ബം​ഗ​ളൂ​രു​വി​ൽ ക​ന​ത്ത മ​ഴ,വെ​ള്ള​ക്കെ​ട്ട്; ഒ​രു മ​ര​ണം

ബം​ഗ​ളൂ​രു: തി​ങ്ക​ളാ​ഴ്ച പു​ല​ർ​ച്ചെ ബം​ഗ​ളൂ​രു ന​ഗ​ര​ത്തി​ൽ തി​മി​ർ​ത്തു​പെ​യ്ത മ​ഴ​യി​ൽ പ​ല​യി​ട​ങ്ങ​ളി​ലും വ​ൻ നാ​ശ​ന​ഷ്ടം. മ​ഹാ​ദേ​വ​പു​ര​യി​ൽ മ​ഴ​യി​ൽ മ​തി​ൽ ത​ക​ർ​ന്ന് യു​വ​തി മ​രി​ച്ചു. ഐ-​സെ​ഡ് എ​ന്ന ക​മ്പ​നി​യി​ലെ ശു​ചീ​ക​ര​ണ തൊ​ഴി​ലാ​ളി​യാ​യ മ​ഹാ​ദേ​വ​പു​ര സ്വ​ദേ​ശി ശ​ശി​ക​ല​യാ​ണ് (35) മ​രി​ച്ച​ത്. രാ​വി​ലെ ഏ​ഴോ​ടെ ജോ​ലി​സ്ഥ​ല​ത്തേ​ക്ക് പോ​ക​വെ ശ​ശി​ക​ല​യു​ടെ ദേ​ഹ​ത്തേ​ക്ക് മ​തി​ല്‍ ഇ​ടി​ഞ്ഞു വീ​ഴു​ക​യാ​യി​രു​ന്നു.

പു​ല​ർ​ച്ചെ പെ​യ്ത മ​ഴ​യി​ല്‍ കു​തി​ര്‍ന്ന് നി​ല്‍ക്കു​ക​യാ​യി​രു​ന്ന മ​തി​ല്‍ പെ​ട്ടെ​ന്ന് ത​ക​ര്‍ന്ന് വീ​ഴു​ക​യാ​യി​രു​ന്നു. യു​വ​തി​ക്ക് ര​ണ്ടു മ​ക്ക​ളു​ണ്ട്. മ​ൺ​സൂ​ണി​ന് മു​ന്നോ​ടി​യാ​യി ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി വൈ​കീ​ട്ടും രാ​ത്രി​യു​മാ​യി തു​ട​രു​ന്ന മ​ഴ തി​ങ്ക​ളാ​ഴ്ച പു​ല​ർ​ച്ചെ ശ​ക്ത​മാ​വു​ക​യാ​യി​രു​ന്നു.

ക​ഴി​ഞ്ഞ 24 മ​ണി​ക്കൂ​റി​നു​ള്ളി​ൽ ബം​ഗ​ളൂ​രു ന​ഗ​ര​ത്തി​ൽ ഏ​ക​ദേ​ശം 103 മി​ല്ലി​മീ​റ്റ​ർ മ​ഴ ല​ഭി​ച്ചു. ഞാ​യ​റാ​ഴ്ച രാ​ത്രി 10നും ​തി​ങ്ക​ളാ​ഴ്ച രാ​വി​ലെ ആ​റി​നു​മി​ട​യി​ൽ 66 മി​ല്ലി​മീ​റ്റ​ർ മ​ഴ ല​ഭി​ച്ച​താ​യി ബി.​ബി.​എം.​പി അ​റി​യി​ച്ചു. കെ​​ങ്കേ​രി​യി​ലാ​ണ് ഏ​റ്റ​വും കൂ​ടു​ത​ൽ മ​ഴ ല​ഭി​ച്ച​ത്; 132 മി​ല്ലി​മീ​റ്റ​ർ. കു​റ​വ് ഗൊ​ട്ടി​ഗ​രെ​യി​ലും; 32 മി​ല്ലി​മീ​റ്റ​ർ. വ​രും​ദി​വ​സ​ങ്ങ​ളി​ലും മ​ഴ തു​ട​രു​മെ​ന്നാ​ണ് കാ​ലാ​വ​സ്ഥാ നി​രീ​ക്ഷ​ണ കേ​ന്ദ്ര​ത്തി​ന്റെ മു​ന്ന​റി​യി​പ്പ്.

ന​ഗ​ര​ത്തി​ലെ താ​ഴ്ന്ന പ്ര​ദേ​ശ​ങ്ങ​ളി​ലും റോ​ഡു​ക​ളി​ലും വെ​ള്ളം ക​യ​റി​യ​തോ​ടെ ഗ​താ​ഗ​തം സ്തം​ഭി​ച്ചു. പ​ല​യി​ട​ത്തും വീ​ടു​ക​ളി​ൽ വെ​ള്ളം ക​യ​റി​യ​തോ​ടെ ജ​ന​ജീ​വി​തം ദു​സ്സ​ഹ​മാ​യി. അ​ഴു​ക്കും ച​ളി​യും വെ​ള്ള​ക്കെ​ട്ടി​നൊ​പ്പം വീ​ടു​ക​ളി​ലെ​ത്തി. വെ​ള്ള​ക്കെ​ട്ടി​ന് പു​റ​മെ, മ​ര​ങ്ങ​ൾ ക​ട​പു​ഴ​കി​യ​തോ​ടെ മി​ക്ക റോ​ഡു​ക​ളി​ലും തി​ങ്ക​ളാ​ഴ്ച രാ​വി​ലെ ഗ​താ​ഗ​തം നി​ല​ച്ചു.

സാ​യി ലേ​ഔ​ട്ട്, കോ​റ​മം​ഗ​ല, ഈ​ജി​പു​ര, ചാ​മ​രാ​ജ് പേ​ട്ട്, ശി​വാ​ജി ന​ഗ​ർ, നാ​ഗ്‍വാ​ര, ബ​ക്ഷി ഗാ​ർ​ഡ​ൻ, ജ​യ്ഭീം ന​ഗ​ർ, ജോ​ളി മൊ​ഹ​ല്ല, സു​ധാ​മ ന​ഗ​ർ, ശാ​ന്തി ന​ഗ​ർ, മാ​ന്യ​ത ടെ​ക് പാ​ർ​ക്ക്, മാ​റ​ത്ത​ഹ​ള്ളി, ചി​ന്ന​പ്പ​ന​ഹ​ള്ളി, പാ​ണ​ത്തൂ​ർ, ഇ​ബ്‍ലൂ​ർ ജ​ങ്ഷ​ൻ, കെ​​ങ്കേ​രി, മൈ​സൂ​ർ റോ​ഡ്, ബൈ​ര സാ​ന്ദ്ര, എ​ച്ച്.​ബി.​ആ​ർ ലേ​ഔ​ട്ട്, കെം​പ​ഗൗ​ഡ റോ​ഡ്, കാ​മ​രാ​ജ് ന​ഗ​ർ, ബൊ​മ്മ​ന​ഹ​ള്ളി, എ​ച്ച്.​എ​സ്.​ആ​ർ ലേ​ഔ​ട്ട്, ബ​ന്നാ​ർ​ഘ​ട്ട റോ​ഡ്, യെ​ല​ച്ച​ന​ഹ​ള്ളി, മ​ടി​വാ​ള, അ​ഗാ​ര, ബെ​ല​ന്തൂ​ർ, യെ​ല​ഹ​ങ്ക, രാ​ജാ​ജി ന​ഗ​ർ, ദാ​സ​റ​ഹ​ള്ളി, കെ.​ജി ഹ​ള്ളി, മെ​ദ​ര​ഹ​ള്ളി, വി​ദ്യാ​ന​ഗ​ർ, കോ​ന​പ്പ​ന അ​ഗ്ര​ഹാ​ര തു​ട​ങ്ങി​യ പ്ര​ദേ​ശ​ങ്ങ​ളി​ലെ​ല്ലാം വെ​ള്ളം ക​യ​റി.

മ​ഹാ​ദേ​വ പു​ര സോ​ണി​ലെ ഹൊ​ര​മാ​വി​ലെ സാ​യി ലേ​ഔ​ട്ട് മു​ഴു​വ​ൻ വെ​ള്ള​ത്തി​ലാ​യി. ഇ​വി​ടെ​നി​ന്ന് ര​ക്ഷാ​പ്ര​വ​ർ​ത്ത​ക​ർ ബോ​ട്ടു​ക​ളി​ലും ട്രാ​ക്ട​റു​ക​ളി​ലും എ​ക്സ്ക​വേ​റ്റ​റു​ക​ളി​ലു​മാ​യി കു​ടും​ബ​ങ്ങ​ളെ മാ​റ്റി. കെ​ട്ടി​ട​ങ്ങ​ളു​ടെ പാ​ർ​ക്കി​ങ് ഏ​രി​യ​യി​ല​ട​ക്കം വെ​ള്ളം ക​യ​റി​യ​തോ​ടെ നി​ര​വ​ധി വാ​ഹ​ന​ങ്ങ​ളും വെ​ള്ള​ത്തി​ൽ മു​ങ്ങി.

ന​ഗ​ര​മ​ധ്യ​ത്തി​ൽ​നി​ന്ന് ഇ​ല​ക്ട്രോ​ണി​ക് സി​റ്റി മേ​ഖ​ല​യി​ലേ​ക്കു​ള്ള പ്ര​ധാ​ന ജ​ങ്ഷ​നാ​യ സി​ൽ​ക്ക് ബോ​ർ​ഡ് ജ​ങ്ഷ​ൻ പൂ​ർ​ണ​മാ​യും വെ​ള്ള​ത്തി​ൽ മു​ങ്ങി. കെ​​ങ്കേ​രി​യി​ൽ വൃ​ഷ​ഭ​വ​തി ന​ദി ക​ര​ക​വി​ഞ്ഞൊ​ഴു​കി. യെ​ല​ഹ​ങ്ക മേ​ഖ​ല​യി​ലെ എ​ല്ലാ ത​ടാ​ക​ങ്ങ​ളും നി​റ​ഞ്ഞൊ​ഴു​കി.

27 ഇ​ട​ങ്ങ​ളി​ൽ മ​രം ക​ട​പു​ഴ​കി​യ​താ​യാ​ണ് ബി.​ബി.​എം.​പി റി​പ്പോ​ർ​ട്ട്. 41 ഇ​ട​ങ്ങ​ളി​ൽ മ​ര​ക്കൊ​മ്പു​ക​ൾ മു​റി​ഞ്ഞു​വീ​ണു. ഇ​വ മു​റി​ച്ചു​മാ​റ്റാ​ൻ ബി.​ബി.​എം.​പി 30 സം​ഘ​ങ്ങ​ളെ നി​യോ​ഗി​ച്ചു.

ഹെ​ൽ​പ് ലൈ​ൻ

ബം​ഗ​ളൂ​രു: മ​ഴ​ക്കെ​ടു​തി​യി​ൽ പെ​ടു​ന്ന​വ​ർ​ക്ക് സ​ഹാ​യ​ത്തി​നാ​യി ബി.​ബി.​എം.​പി​ക്ക് കീ​ഴി​ൽ ഓ​രോ സോ​ണി​ലും ക​ൺ​ട്രോ​ൾ റൂ​മു​ക​ൾ തു​റ​ന്നു. സ​ഹാ​യം ആ​വ​ശ്യ​മു​ള്ള​വ​ർ 1533 എ​ന്ന ന​മ്പ​റി​ൽ ബ​ന്ധ​പ്പെ​ട​ണ​മെ​ന്ന് ബി.​ബി.​എം.​പി അ​ധി​കൃ​ത​ർ അ​റി​യി​ച്ചു.