കർഷകനെ കാട്ടാന ചവിട്ടിക്കൊന്നു

ബംഗളൂരു: ഹാസൻ ജില്ലയിലെ ബേലൂർ താലൂക്കിൽ അരെഹള്ളി പൊലീസ് സ്റ്റേഷൻ പരിധിയിൽ ഞായറാഴ്ച രാവിലെ കാട്ടാനയുടെ ആക്രമണത്തിൽ കർഷകൻ മരിച്ചു.കനഗുപ്പെ ഗ്രാമവാസി രാജ് ഷെട്ടിയാണ് (65) മരിച്ചത്. രാജ് ഷെട്ടി തന്റെ തോട്ടത്തിൽ ജോലിക്ക് പോകുന്നതിനിടെ സമീപത്തുള്ള കുറ്റിക്കാട്ടിൽ ഒളിച്ചിരുന്ന ആന പെട്ടെന്ന് ആക്രമിച്ചു. തുമ്പിക്കൈ കൊണ്ട് ഉയർത്തി ചവിട്ടി കൊന്നതായി പൊലീസ് പറഞ്ഞു. വിവരം ലഭിച്ചതിനെത്തുടർന്ന് വനംവകുപ്പ് ഉദ്യോഗസ്ഥരും പൊലീസും സ്ഥലത്തെത്തി ആനയെ തുരത്താനുള്ള നടപടി ആരംഭിച്ചു.