ബം​ഗ​ളൂ​രു എം.​എ​സ്. രാ​മ​യ്യ ആ​ശു​പ​ത്രി​യി​ൽ തീ​പി​ടി​ത്തം

ബം​ഗ​ളൂ​രു: മ​ത്തി​ക്ക​രെ​യി​ലെ എം.​എ​സ്. രാ​മ​യ്യ ആ​ശു​പ​ത്രി​യി​ൽ തീ​പി​ടി​ത്തം. വ്യാ​ഴാ​ഴ്ച ഉ​ച്ച​ക്ക് ഒ​ന്നോ​​ടെ ആ​ശു​പ​ത്രി​യി​ലെ ഒ​ന്നാം നി​ല​യി​ൽ ക്രി​ട്ടി​ക്ക​ൽ കെ​യ​ർ യൂ​നി​റ്റി​ൽ (സി.​സി.​യു) ആ​ണ് തീ​പി​ടി​ത്ത​മു​ണ്ടാ​യ​ത്. തീ ​അ​തി​വേ​ഗം പ​ട​ർ​ന്ന​ത് രോ​ഗി​ക​ളും കൂ​ട്ടി​രി​പ്പു​കാ​രു​മ​ട​ക്ക​മു​ള്ള​വ​രെ പ​രി​ഭ്രാ​ന്തി​യി​ലാ​ക്കി. സി.​സി.​യു​വി​ലു​ണ്ടാ​യി​രു​ന്ന 12 രോ​ഗി​ക​ളെ​യും ഉ​ട​ൻ ഒ​ഴി​പ്പി​ച്ച​താ​യി ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. അ​ഗ്നി​ര​ക്ഷാ സേ​ന​യു​ടെ മൂ​ന്ന് വാ​ഹ​ന​മു​ൾ​പ്പെ​ടെ എ​ത്തി തീ ​നി​യ​ന്ത്ര​ണ​വി​ധേ​യ​മാ​ക്കി. തീ​പി​ടി​ത്ത​ത്തി​ൽ ആ​ർ​ക്കും പ​രി​ക്കി​ല്ലെ​ന്നും രോ​ഗി​ക​ൾ സു​ര​ക്ഷി​ത​രാ​ണെ​ന്നും ആ​ശു​പ​ത്രി അ​ധി​കൃ​ത​ർ വ്യ​ക്ത​മാ​ക്കി.

തീ​പി​ടി​ത്ത​ത്തി​ന്റെ യ​ഥാ​ർ​ഥ കാ​ര​ണം വ്യ​ക്ത​മാ​യി​ട്ടി​ല്ല. ഷോ​ർ​ട്ട് സ​ർ​ക്യൂ​ട്ട് മൂ​ല​മാ​കാം അ​പ​ക​ട​മു​ണ്ടാ​യ​തെ​ന്നാ​ണ് പ്രാ​ഥ​മി​ക നി​ഗ​മ​നം. അ​തേ​സ​മ​യം, ആ​ശു​പ​ത്രി​യി​ൽ ചി​കി​ത്സ​യി​ലി​രു​ന്ന മ​ല​യാ​ളി യു​വാ​വി​ന്റെ മ​ര​ണം തീ​പി​ടി​ത്തം കാ​ര​ണ​മാ​ണെ​ന്നും ആ​ശു​പ​ത്രി അ​ധി​കൃ​ത​ർ വി​വ​രം മ​റ​ച്ചു​വെ​ക്കാ​ൻ ശ്ര​മി​ക്കു​ക​യാ​ണെ​ന്നും ആ​രോ​പി​ച്ച് ബ​ന്ധു​ക്ക​ൾ രം​ഗ​ത്തെ​ത്തി. കൊ​ല്ലം പു​ന​ലൂ​ർ സ്വ​ദേ​ശി സു​ജ​യ് പ​ണി​ക്ക​ർ (34) ആ​ണ് മ​രി​ച്ച​ത്. ശ്വാ​സ​കോ​ശ സം​ബ​ന്ധ​മാ​യ അ​സു​ഖ​ത്തെ തു​ട​ർ​ന്ന് തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​യി​രു​ന്നു. അ​പ​ക​ട​ത്തി​ൽ സു​ജ​യി​ന്റെ ജീ​വ​ൻ ര​ക്ഷ​പ്പെ​ടു​ത്തു​ന്ന​തി​ൽ ആ​ശു​പ​ത്രി അ​ധി​കൃ​ത​ർ​ക്ക് വീ​ഴ്ച സം​ഭ​വി​ച്ച​താ​യാ​ണ് ബ​ന്ധു​ക്ക​ളു​ടെ ആ​രോ​പ​ണം. പി​താ​വ്: സു​ജ​ത​ൻ, മാ​താ​വ്: ഗീ​ത, ഭാ​ര്യ: രോ​ഹി​ണി ജ​യ​ൻ, മ​ക്ക​ൾ: ആ​ദി സു​ജ​യ്, അ​ദി​തി സു​ജ​യ്, സ​ഹോ​ദ​ര​ൻ: സു​ജി​ൻ സു​ജ​ത​ൻ പ​ണി​ക്ക​ർ.