ഗ​വ. ഉ​ദ്യോ​​ഗ​സ്ഥ​ന് 19 ല​ക്ഷം രൂ​പ ന​ഷ്ട​പ്പെ​ട്ടു

ബം​​ഗ​ളൂ​രു: മും​ബൈ പൊ​ലീ​സി​ൽ​നി​ന്നെ​ന്ന വ്യാ​ജേ​ന വി​ളി​ച്ച് ഡി​ജി​റ്റ​ൽ അ​റ​സ്റ്റ് ചെ​യ്യു​മെ​ന്ന് ഭീ​ഷ​ണി​പ്പെ​ടു​ത്തി ​ഗ​വ​ൺ​മെ​​ന്റ് ഉ​ദ്യോ​​ഗ​സ്ഥ​നി​ൽ​നി​ന്ന് 19 ല​ക്ഷം രൂ​പ ത​ട്ടി. തു​മ​കൂ​രു ഉ​പ്പ​ര​ഹ​ള്ളി​യി​ലെ നാ​​ഗ​ഭൂ​ഷ​ൺ എ​ന്ന​യാ​ളാ​ണ് ത​ട്ടി​പ്പി​നി​ര​യാ​യ​ത്. നാ​​ഗ​ഭൂ​ഷ​​ന്റെ ബാ​ങ്ക് അ​ക്കൗ​ണ്ട് നി​യ​മ​വി​രു​ദ്ധ​മാ​യ പ​ണ​മി​ട​പാ​ടു​ക​ൾ​ക്കാ​യി ഉ​പ​യോ​​ഗി​ച്ചി​ട്ടു​ണ്ടെ​ന്നും അ​ദ്ദേ​ഹ​ത്തി​​ന്റെ പേ​രി​ൽ മ​റ്റൊ​രു സിം ​കാ​ർ​ഡെ​ടു​ത്തി​ട്ടു​ണ്ടെ​ന്നും അ​തു​പ​യോ​​ഗി​ച്ച് ആ​ളു​ക​ളെ വി​ളി​ച്ച് ഭീ​ഷ​ണി​പ്പെ​ടു​ത്തു​ന്നു​ണ്ടെ​ന്നു​മാ​യി​രു​ന്നു ത​ട്ടി​പ്പു​കാ​ർ അ​ദ്ദേ​ഹ​ത്തോ​ട് പ​റ​ഞ്ഞ​ത്.

തു​ട​ർ​ന്ന് വി​ഡി​യോ കാ​ളി​ൽ വ​രാ​നാ​വ​ശ്യ​പ്പെ​ടു​ക​യാ​യി​രു​ന്നു. പി​ന്നീ​ട് അ​ന്വേ​ഷ​ണ​ത്തി​നെ​ന്ന പേ​രി​ൽ ബാ​ങ്ക് അ​ക്കൗ​ണ്ടു​ക​ളെ​പ്പ​റ്റി ചോ​ദി​ച്ച​റി​യു​ക​യും അ​ക്കൗ​ണ്ടി​ലെ പ​ണം ട്രാ​ൻ​സ്ഫ​ർ ചെ​യ്യാ​നാ​വ​ശ്യ​പ്പെ​ടു​ക​യു​മാ​യി​രു​ന്നു. സം​ഭ​വ​ത്തി​ൽ പൊ​ലീ​സ് കേ​സെ​ടു​ത്ത് അ​ന്വേ​ഷ​ണ​മാ​രം​ഭി​ച്ചി​ട്ടു​ണ്ട്. ഡി​ജി​റ്റ​ൽ അ​റ​സ്റ്റു​മാ​യി ബ​ന്ധ​പ്പെ​ട്ട ത​ട്ടി​പ്പു​ക​ൾ വ്യാ​പ​ക​മാ​യ​തി​നെ തു​ട​ർ​ന്ന് ക​ഴി​ഞ്ഞ ദി​വ​സം ബം​​ഗ​ളൂ​രു സി​റ്റി പൊ​ലീ​സ് മു​ന്ന​റി​യി​പ്പ് ന​ൽ​കി​യി​രു​ന്നു. ഡി​ജി​റ്റ​ൽ അ​റ​സ്റ്റ് എ​ന്നൊ​രു രീ​തി പൊ​ലീ​സി​ലി​ല്ലെ​ന്നും അ​വ നി​യ​മ​സാ​ധു​ത​യു​ള്ള​ത​ല്ലെ​ന്നും പൊ​ലീ​സ് പ​റ​യു​ന്നു.

അ​റ​സ്റ്റ് ചെ​യ്യേ​ണ്ട സാ​ഹ​ച​ര്യ​മു​ണ്ടെ​ങ്കി​ൽ പൊ​ലീ​സ് നേ​രി​ട്ടു വ​രു​ക​യോ നോ​ട്ടീ​സ് അ​യ​ക്കു​ക​യോ ആ​ണ് ചെ​യ്യു​ക. മാ​ത്ര​മ​ല്ല, പൊ​ലീ​സ് ആ​രെ​യെ​ങ്കി​ലും അ​റ​സ്റ്റ് ചെ​യ്യു​ക​യാ​ണെ​ങ്കി​ൽ 24 മ​ണി​ക്കൂ​റി​ന​കം മ​ജി​സ്ട്രേ​റ്റി​നു മു​ന്നി​ൽ ഹാ​ജ​രാ​ക്കു​ക​യും ചെ​യ്യും.

സം​ശ​യാ​സ്പ​ദ​മാ​യ ന​മ്പ​റു​ക​ളി​ൽ നി​ന്നു​ള്ള കാ​ളു​ക​ളി​ൽ ജാ​​ഗ്ര​ത പാ​ലി​ക്ക​ണം. പേ​ര്, വി​ലാ​സം, ആ​ധാ​ർ, പാ​ൻ കാ​ർ​ഡ് ന​മ്പ​റു​ക​ൾ തു​ട​ങ്ങി​യ​വ വ്യ​ക്തി​​ഗ​ത വി​വ​ര​ങ്ങ​ൾ ആ​രു​മാ​യും പ​ങ്കു​വെ​ക്ക​രു​തെ​ന്നും പൊ​ലീ​സ് പ​റ​ഞ്ഞി​രു​ന്നു. ഈ​യ​ടു​ത്താ​യി ട്രാ​യ്, മും​ബൈ പൊ​ലീ​സ് ഉ​ദ്യോ​​ഗ​സ്ഥ​രെ​ന്ന വ്യാ​ജേ​ന വി​ളി​ച്ച് പ​ണം ത​ട്ടി​യ നി​ര​വ​ധി കേ​സു​ക​ളാ​ണ് റി​പ്പോ​ർ​ട്ട് ചെ​യ്തി​ട്ടു​ള്ള​ത്.