എ​ല്ലാം ഹൈ​ക​മാ​ൻ​ഡ് നി​രീ​ക്ഷി​ക്കു​ന്നു -പ​ര​മേ​ശ്വ​ര

ബം​ഗ​ളൂ​രു: ക​ർ​ണാ​ട​ക​യി​ൽ മു​ഖ്യ​മ​ന്ത്രി പ​ദ​വി​യി​ൽ മാ​റ്റ​മു​ണ്ടാ​യേ​ക്കു​മെ​ന്ന അ​ഭ്യൂ​ഹം ത​ള്ളാ​തെ ആ​ഭ്യ​ന്ത​ര മ​ന്ത്രി ഡോ. ​ജി. പ​ര​മേ​ശ്വ​ര. സം​സ്ഥാ​ന​ത്തെ സം​ഭ​വ വി​കാ​സ​ങ്ങ​ളും നേ​താ​ക്ക​ളു​ടെ പ്ര​സ്താ​വ​ന​ക​ളും ഹൈ​ക്ക​മാ​ൻ​ഡ് നി​രീ​ക്ഷി​ക്കു​ന്നു​ണ്ടെ​ന്നും കൃ​ത്യ​മാ​യ സ​മ​യ​ത്ത് ഉ​ചി​ത​മാ​യ തീ​രു​മാ​നം ഹൈ​ക​മാ​ൻ​ഡ് കൈ​ക്കൊ​ള്ളു​മെ​ന്നും പ​ര​മേ​ശ്വ​ര പ​റ​ഞ്ഞു.

നേ​തൃ​മാ​റ്റം സം​ബ​ന്ധി​ച്ച് അ​ന്ത​ർ നാ​ട​ക​ങ്ങ​ൾ ന​ട​ക്കു​ന്ന​താ​യി സ​മ്മ​തി​ച്ച പ​ര​മേ​ശ്വ​ര, താ​നും​കൂ​ടി പു​തി​യ ‘നാ​ട​ക ക​മ്പ​നി’​യു​മാ​യി ഇ​റ​ങ്ങാ​ൻ താ​ൽ​പ​ര്യ​പ്പെ​ടു​ന്നി​ല്ലെ​ന്ന് വ്യ​ക്ത​മാ​ക്കി.

‘‘ഈ ​വി​ഷ​യ​ത്തി​ല്‍ വീ​ണ്ടും വീ​ണ്ടും ച​ർ​ച്ച​ക​ളും പ്ര​സ്താ​വ​ന​ക​ളും ആ​വ​ർ​ത്തി​ക്കേ​ണ്ട​തി​ല്ല. ഭ​ര​ണ​ത്തി​ല്‍ ഒ​രു പ്ര​ശ്ന​വും ഇ​ല്ല. മു​ഖ്യ​മ​ന്ത്രി മി​ക​ച്ച രീ​തി​യി​ല്‍ കൊ​ണ്ടു​പോ​വു​ന്നു​ണ്ട്. പാ​ര്‍ട്ടി ഹൈ​ക​മാ​ന്‍ഡ് സ്ഥി​തി നി​രീ​ക്ഷി​ച്ചു​കൊ​ണ്ടി​രി​ക്കു​ക​യാ​ണ്. ആ​വ​ശ്യ​മാ​യ സ​മ​യ​ത്ത് തീ​രു​മാ​ന​മെ​ടു​ക്കും - അ​ദ്ദേ​ഹം പ​റ​ഞ്ഞു.

അ​തി​നു​ള്ള സ​മ​യ​മാ​യോ എ​ന്ന മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന് ‘അ​ത് ഇ​ന്നാ​ണോ, നാ​ളെ​യാ​ണോ എ​ന്ന് ഞാ​ൻ പ​റ​യി​ല്ല’ എ​ന്നാ​യി​രു​ന്നു മു​ന്‍ കെ.​പി.​സി.​സി പ്ര​സി​ഡ​ന്റ് കൂ​ടി​യാ​യ പ​ര​മേ​ശ്വ​ര​യു​ടെ മ​റു​പ​ടി. കോ​ണ്‍ഗ്ര​സ് അ​ധ്യ​ക്ഷ​ൻ​ത​ന്നെ​യാ​ണ് വി​ഷ​യ​ത്തി​ൽ തീ​രു​മാ​ന​മെ​ടു​ക്കേ​ണ്ട​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.