അ​ഞ്ചി​ന ഗാ​ര​ന്‍റി പ​ദ്ധ​തി​ക​ളെ പ്ര​ശം​സി​ച്ച്​ ഗ​വ​ർ​ണ​ർ

ബം​ഗ​ളൂ​രു: ക​ർ​ണാ​ട​ക​യി​ലെ കോ​ണ്‍ഗ്ര​സ് സ​ര്‍ക്കാ​റി​ന്‍റെ അ​ഞ്ചി​ന സാ​മൂ​ഹി​ക സു​ര​ക്ഷാ പ​ദ്ധ​തി​ക​ളെ റി​പ്പ​ബ്ലി​ക്​ ദി​ന ച​ട​ങ്ങി​ലെ പ്ര​സം​ഗ​ത്തി​ൽ പ്ര​ശം​സി​ച്ച് ഗ​വ​ര്‍ണ​ര്‍ താ​വ​ര്‍ച​ന്ദ് ഗെ​ഹ്‌​ലോ​ത്. ബം​ഗ​ളൂ​രു മ​നേ​ക് ഷാ ​പ​രേ​ഡ് മൈ​താ​ന​ത്ത് ന​ട​ന്ന പ​രി​പാ​ടി​യി​ല്‍ ഗാ​ര്‍ഡ് ഓ​ഫ് ഓ​ണ​ര്‍ സ്വീ​ക​രി​ച്ച് സം​സാ​രി​ക്കു​ക​യാ​യി​രു​ന്നു ഗ​വ​ര്‍ണ​ര്‍. സം​സ്ഥാ​ന​ത്തെ ജ​ന​ങ്ങ​ളു​ടെ ക്ഷേ​മ​ത്തി​ന് വേ​ണ്ടി ക​ര്‍ണാ​ട​ക സ​ര്‍ക്കാ​ര്‍ അ​ഞ്ച് ഗാ​ര​ന്‍റി പ​ദ്ധ​തി​ക​ള്‍ വി​ജ​യ​ക​ര​മാ​യി ന​ട​പ്പാ​ക്കി​യെ​ന്നും ഇ​ത് രാ​ജ്യ​ത്തി​ന്റെ ശ്ര​ദ്ധ​യാ​ക​ര്‍ഷി​ക്കു​ന്നു​വെ​ന്നും ഗ​വ​ര്‍ണ​ര്‍ പ​റ​ഞ്ഞു.

ഈ ​പ​ദ്ധ​തി​ക​ള്‍ സം​സ്ഥാ​ന​ത്തി​ന് സാ​മ്പ​ത്തി​ക പ്ര​തി​സ​ന്ധി​യു​ണ്ടാ​ക്കു​മെ​ന്ന പ്ര​വ​ച​ന​ത്തെ സ​ര്‍ക്കാ​ര്‍ തെ​റ്റി​ച്ചെ​ന്നും ക​ഴി​ഞ്ഞ വ​ര്‍ഷം വ​രു​മാ​ന​ത്തി​ല്‍ 13 ശ​ത​മാ​നം വ​ര്‍ധ​ന​യു​ണ്ടാ​യെ​ന്നും അ​ദ്ദേ​ഹം പ​റ​ഞ്ഞു. മു​ഖ്യ​മ​ന്ത്രി സി​ദ്ധ​രാ​മ​യ്യ ച​ട​ങ്ങി​ല്‍ പ​ങ്കെ​ടു​ത്തു. വി​വി​ധ ക​ലാ​പ്ര​ക​ട​ന​ങ്ങ​ളും സൈ​നി​ക അ​ഭ്യാ​സ​പ്ര​ക​ട​ന​ങ്ങ​ളും പ​രേ​ഡു​ക​ളും ന​ട​ന്നു. ക​ന​ത്ത സു​ര​ക്ഷ​യി​ലാ​ണ് റി​പ്പ​ബ്ലി​ക് ദി​നാ​ഘോ​ഷം സം​ഘ​ടി​പ്പി​ച്ച​ത്. ക​ർ​ണാ​ട​ക ഹൈ​കോ​ട​തി​യി​ൽ ന​ട​ന്ന റി​പ്പ​ബ്ലി​ക്​ ദി​ന ച​ട​ങ്ങി​ൽ ചീ​ഫ്​ ജ​സ്റ്റി​സ്​ സ​ന്ദേ​ശം ന​ൽ​കി.

ബം​ഗ​ളൂ​രു​വി​ലെ ഭാ​ര​ത്​ ജോ​ഡോ ഭ​വ​നി​ൽ ന​ട​ന്ന റി​പ്പ​ബ്ലി​ക്​ ദി​ന ച​ട​ങ്ങി​ൽ എ.​ഐ.​സി.​സി അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ സ​ന്ദേ​ശം ന​ൽ​കി. മു​ഖ്യ​മ​ന്ത്രി സി​ദ്ധ​രാ​മ​യ്യ, ഉ​പ​മു​ഖ്യ​മ​ന്ത്രി​യും കെ.​പി.​സി.​സി അ​ധ്യ​ക്ഷ​നു​മാ​യ ഡി.​കെ. ശി​വ​കു​മാ​ർ തു​ട​ങ്ങി​യ​വ​ർ പ​​ങ്കെ​ടു​ത്തു.