മു​ൻ ഉ​പ​മു​ഖ്യ​മ​ന്ത്രി ജി. ​പ​ര​മേ​ശ്വ​ര​ക്ക് കല്ലേറിൽ പ​രി​ക്ക്

ബം​ഗ​ളൂ​രു: തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ടെ​യു​ണ്ടാ​യ ക​ല്ലേ​റി​ൽ കോ​ൺ​ഗ്ര​സ് മു​ൻ ഉ​പ​മു​ഖ്യ​മ​ന്ത്രി ജി. ​പ​ര​മേ​ശ്വ​ര​ക്ക് പ​രി​ക്ക്. തു​മ​കു​രു​വി​ലെ ത​ന്റെ മ​ണ്ഡ​ല​മാ​യ കൊ​ര​ട്ട​ഗ​രെ​യി​ലെ ബൈ​ര​നെ​ഹ​ള്ളി​യി​ൽ വെ​ള്ളി​യാ​ഴ്ച വൈ​കീ​ട്ട് വോ​ട്ടു​ചോ​ദി​ച്ചു നീ​ങ്ങ​വെ​യാ​ണ് അ​ജ്ഞാ​ത ആ​ക്ര​മി​ക​ളു​ടെ ക​ല്ലേ​റു​ണ്ടാ​യ​ത്. ത​ല​ക്ക് പ​രി​ക്കേ​റ്റ് ര​ക്ത​മൊ​ലി​ച്ച​തോ​ടെ പ​ര​മേ​ശ്വ​ര​യെ ഉ​ട​ൻ സ​മീ​പ​ത്തെ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ലെ​ത്തി​ച്ച് ചി​കി​ത്സ ന​ൽ​കി.

തു​ട​ർ​ന്ന് തു​മ​കു​രു​വി​ലെ സി​ദ്ധാ​ർ​ഥ മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. കൊ​ര​ട്ട​ഗ​രെ​യി​ലെ സി​റ്റി​ങ് എം.​എ​ൽ.​എ​യാ​ണ് ദ​ലി​ത് നേ​താ​വാ​യ പ​ര​മേ​ശ്വ​ര. 10 ദി​വ​സ​ത്തി​നി​ടെ ര​ണ്ടാം ത​വ​ണ​യാ​ണ് അ​ദ്ദേ​ഹ​ത്തി​നു നേ​രെ ആ​ക്ര​മ​ണ​മു​ണ്ടാ​വു​ന്ന​ത്. ഏ​പ്രി​ൽ 19ന് ​കൊ​ര​ട്ട​ഗ​രെ​യി​ൽ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്ക​വെ അ​ദ്ദേ​ഹ​ത്തി​നു നേ​രെ ക​ല്ലേ​റു​ണ്ടാ​യി. സ്ഥ​ല​ത്ത് സു​ര​ക്ഷ ഡ്യൂ​ട്ടി​യി​ലു​ണ്ടാ​യി​രു​ന്ന വ​നി​ത പൊ​ലീ​സി​ന് ക​ല്ലേ​റി​ൽ പ​രി​ക്കേ​റ്റ ഈ ​കേ​സി​ൽ രം​ഗ​ദാ​മ​യ്യ എ​ന്ന​യാ​ൾ അ​റ​സ്റ്റി​ലാ​യി​രു​ന്നു. പരാജയ ഭീതി പൂണ്ട ബി.​ജെ.പി അക്രമം അഴിച്ചുവിടുകയാണെന്ന് കോൺഗ്രസ് നേതൃത്വം ആരോപിച്ചു.