ബംഗളൂരു നഗരത്തിലെ ട്രാഫിക് പ്രശ്നങ്ങൾക്ക് ഹെൽപ് ലൈൻ 112

ബം​ഗ​ളൂ​രു: ന​ഗ​ര​ത്തി​ലെ ഗ​താ​ഗ​ത​വു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ​ക്ക്​ പ​രി​ഹാ​രം തേ​ടാ​ൻ ഇ​നി ഹെ​ൽ​പ്​​ലൈ​ൻ. ഗ​താ​ഗ​ത​പ്ര​ശ്​​ന​ങ്ങ​ൾ​ക്ക്​ 112 ഹെ​ൽ​പ് ലൈ​ൻ ഡ​യ​ൽ ചെ​യ്യാ​മെ​ന്ന് ബം​ഗ​ളൂ​രു സി​റ്റി പൊ​ലീ​സ്​ ക​മീ​ഷ​ണ​ർ ബി. ​ദ​യാ​ന​ന്ദ പ​റ​ഞ്ഞു. ന​ഗ​ര​ത്തി​ലെ താ​മ​സ​ക്കാ​രും പൊ​ലീ​സും ത​മ്മി​ലു​ള്ള പ്ര​തി​മാ​സ ആ​ശ​യ​വി​നി​മ​യ​മാ​യ മാ​സി​ക ജ​ന​സ​മ്പ​ർ​ക്ക ദി​വ​സ​യി​ൽ ഉ​യ​ർ​ന്ന നി​ർ​ദേ​ശ​മാ​ണ്​ ന​ട​പ്പാ​ക്കു​ന്ന​തെ​ന്ന്​ ക​മീ​ഷ​ണ​ർ പ​റ​ഞ്ഞു.

ഹെ​ൽ​പ്​​ലൈ​ൻ വ​ഴി ല​ഭി​ക്കു​ന്ന ഇ​ത്ത​രം പ​രാ​തി​ക​ൾ ട്രാ​ഫി​ക്കി​ലെ ഹൊ​യ്​​സാ​ല വി​ഭാ​ഗ​ത്തി​ന്​ പ​ക​രം കോ​ബ്ര വി​ഭാ​ഗം കൈ​കാ​ര്യം ചെ​യ്യും. ബൈ​ക്കു​ക​ളി​ലെ​ത്തു​ന്ന കോ​ബ്ര വി​ഭാ​ഗ​ത്തി​ന്​ ഇ​ത്ത​രം അ​ടി​യ​ന്ത​ര കാ​ളു​ക​ൾ സ്വീ​ക​രി​ച്ച്​ പ്ര​ശ്​​നം റി​​പ്പോ​ർ​ട്ട്​ ചെ​യ്​​ത ഇ​ട​ങ്ങ​ളി​ലേ​ക്ക്​ പെ​​ട്ടെ​ന്ന്​ എ​ത്താ​നാ​കും.

അ​ടി​യ​ന്ത​ര ആ​വ​ശ്യ​ത്തി​നാ​യി 112 എ​ന്ന ന​മ്പ​റി​ലേ​ക്ക് ഡ​യ​ൽ ചെ​യ്യു​മ്പോ​ൾ, ഇ​ൻ​ഫ​ൻ​ട്രി റോ​ഡി​ലെ ക​മീ​ഷ​ണ​റു​ടെ ഓ​ഫി​സി​ലെ ക​ൺ​ട്രോ​ൾ റൂ​മി​ലേ​ക്ക് കോ​ൾ ക​ണ​ക്ട് ചെ​യ്യും. വി​ശ​ദാം​ശ​ങ്ങ​ളും സ്ഥ​ല​വും രേ​ഖ​പ്പെ​ടു​ത്തി​ക്ക​ഴി​ഞ്ഞാ​ൽ, വി​ളി​ക്കു​ന്ന​യാ​ളെ സ​ഹാ​യി​ക്കാ​ൻ അ​ടു​ത്തു​ള്ള കോ​ബ്ര പ​ട്രോ​ളി​ങ് വാ​ഹ​നം ഉ​ട​നെ​ത്തും.

പൊ​ലീ​സ് ക​മീ​ഷ​ണ​റു​ടെ നീ​ക്ക​ത്തെ നെ​റ്റി​സ​ൺ​സ് അ​ഭി​ന​ന്ദി​ച്ചു.ന​ഗ​ര​ത്തി​ൽ പ​ല​യി​ട​ത്തും ​റോ​ഡു​ക​ളി​ൽ റൗ​ഡി സം​ഘ​ങ്ങ​ളു​ടെ വി​ഹാ​ര​കേ​ന്ദ്ര​ങ്ങ​ളാ​ണ്. ക​ഴി​ഞ്ഞ​യാ​ഴ്​​ച മ​ല​യാ​ളി യു​വാ​ക്ക​ൾ സ​ഞ്ച​രി​ച്ച കാ​ർ ബൈ​ക്കു​ക​ളി​ലെ​ത്തി​യ സം​ഘം പി​ന്തു​ട​ർ​ന്ന്​ ആ​ക്ര​മി​ക്കു​ക​യും യാ​ത്ര​ക്കാ​രെ മ​ർ​ദി​ക്കു​ക​യും ചെ​യ്​​തി​രു​ന്നു. സം​ഭ​വ​ത്തി​ൽ മൂ​ന്നു​പേ​ർ അ​റ​സ്​​റ്റി​ലാ​യി. ഇ​ത്ത​രം സം​ഭ​വ​ങ്ങ​ൾ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്ന്​ സി​റ്റി പൊ​ലീ​സ്​ ക​മീ​ഷ​ണ​ർ ഉ​റ​പ്പു​ന​ൽ​കി​യി​രു​ന്നു.

ഇ​തി​ന്​ പി​ന്നാ​ലെ​യാ​ണ്​ വെ​ള്ളി​യാ​ഴ്​​ച രാ​ത്രി ഇ​ല​ക്​​ട്രോ​ണി​ക്​ സി​റ്റി ടോ​ൾ ഗേ​റ്റി​ന്​ സ​മീ​പം സ്​​കൂ​ട്ട​ർ യാ​ത്രി​ക​ൻ കേ​ര​ള ആ​ർ.​ടി.​സി​യു​ടെ സ്വി​ഫ്​​റ്റ്​ എ.​സി സ്ലീ​പ്പ​ർ ബ​സി​​ന്‍റെ ചി​ല്ലും ഹെ​ഡ്​​ലൈ​റ്റു​ക​ളും അ​ടി​ച്ചു​ത​ക​ർ​ത്ത​ത്. ഈ ​കേ​സി​ൽ പ​ര​പ്പ​ന അ​ഗ്ര​ഹാ​ര പൊ​ലീ​സ്​ അ​ന്വേ​ഷ​ണം ന​ട​ത്തി​വ​രു​ക​യാ​ണ്.