കാ​ലം തേ​ടു​ന്ന​ത് അം​ബേ​ദ്ക​റു​ടെ ഭ​ര​ണ​ഘ​ട​ന​ക്കാ​യു​ള്ള പോ​രാ​ട്ടം -മു​ൻ ആ​ന്ധ്ര മാ​വോ​വാ​ദി സ​ഞ്ജീ​വ്

മം​ഗ​ളൂ​രു: ഡോ.​ബി.​ആ​ർ. അം​ബേ​ദ്ക​റു​ടെ ഭ​ര​ണ​ഘ​ട​ന സ്ഥാ​പി​ച്ച ജ​നാ​ധി​പ​ത്യ, മ​തേ​ത​ര വ​ഴി​യി​ലൂ​ടെ സ​മൂ​ഹ​ത്തെ​യും രാ​ഷ്ട്ര​ത്തെ​യും ന​യി​ക്കാ​ൻ ക​ഴി​യു​ന്ന സാ​ഹ​ച​ര്യ​മാ​ണ് വ​ർ​ത്ത​മാ​ന കാ​ലം തേ​ടു​ന്ന​തെ​ന്ന് ഞാ​യ​റാ​ഴ്ച ഉ​ഡു​പ്പി​യി​ൽ കീ​ഴ​ട​ങ്ങി​യ മാ​വോ​വാ​ദി തോ​മ്പാ​ട്ട് ല​ക്ഷ്മി​യു​ടെ ഭ​ർ​ത്താ​വും ആ​ന്ധ്ര​യി​ലെ മു​ൻ മാ​വോ​വാ​ദി നേ​താ​വു​മാ​യ സ​ഞ്ജീ​വ് പ​റ​ഞ്ഞു.

ആ​ന്ധ്ര​യി​ൽ മാ​വോ​വാ​ദി പ്ര​സ്ഥാ​നആ​ന്ധ്ര​യി​ൽ മാ​വോ​വാ​ദി പ്ര​സ്ഥാ​ന​ത്തി​ന്റെ വ​ക്താ​വാ​യി​രു​ന്ന ഇ​ദ്ദേ​ഹം നേ​ര​ത്തെ ആ​ന്ധ്ര സ​ർ​ക്കാ​റി​ന് കീ​ഴ​ട​ങ്ങി​യി​രു​ന്നു. പോ​ർ​മു​ഖ​ത്ത് നി​ന്നാ​യി​രു​ന്നു തോ​മ്പാ​ട്ടി​ലെ പ​ഞ്ചു പൂ​ജാ​രി​യു​ടെ ഏ​ഴ് മ​ക്ക​ളി​ൽ ഏ​ക പെ​ൺ​കു​ട്ടി​യാ​യ ല​ക്ഷ്മി​യെ സ​ഞ്ജീ​വ് ക​ണ്ടു​മു​ട്ടി​യ​ത്. ഹൈ​സ്കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​തി​നു​പി​ന്നാ​ലെ ത​ന്റെ ഗ്രാ​മ​ത്തി​ലെ വി​വി​ധ സാ​മൂ​ഹി​ക പ്ര​ശ്ന​ങ്ങ​ളി​ൽ സ​ജീ​വ​മാ​യി ഇ​ട​പെ​ട്ടി​രു​ന്ന ല​ക്ഷ്മി​യു​ടെ ആ​ത്മ​ധൈ​ര്യ​വും നി​ശ്ച​യ​ദാ​ർ​ഢ്യ​വും മാ​വോ​വാ​ദി സം​ഘ​ത്തി​ലും അ​വ​ർ പ്ര​ക​ടി​പ്പി​ച്ചു. സ​ഞ്ജീ​വ ല​ക്ഷ്മി​യെ വി​വാ​ഹം ചെ​യ്ത് ഇ​രു​വ​രും ആ​ന്ധ്ര​പ്ര​ദേ​ശി​ലേ​ക്ക് താ​മ​സം മാ​റ്റു​ക​യാ​യി​രു​ന്നു.

2009ലാ​ണ് സ​ഞ്ജീ​വ് മാ​വോ​വാ​ദി പ്ര​സ്ഥാ​ന​ത്തി​ൽ​നി​ന്ന് വി​ട​വാ​ങ്ങി​യ​ത്. വ്യ​വ​സ്ഥാ​പ​ര​മാ​യ അ​നീ​തി​ക​ൾ​ക്കെ​തി​രെ പ്രാ​യോ​ഗി​ക​മാ​യ പ​രി​ഹാ​ര​മെ​ന്ന നി​ല​യി​ലാ​യി​രു​ന്നു മാ​വോ​വാ​ദി പ്ര​സ്ഥാ​ന​ത്തി​ലേ​ക്ക് ആ​കൃ​ഷ്ട​നാ​യ​ത്. എ​ന്നാ​ൽ, ആ​ത്മ​പ​രി​ശോ​ധ​ന​യും ജീ​വി​താ​നു​ഭ​വ​ങ്ങ​ളും ത​ന്നെ മ​റ്റൊ​രു ചി​ന്ത​യി​ലേ​ക്ക് ന​യി​ച്ചു. നി​യ​മ​പ​ര​വും ഭ​ര​ണ​ഘ​ട​നാ​പ​ര​വു​മാ​യ വ​ഴി​ക​ളി​ലൂ​ടെ​യാ​ണ് യ​ഥാ​ർ​ഥ പു​രോ​ഗ​തി​യും നീ​തി​യും പി​ന്തു​ട​രേ​ണ്ട​തെ​ന്ന തി​രി​ച്ച​റി​വി​ൽ നി​ന്നാ​യി​രു​ന്നു ആ ​വി​ചാ​രം. ആ​ന്ധ്ര​പ്ര​ദേ​ശ് സ​ർ​ക്കാ​ർ മു​മ്പാ​കെ​യു​ള്ള കീ​ഴ​ട​ങ്ങ​ൽ ജീ​വി​ത​വ​ഴി​യി​ൽ സു​പ്ര​ധാ​ന നാ​ഴി​ക​ക്ക​ല്ലാ​യി. ഭൂ​ത​കാ​ല ഭാ​ര​ങ്ങ​ൾ ഇ​റ​ക്കി​വെ​ക്കാ​നും ജ​നാ​ധി​പ​ത്യ​ത്തി​ന്റെ​യും നി​യ​മ​വാ​ഴ്ച​യു​ടെ​യും ത​ത്ത്വ​ങ്ങ​ളി​ൽ അ​ധി​ഷ്‌​ഠി​ത​മാ​യ ഭാ​വി തേ​ടാ​നും അ​ത് വ​ഴി​വെ​ച്ചു. അം​ബേ​ദ്ക​റു​ടെ ഭ​ര​ണ​ഘ​ട​ന​യു​ടെ പ്രാ​ധാ​ന്യം ഈ ​സ​ന്ദ​ർ​ഭ​ത്തി​ൽ പ​റ​ഞ്ഞ​റി​യി​ക്കേ​ണ്ട ഒ​ന്ന​ല്ല. 2006 മു​ത​ൽ മാ​വോ​വാ​ദി പ്ര​സ്ഥാ​ന​ത്തി​ൽ ഏ​ർ​പ്പെ​ട്ടി​രു​ന്ന ഭാ​ര്യ ല​ക്ഷ്മി ക​ർ​ണാ​ട​ക സ​ർ​ക്കാ​റി​ന് കീ​ഴ​ട​ങ്ങി മു​ഖ്യ​ധാ​ര​യി​ൽ ഒ​പ്പം

നി​ൽ​ക്കു​ന്ന​ത് ത​ങ്ങ​ൾ വ്യ​ക്തി​പ​ര​മാ​യി മാ​ത്രം കാ​ണു​ന്നി​ല്ല. മു​ൻ മാ​വോ​വാ​ദി​ക​ളു​ടെ മു​ഖ്യ​ധാ​ര സു​ഗ​മ​മാ​ക്കു​ന്ന​തി​ന് ക​ർ​ണാ​ട​ക മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ നേ​തൃ​ത്വ​ത്തി​ലു​ള്ള മു​ൻ​കൈ ശാ​ന്തി​യി​ലേ​ക്കും അ​നു​ര​ഞ്ജ​ന​ത്തി​ലേ​ക്കു​മു​ള്ള പ്ര​ശം​സ​നീ​യ​മാ​യ ചു​വ​ടു​വെ​പ്പാ​ണെ​ന്ന് സ​ഞ്ജീ​വ് പ​റ​ഞ്ഞു.