ബിഡദി ടൗൺഷിപ്പിനെതിരെ ​കർഷക പ്രതിഷേധം; ക​ർ​ഷ​ക​ർ​ക്ക് പി​ന്തു​ണ​യു​മാ​യി ബി.​ജെ.​പി

ബം​ഗ​ളൂ​രു: ബി​ഡ​ദി ടൗ​ൺ​ഷി​പ് പ​ദ്ധ​തി​ക്ക് ഭൂ​മി ഏ​​റ്റെ​ടു​ക്കു​ന്ന​തി​നെ​തി​രെ പ്ര​തി​ഷേ​ധ​വു​മാ​യി ക​ർ​ഷ​ക​ർ രം​ഗ​ത്ത്. രാ​മ​ന​ഗ​ര ബി​ഡ​ദി ഹോ​ബ്ലി​യി​ലെ ഒ​മ്പ​ത് ഗ്രാ​മ​ങ്ങ​ളി​ൽ​നി​ന്നു​ള്ള ക​ർ​ഷ​ക​രാ​ണ് വെ​ള്ളി​യാ​ഴ്ച ബ​സ​വ​പു​ര ഗ്രാ​മ​ത്തി​ൽ​നി​ന്ന് രാ​മ​ന​ഗ​ര​യി​ലെ ഡെ​പ്യൂ​ട്ടി ക​മീ​ഷ​ണ​റു​ടെ ഓ​ഫി​സി​ലേ​ക്ക് മാ​ർ​ച്ച് ന​ട​ത്തി​യ​ത്. സ​മ​ര​ക്കാ​ർ​ക്ക് പി​ന്തു​ണ​യു​മാ​യി ബി.​ജെ.​പി രം​ഗ​ത്തെ​ത്തി. മു​ൻ എം.​എ​ൽ.​എ എ. ​മ​ഞ്ജു​നാ​ഥ്, പ്ര​തി​പ​ക്ഷ നേ​താ​വ് ആ​ർ. അ​ശോ​ക എ​ന്നി​വ​ർ പ്ര​തി​ഷേ​ധ​ത്തി​ന് നേ​തൃ​ത്വം ന​ൽ​കി. ബി​ഡ​ദി ടൗ​ൺ​ഷി​പ് പ​ദ്ധ​തി സ​ർ​ക്കാ​ർ ഉ​പേ​ക്ഷി​ക്ക​ണ​മെ​ന്ന് ക​ർ​ഷ​ക​ർ ആ​വ​ശ്യ​പ്പെ​ട്ടു. ബം​ഗ​ളൂ​രു റൂ​റ​ൽ എം.​പി ഡോ. ​സി.​എ​ൻ. മ​ഞ്ജു​നാ​ഥ്, മു​ൻ എം.​എ​ൽ.​എ അ​ശ്വ​ത് നാ​രാ​യ​ണ ഗൗ​ഡ തു​ട​ങ്ങി​യ​വ​ർ പ​ങ്കെ​ടു​ത്തു.

9600 ഏ​ക്ക​ർ ഭൂ​മി ബി​ഡ​ദി മേ​ഖ​ല​യി​ൽ ഏ​റ്റെ​ടു​ക്കാ​നാ​ണ് സ​ർ​ക്കാ​ർ നീ​ക്കം. പ​ദ്ധ​തി​യെ എ​തി​ർ​ത്ത് താ​നും ജെ.​ഡി-​എ​സ് അ​ധ്യ​ക്ഷ​ൻ എ​ച്ച്.​ഡി. ദേ​വ​ഗൗ​ഡ​യും മു​ഖ്യ​മ​ന്ത്രി​ക്ക് ക​ത്തു​ക​ൾ എ​ഴു​തി​യ​താ​യി ഡോ. ​മ​ഞ്ജു​നാ​ഥ് എം.​പി പ​റ​ഞ്ഞു. പ​ട്ടു​നൂ​ൽ കൊ​ക്കൂ​ൺ കൃ​ഷി​യി​ൽ മു​ൻ​പ​ന്തി​യി​ൽ നി​ൽ​ക്കു​ന്ന രാ​മ​ന​ഗ​ര​യു​ടെ കാ​ർ​ഷി​ക ഭൂ​മി ഏ​റ്റെ​ടു​ക്കു​ന്ന പ​ദ്ധ​തി വേ​ണ്ടെ​ന്ന് അ​ദ്ദേ​ഹം പ​റ​ഞ്ഞു. ക​ർ​ഷ​ക​രാ​ണ് രാ​ജ്യ​ത്തി​ന്റെ ന​ട്ടെ​ല്ല്. അ​വ​ർ പ​ദ്ധ​തി​യെ എ​തി​ർ​ക്കു​മ്പോ​ൾ എ​ന്തി​നാ​ണ് സ​ർ​ക്കാ​ർ പ​ദ്ധ​തി​യു​മാ​യി മു​ന്നോ​ട്ട് പോ​കു​ന്ന​തെ​ന്ന് അ​ദ്ദേ​ഹം ചോ​ദി​ച്ചു.

ബം​ഗ​ളൂ​രു​വി​ൽ സ്ഥ​ല​ങ്ങ​ളും അ​പ്പാ​ർ​ട്മെ​ന്റു​ക​ളും വ്യ​വ​സാ​യ പാ​ർ​ക്കു​ക​ളും ഇ​പ്പോ​ഴും ഒ​ഴി​ഞ്ഞു​കി​ട​ക്കു​ക​യാ​ണ്. ബി​ഡ​ദി​യി​ലെ​യും ഹ​രോ​ഹ​ള്ളി​യി​ലെ​യും വ്യ​വ​സാ​യ പാ​ർ​ക്കു​ക​ളും ഒ​ഴി​ഞ്ഞു​കി​ട​ക്കു​ന്നു. ആ​ർ​ക്കും പ്ര​യോ​ജ​നം ല​ഭി​ക്കാ​ത്ത ഈ ​ടൗ​ൺ​ഷി​പ് പ​ദ്ധ​തി സ​ർ​ക്കാ​ർ ഉ​പേ​ക്ഷി​ക്ക​ണം -എം.​പി ആ​വ​​ശ്യ​പ്പെ​ട്ടു. ജെ.​ഡി-​എ​സ് നേ​താ​വ് എ​ച്ച്.​ഡി. കു​മാ​ര​സ്വാ​മി മു​ഖ്യ​മ​ന്ത്രി​യാ​യി​രു​ന്ന​പ്പോ​ഴാ​ണ് പ​ദ്ധ​തി നി​ർ​ദേ​ശി​ച്ച​തെ​ന്ന ഉ​പ മു​ഖ്യ​മ​ന്ത്രി ഡി.​കെ. ശി​വ​കു​മാ​റി​ന്റെ വാ​ദ​ത്തെ​ക്കു​റി​ച്ച ചോ​ദ്യ​ത്തി​ന്, ക​ർ​ഷ​ക​ർ എ​തി​ർ​ത്ത​തി​നെ​ത്തു​ട​ർ​ന്ന് അ​ത് ഉ​പേ​ക്ഷി​ച്ച​താ​യി ഡോ. ​മ​ഞ്ജു​നാ​ഥ് പ​റ​ഞ്ഞു.

ഇ​പ്പോ​ൾ ക​ർ​ഷ​ക​ർ ഭൂ​മി വി​ട്ടു​കൊ​ടു​ത്താ​ൽ അ​വ​രു​ടെ വ​രും ത​ല​മു​റ​ക​ൾ സു​ര​ക്ഷാ ഗാ​ർ​ഡു​ക​ളാ​യി പ്ര​വ​ർ​ത്തി​ക്കേ​ണ്ടി​വ​രും. ആ​ദ്യം, ബം​ഗ​ളൂ​രു​വി​ലെ ഒ​ഴി​ഞ്ഞു​കി​ട​ക്കു​ന്ന സ്ഥ​ല​ങ്ങ​ൾ അ​വ​ർ നി​ക​ത്ത​ട്ടെ. എ​ന്നി​ട്ടു മ​തി രാ​മ​ന​ഗ​ര​യി​ലെ ക​ർ​ഷ​ക ഭൂ​മി നി​ക​ത്ത​ൽ -അ​ദ്ദേ​ഹം കൂ​ട്ടി​ച്ചേ​ർ​ത്തു.

കോ​ൺ​ഗ്ര​സ് സ​ർ​ക്കാ​ർ റി​യ​ൽ എ​സ്റ്റേ​റ്റ് സ​ർ​ക്കാ​റാ​ണെ​ന്ന് പ്ര​തി​പ​ക്ഷ നേ​താ​വ് ആ​ർ. അ​ശോ​ക കു​റ്റ​പ്പെ​ടു​ത്തി. ബി​ഡ​ദി​യി​ൽ ഏ​ക​ദേ​ശം 3000 ഏ​ക്ക​ർ ഭൂ​മി​യു​ണ്ട്, 1000 കോ​ടി രൂ​പ വ​രു​മാ​നം ല​ഭി​ക്കു​ന്ന​തി​നാ​ൽ ഭൂ​മി പി​ടി​ച്ചെ​ടു​ക്കാ​നു​ള്ള ശ്ര​മ​മാ​ണി​ത്. ടൗ​ൺ​ഷി​പ് പ​ദ്ധ​തി​യെ എ​തി​ർ​ക്കാ​ൻ ക​ർ​ഷ​ക​ർ വി​ധാ​ൻ​സൗ​ധ​യി​ലേ​ക്ക് മാ​ർ​ച്ച് ന​ട​ത്ത​ണ​മെ​ന്നും ബം​ഗ​ളൂ​രു​വി​ൽ പ്ര​തി​ഷേ​ധം ന​ട​ത്ത​ണ​മെ​ന്നും അ​ദ്ദേ​ഹം ക​ർ​ഷ​ക​രോ​ട് ആ​ഹ്വാ​നം​ചെ​യ്തു.