു​ന്ന മു​സ്‍ലിം വി​ദ്യാ​ർ​ഥി​നി​ക​ളി​ൽ 16 ശ​ത​മാ​നം പേ​ർ ടി.​സി വാ​ങ്ങി​യ​താ​യാ​ണ് വി​വ​രാ​വ​കാ​ശ ചോ​ദ്യ​ത്തി​ന് മ​റു​പ​ടി ല​ഭി​ച്ച​ത്. ദ​ക്ഷി​ണ ക​ന്ന​ഡ, ഉ​ഡു​പ്പി ജി​ല്ല​ക​ളി​ൽ മം​ഗ​ളൂ​രു സ​ർ​വ​ക​ലാ​ശാ​ല​ക്കു കീ​ഴി​ലെ കോ​ള​ജു​ക​ളി​ൽ 2020-21, 2021-22 വ​ർ​ഷ​ങ്ങ​ളി​ൽ പ്ര​വേ​ശ​നം നേ​ടി​യ 900 മു​സ്‍ലിം വി​ദ്യാ​ർ​ഥി​നി​ക​ളി​ൽ 145 പേ​രാ​ണ് ടി.​സി വാ​ങ്ങി പോ​യ​ത്. ഇ​വ​രി​ൽ പ​ല​രും ഹി​ജാ​ബ് അ​നു​വ​ദി​ക്കു​ന്ന മ​റ്റു കോ​ള​ജു​ക​ളി​ൽ ചേ​ർ​ന്ന​പ്പോ​ൾ മ​റ്റു ചി​ല​ർ​ക്ക് സ്വ​കാ​ര്യ സ്ഥാ​പ​ന​ങ്ങ​ളി​ലെ ഉ​യ​ർ​ന്ന ഫീ​സ് താ​ങ്ങാ​നാ​കാ​തെ പ​ഠ​നം അ​വ​സാ​നി​പ്പി​ക്കേ​ണ്ടി​വ​ന്നു.