ബ​സും ലോ​റി​യും കൂ​ട്ടി​യി​ടി​ച്ച് അ​ഞ്ചു​പേർ മരിച്ചു

ബം​ഗ​ളൂ​രു: ബം​ഗ​ളൂ​രു റൂ​റ​ലി​ലെ ഹോ​സ്‌​കോ​ട്ടെ താ​ലൂ​ക്കി​ൽ ഗോ​ട്ടി​പു​ര ഗേ​റ്റി​ന് സ​മീ​പം വെ​ള്ളി​യാ​ഴ്ച പു​ല​ർ​ച്ചെ ര​ണ്ടോ​ടെ ആ​ന്ധ്ര​പ്ര​ദേ​ശ് സ്റ്റേ​റ്റ് റോ​ഡ് ട്രാ​ൻ​സ്‌​പോ​ർ​ട്ട് കോ​ർ​പ​റേ​ഷ​ൻ (എ.​പി.​എ​സ്.​ആ​ർ.​ടി.​സി) ബ​സും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ ര​ണ്ട് കു​ട്ടി​ക​ൾ ഉ​ൾ​പ്പെ​ടെ അ​ഞ്ചു​പേ​ർ മ​രി​ച്ചു. 16 യാ​ത്ര​ക്കാ​ർ​ക്ക് പ​രി​ക്കേ​റ്റു, ഇ​തി​ൽ ര​ണ്ടു​പേ​ർ ഗു​രു​ത​രാ​വ​സ്ഥ​യി​ലാ​ണ്. ആ​ന്ധ്ര​പ്ര​ദേ​ശി​ൽ ചി​റ്റൂ​ർ ജി​ല്ല​യി​ലെ വി​വി​ധ ഗ്രാ​മ​ങ്ങ​ളി​ൽ​നി​ന്നു​ള്ള യാ​ത്വി​ക് (11 മാ​സം), പ്ര​ണ​തി (അ​ഞ്ച്), തു​ള​സി എ​ന്ന ത​നു (21), കേ​ശ​വു​ലു റെ​ഡ്ഡി (44), ജെ.​പി ന​ഗ​ർ സ്വ​ദേ​ശി ശാ​ര​ദ (43) എ​ന്നി​വ​രാ​ണ് മ​രി​ച്ച​ത്.

തു​ള​സി സ്വ​കാ​ര്യ കോ​ള​ജി​ൽ ബി​ടെ​ക് വി​ദ്യാ​ർ​ഥി​നി​യും യാ​ത്വി​ക് മു​ൻ സൈ​നി​ക​ന്റെ മ​ക​നും കേ​ശ​വു​ലു കൂ​ലി​പ്പ​ണി​ക്കാ​ര​നു​മാ​ണ്. വീ​ട്ട​മ്മ​യാ​ണ് ശാ​ര​ദ.ബ​സ് ഡ്രൈ​വ​ർ പാ​തി​യു​റ​ക്ക​ത്തി​ൽ അ​ശ്ര​ദ്ധ​മാ​യും അ​മി​ത​വേ​ഗ​ത്തി​ലും വാ​ഹ​ന​മോ​ടി​ച്ച​താ​ണ് അ​പ​ക​ട കാ​ര​ണ​മെ​ന്ന് പൊ​ലീ​സ് പ​റ​ഞ്ഞു. ആ​ന്ധ്ര​പ്ര​ദേ​ശി​ലെ തി​രു​പ്പ​തി​യി​ൽ​നി​ന്ന് ന​ഗ​ര​ത്തി​ലേ​ക്ക് വ​രി​ക​യാ​യി​രു​ന്ന ബ​സി​ൽ 30 യാ​ത്ര​ക്കാ​രു​ണ്ടാ​യി​രു​ന്നു. ഇ​രു​മ്പ് ദ​ണ്ഡു​ക​ൾ നി​റ​ച്ച ലോ​റി കൊ​ൽ​ക്ക​ത്ത​യി​ൽ​നി​ന്ന് ബം​ഗ​ളൂ​രു​വി​ലേ​ക്ക് വ​രു​ക​യാ​യി​രു​ന്നു.

തി​രു​പ്പ​തി​യി​ൽ​നി​ന്ന് യാ​ത്ര​ക്കാ​രെ ക​യ​റ്റി​യ ബ​സ് ഒ​ന്ന​ര മ​ണി​ക്കൂ​ർ വൈ​കി​യാ​ണ് ചി​റ്റൂ​രി​ലെ​ത്തി​യ​ത്. കോ​ലാ​ർ-​ബം​ഗ​ളൂ​രു ഹൈ​വേ​യി​ലെ ഗോ​ട്ടി​പു​ര ഗേ​റ്റി​ന് സ​മീ​പം പു​ല​ർ​ച്ചെ 1.50 ഓ​ടെ ബ​സ് ഡ്രൈ​വ​ർ ലോ​റി​യെ മ​റി​ക​ട​ക്കാ​ൻ ശ്ര​മി​ച്ചെ​ങ്കി​ലും പി​റ​കി​ലി​ടി​ച്ചു. ഇ​ടി​യു​ടെ ആ​ഘാ​ത​ത്തി​ൽ ബ​സി​ന്റെ വ​ല​തു​വ​ശ​വും മേ​ൽ​ഭാ​ഗ​വും ത​ക​ർ​ന്നു. ബ​സി​ന്റെ വ​ല​തു​വ​ശ​ത്ത് ഇ​രു​ന്ന യാ​ത്ര​ക്കാ​ർ​ക്ക് ഗു​രു​ത​ര പ​രി​ക്കേ​റ്റു.

ബ​സ് യാ​ത്ര​ക്കാ​രൻ ജെ.​പി. ന​ഗ​ർ നി​വാ​സി​യും ചി​റ്റൂ​ർ സ്വ​ദേ​ശി​യു​മാ​യ മ​ദ​ന മോ​ഹ​ന റെ​ഡ്ഡി പൊ​ലീ​സി​നോ​ട് പ​റ​ഞ്ഞ​ത് ഇ​ങ്ങ​നെ: ‘രാ​ത്രി 9.30 ഓ​ടെ ചി​റ്റൂ​രി​ൽ എ​ത്തേ​ണ്ടി​യി​രു​ന്ന ബ​സ് രാ​ത്രി 11ഓ​യോ​ടെ​യാ​ണ് എ​ത്തി​യ​ത്. പു​ല​ർ​ച്ചെ ര​ണ്ടോ​ടെ​യാ​ണ് ഞ​ങ്ങ​ൾ എ​ല്ലാ​വ​രും ഉ​റ​ങ്ങാ​ൻ കി​ട​ന്ന​ത്. ക​ണ്ണു​തു​റ​ന്ന​പ്പോ​ൾ ബ​സി​ന്റെ മേ​ൽ​ക്കൂ​ര കാ​ണാ​നാ​യി​ല്ല. ഞാ​ൻ നാ​ലാം നി​ര സീ​റ്റി​ലാ​യി​രു​ന്നു. എ​ന്റെ ഭാ​ര്യ ധ​ന​ല​ക്ഷ്മി​യു​ടെ ര​ണ്ട് കാ​ലു​ക​ളും ഏ​താ​ണ്ട് അ​റ്റു​പോ​യ നി​ല​യി​ൽ ഞാ​ൻ ക​ണ്ടു. അ​ഞ്ച് മു​ത​ൽ ആ​റ് വ​രെ യാ​ത്ര​ക്കാ​ർ അ​ബോ​ധാ​വ​സ്ഥ​യി​ലാ​യി​രു​ന്നു.

പ​രി​ക്കേ​ൽ​ക്കാ​ത്ത​വ​ർ പ​രി​ക്കേ​റ്റ​വ​രെ ബ​സി​ൽ​നി​ന്ന് പു​റ​ത്തെ​ടു​ത്ത് സ​ഹാ​യി​ക്കാ​ൻ തു​ട​ങ്ങി. 15-20 മി​നി​റ്റി​നു​ശേ​ഷം ആം​ബു​ല​ൻ​സു​ക​ൾ എ​ത്തി അ​വ​രെ ആ​ശു​പ​ത്രി​യി​ലേ​ക്ക് മാ​റ്റി. എ​ന്റെ ഭാ​ര്യ​യു​ടെ ര​ണ്ട് കാ​ലു​ക​ളും ന​ഷ്ട​പ്പെ​ട്ടു, അ​വ​രു​ടെ നി​ല ഗു​രു​ത​ര​മാ​ണ്.’ 16 ഓ​ളം പേ​ർ​ക്ക് പ​രി​ക്കേ​റ്റ​താ​യും അ​തി​ൽ ധ​ന​ല​ക്ഷ്മി (37), ബ​സ് ഡ്രൈ​വ​ർ വി.​എ​ൽ.​കെ കു​മാ​ർ എ​ന്നി​വ​രു​ൾ​പ്പെ​ടെ ര​ണ്ട് പേ​രു​ടെ നി​ല ഗു​രു​ത​ര​മാ​ണെ​ന്നും പൊ​ലീ​സ് പ​റ​ഞ്ഞു. എ​ല്ലാ​വ​രും ഹോ​സ്‌​കോ​ട്ടി​ലെ സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. കൊ​ൽ​ക്ക​ത്ത​യി​ൽ​നി​ന്നു​ള്ള ലോ​റി ഡ്രൈ​വ​ർ ദി​നേ​ശ് ബി​ശ്വാ​സ് എ​ന്ന​യാ​ൾ മൈ​സൂ​രു റോ​ഡി​ൽ ഇ​രു​മ്പ് ദ​ണ്ഡു​ക​ൾ ഇ​റ​ക്കേ​ണ്ട​താ​യി​രു​ന്നു​വെ​ന്ന് പൊ​ലീ​സി​നോ​ട് പ​റ​ഞ്ഞു.

ബ​സ് ലോ​റി​ക്ക് പി​റ​കി​ൽ ഇ​ടി​ക്കു​ക​യാ​യി​രു​ന്നു. ജ​ന​ക്കൂ​ട്ട​ത്തി​ന്റെ ആ​ക്ര​മ​ണം ഭ​യ​ന്ന് അ​യാ​ൾ സ​മീ​പ​ത്ത് ഒ​ളി​ച്ചി​രി​ക്കു​ക​യാ​യി​രു​ന്നു. പ​രി​ക്കേ​റ്റ​വ​രെ ആ​ശു​പ​ത്രി​യി​ലേ​ക്ക് മാ​റ്റി​യ ശേ​ഷം അ​യാ​ൾ പൊ​ലീ​സി​നെ സ​മീ​പി​ച്ചു. മ​രി​ച്ച​വ​രു​ടെ മൃ​ത​ദേ​ഹ​ങ്ങ​ൾ ഹൊ​സ്‌​കോ​ട്ടി​ലെ സ​ർ​ക്കാ​ർ ആ​ശു​പ​ത്രി​യി​ൽ പോ​സ്റ്റ്‌​മോ​ർ​ട്ട​ത്തി​ന് ശേ​ഷം കു​ടും​ബ​ങ്ങ​ൾ​ക്ക് കൈ​മാ​റി. ര​ണ്ട് ഡ്രൈ​വ​ർ​മാ​രും മ​ദ്യ​പി​ച്ചി​രു​ന്നി​ല്ല. മ​ദ​ന മോ​ഹ​ന റെ​ഡ്ഡി ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ ഹൊ​സ്‌​കോ​ട്ടെ ട്രാ​ഫി​ക് പൊ​ലീ​സ് സ്റ്റേ​ഷ​നി​ൽ ഇ​രു​വ​ർ​ക്കു​മെ​തി​രെ കേ​സ് ര​ജി​സ്റ്റ​ർ ചെ​യ്തു.യാ​ത്ര​ക്കാ​രു​ടെ സ​ഹാ​യ​ത്തോ​ടെ പൊ​ലീ​സ് വാ​ഹ​ന​ങ്ങ​ൾ റോ​ഡ​രി​കി​ലേ​ക്ക് ത​ള്ളി​മാ​റ്റു​ക​യാ​യി​രു​ന്നു.