നെലമംഗലക്ക് സമീപം 55 കിടക്കകളുള്ള സൗജന്യ പാലിയേറ്റിവ് കെയർ ആരംഭിക്കും

ബംഗളൂരു: മാരക അസുഖങ്ങൾ ബാധിച്ച രോഗികൾക്ക് 55 കിടക്കകളുള്ള ‘നെമ്മാടി സെന്‍റര്‍ ഫോർ പാലിയേറ്റിവ് കെയർ’ ഞായറാഴ്ച ഉദ്ഘാടനം ചെയ്യും. സുകൃതി ചാരിറ്റബ്ൾ ട്രസ്റ്റിന്റെയും റോട്ടറി ബാംഗ്ലൂർ മിഡ്‌ടൗണിന്റെയും സഹകരണത്തോടെയാണ് സംരംഭം നടപ്പാക്കുന്നത്. കൗൺസലിങ്, മരണാനന്തര പരിചരണം എന്നിവയില്‍ രോഗികളുടെ കുടുംബങ്ങൾക്ക് പാലിയേറ്റിവ് കെയർ പിന്തുണ നൽകും. ഗ്ലോബൽ ഹ്യുമാനിറ്റേറിയൻ മിഷന്‍ സ്ഥാപകൻ മധുസൂദനൻ സായ്, ആരോഗ്യമന്ത്രി ദിനേശ് ഗുണ്ടു റാവു, പാർലമെന്റ് അംഗം ഡോ. സി.എൻ. മഞ്ജുനാഥ് എന്നിവര്‍ പങ്കെടുക്കും.