ചാ​മു​ണ്ഡി ഹി​ൽ​സ് റോ​പ് വേ പ​ദ്ധ​തി​ക്കെ​തി​രെ പ​രി​സ്ഥി​തി സ്നേ​ഹി​ക​ൾ

ബം​ഗ​ളൂ​രു: ചാ​മു​ണ്ഡി ഹി​ൽ​സ് റോ​പ് വേ ​പ​ദ്ധ​തി ന​ട​പ്പാ​ക്ക​രു​തെ​ന്നാ​വ​ശ്യ​പ്പെ​ട്ട് ചാ​മു​ണ്ഡി ബെ​ട്ട ഉ​ളി​സി സ​മി​തി രം​ഗ​ത്ത്. ച​രി​ത്ര പ്രാ​ധാ​ന്യ​മു​ള്ള ചാ​മു​ണ്ഡി മ​ല​യെ​യും പാ​ര​മ്പ​ര്യ​ത്തെ​യും വി​നോ​ദ​സ​ഞ്ചാ​ര വി​ക​സ​ന​ത്തി​ന്‍റെ പേ​രി​ൽ ന​ശി​പ്പി​ക്ക​രു​തെ​ന്നാ​ണ് സ​മി​തി​യു​ടെ ആ​വ​ശ്യം.

പ​രി​സ്ഥി​തി സ്നേ​ഹി​ക​ളും സാം​സ്കാ​രി​ക പ്ര​വ​ർ​ത്ത​ക​രും എ​ഴു​ത്തു​കാ​രു​മെ​ല്ലാം നേ​തൃ​ത്വം ന​ൽ​കു​ന്ന​താ​ണ് ചാ​മു​ണ്ഡി ബെ​ട്ട ഉ​ളി​സി സ​മി​തി. പ​ദ്ധ​തി​ക്കെ​തി​രെ മൈ​സൂ​രു-​കു​ട​ക് എം.​പി പ്ര​താ​പ് സിം​ഹ​യും രം​ഗ​ത്തു​വ​ന്നി​രു​ന്നു. പ​ദ്ധ​തി ന​ട​പ്പാ​ക്ക​രു​തെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ​യോ​ട് സ​മി​തി ആ​വ​ശ്യ​പ്പെ​ട്ടി​ട്ടു​ണ്ട്. പ​രി​സ്ഥി​തി പ്ര​വ​ർ​ത്ത​ക​രു​ടെ എ​തി​ർ​പ്പ​ല്ലാ​തെ പ​ദ്ധ​തി​ക്ക് മ​റ്റു ത​ട​സ്സ​ങ്ങ​ളി​ല്ലെ​ന്ന് മു​മ്പ് മു​ഖ്യ​മ​ന്ത്രി പ്ര​സ്താ​വ​ന ന​ട​ത്തി​യ​ത് വി​വാ​ദ​മാ​യി​രു​ന്നു.

ചാ​മു​ണ്ഡി മ​ല​വാ​ര​ത്തി​ന്‍റെ ​പാ​രി​സ്ഥി​തി​ക പ്രാ​ധാ​ന്യം സം​ബ​ന്ധി​ച്ച് മൈ​സൂ​രു​വി​ലെ ഹോ​ട്ട​ൽ ഉ​ട​മ​ക​ൾ​ക്കി​ട​യി​ൽ ബോ​ധ​വ​ത്ക​ര​ണം ന​ട​ത്തു​മെ​ന്ന് പ​രി​സ​ര ബ​ള​ഗ അം​ഗം പ​ര​ശു​രാ​മ ഗൗ​ഡ പ​റ​ഞ്ഞു. രാ​മ​കൃ​ഷ​ണ ഹെ​ഗ്ഡെ മു​ഖ്യ​മ​ന്ത്രി​യാ​യി​രു​ന്ന കാ​ല​ത്ത് 1980ക​ളി​ലാ​ണ് ആ​ദ്യം ഈ ​പ​ദ്ധ​തി അ​വ​ത​രി​പ്പി​ക്ക​പ്പെ​ടു​ന്ന​തെ​ന്നും പി​ന്നീ​ട് 2012ൽ ​പ്രി​ൻ​സി​പ്പ​ൽ ചീ​ഫ് ഫോ​റ​സ്റ്റ് ക​ൺ​സ​ർ​വേ​റ്റ​ർ (പി.​സി.​സി.​എ​ഫ്) ഈ ​പ​ദ്ധ​തി​ക്കെ​തി​രാ​യി റി​പ്പോ​ർ​ട്ട് സ​മ​ർ​പ്പി​ച്ചി​രു​ന്ന​താ​യും ചാ​മു​ണ്ഡി ബെ​ട്ട ഉ​ളി​സി സ​മി​തി ചൂ​ണ്ടി​ക്കാ​ട്ടി.

ക​ഴി​ഞ്ഞ ഒ​രു വ​ർ​ഷ​ത്തി​ലേ​റെ​യാ​യി പ​ദ്ധ​തി​ക്കെ​തി​രാ​യ കാ​മ്പ​യി​ൻ ന​യി​ച്ചു​വ​രു​ക​യാ​ണ് സ​മി​തി. ഫെ​ബ്രു​വ​രി മു​ത​ൽ വി​വി​ധ ബോ​ധ​വ​ത്ക​ര​ണ പ്ര​ചാ​ര​ണ പ​രി​പാ​ടി​ക​ളും ന​ട​ത്തു​ന്നു​ണ്ട്. കാ​മ്പ​യി​നി​ന്‍റെ ഭാ​ഗ​മാ​യി ഓ​ൺ​ലൈ​നാ​യി 70,000 പേ​രു​ടെ ഒ​പ്പ് ശേ​ഖ​രി​ച്ചു​ക​ഴി​ഞ്ഞു. മൈ​സൂ​രു രാ​ജ​കു​ടും​ബാം​ഗം പ്ര​മോ​ദ ദേ​വി​യ​ട​ക്ക​മു​ള്ള​വ​ർ സ​മി​തി​ക്ക് പി​ന്തു​ണ അ​റി​യി​ച്ചി​ട്ടു​ണ്ട്.

ഡ​ൽ​ഹി​യും ആ​ഗ്ര​യും ക​ഴി​ഞ്ഞാ​ൽ കൂ​ടു​ത​ൽ ടൂ​റി​സ്റ്റു​ക​ൾ എ​ത്തു​ന്ന ഇ​ട​മാ​ണ് മൈ​സൂ​രു എ​ന്നും ചാ​മു​ണ്ഡി ഹി​ൽ​സി​ന്‍റെ പ്ര​കൃ​തി​സൗ​ന്ദ​ര്യം നി​ല​നി​ർ​ത്തേ​ണ്ട​തു​ണ്ടെ​ന്നും എ​ഴു​ത്തു​കാ​ര​നാ​യ പ്ര​ഫ. കാ​ലെ​ഗൗ​ഡ നാ​ഗ്‍വാ​ര പ​റ​ഞ്ഞു. ത​ങ്ങ​ൾ ടൂ​റി​സം വി​ക​സ​ന​ത്തെ എ​തി​ർ​ക്കു​ന്നി​ല്ലെ​ന്നും എ​ന്നാ​ൽ, ടൂ​റി​സം വി​ക​സ​ന​ത്തി​ന്‍റെ പേ​രി​ൽ ന​ശീ​ക​ര​ണ നി​ർ​മാ​ണ പ്ര​വ​ർ​ത്ത​ന​ങ്ങ​ൾ അം​ഗീ​ക​രി​ക്കാ​നാ​വി​ല്ലെ​ന്നും പ്ര​ഫ. എ​ൻ.​എ​സ്. രം​ഗ​രാ​ജു വ്യ​ക്ത​മാ​ക്കി.

ചാ​മു​ണ്ഡി ഹി​ൽ​സി​ൽ റോ​പ് വേ ​പ​ദ്ധ​തി ആ​വ​ശ്യ​മി​ല്ലെ​ന്നും എ​ന്നാ​ൽ, ഇ​ത്ത​ര​ത്തി​ൽ ച​രി​ത്ര- പാ​ര​മ്പ​ര്യ പ്രാ​ധാ​ന്യ​മി​ല്ലാ​ത്ത ടൂ​റി​സ്റ്റു​ക​ൾ​ക്കാ​യി തു​മ​കു​രു​വി​ലെ മ​ധു​ഗി​രി ഹി​ൽ​സി​ൽ റോ​പ് വേ ​പ​ദ്ധ​തി സ​ർ​ക്കാ​റി​ന് ന​ട​പ്പാ​ക്കാ​മെ​ന്നും അ​ദ്ദേ​ഹം നി​ർ​ദേ​ശി​ച്ചു.

ക​ർ​ണാ​ട​ക സ​ർ​ക്കാ​ർ 2022-23 ബ​ജ​റ്റി​ൽ പ്ര​ഖ്യാ​പി​ച്ച 15 റോ​പ് വേ​ക​ളി​ൽ പ്ര​ധാ​ന​പ്പെ​ട്ട​താ​ണ് ചാ​മു​ണ്ഡി ഹി​ൽ​സി​ലേ​ത്. ചാ​മു​ണ്ഡി മ​ല​യു​ടെ മു​ക​ളി​ൽ സ്ഥി​തി ചെ​യ്യു​ന്ന ചാ​മു​ണ്ഡേ​ശ്വ​രി ക്ഷേ​ത്ര​ത്തി​ൽ എ​ത്തു​ന്ന ഭ​ക്ത​ജ​ന​ങ്ങ​ളേ​യും വി​നോ​ദ​സ​ഞ്ചാ​രി​ക​ളേ​യും ഉ​ന്ന​മി​ട്ടാ​ണ് റോ​പ് വേ ​പ​ദ്ധ​തി വി​ഭാ​വ​നം ചെ​യ്ത​ത്.

ചി​ക്ക​മം​ഗ​ളൂ​രു ജി​ല്ല​യി​ലെ മു​ല്ല​യാ​ന​ഗി​രി, കെ​മ്മ​ന​ഗു​ഡി, ശി​വ​മൊ​ഗ്ഗ ജി​ല്ല​യി​ൽ സാ​ഗ​റി​ലെ ജോ​ഗ് വെ​ള്ള​ച്ചാ​ട്ടം, ചി​ക്ക​ബ​ല്ലാ​പൂ​ർ ജി​ല്ല​യി​ലെ ന​ന്ദി ഹി​ൽ​സ്, ഉ​ഡു​പ്പി ജി​ല്ല​യി​ലെ കു​ട​ജാ​ദ്രി ഹി​ൽ​സ്, തു​മ​കൂ​രു ജി​ല്ല​യി​ലെ ദേ​വ​രാ​യ​ന ദു​ർ​ഗ, മ​ധു​ഗി​രി കോ​ട്ട, കൊ​പ്പ​ൽ ജി​ല്ല​യി​ലെ അ​ഞ്ജ​നാ​ദ്രി ഹി​ൽ​സ്, ഉ​ത്ത​ര ക​ന്ന​ട ജി​ല്ല​യി​ലെ ച​പേ​ലി, ജോ​യ്ഡ, യാ​ന, കു​ട​ക് ജി​ല്ല​യി​ലെ കു​മാ​ര പ​ർ​വ​തം എ​ന്നി​വ റോ​പ് വേ​ക​ൾ ആ​സൂ​ത്ര​ണം ചെ​യ്ത മ​റ്റു പ്ര​ദേ​ശ​ങ്ങ​ളി​ൽ​പെ​ടും.

റോ​പ് വേ ​പ​ദ്ധ​തി​ക്ക് മൈ​സൂ​രു​വി​ലെ ഹോ​ട്ട​ൽ ഉ​ട​മ​ക​ൾ അ​നു​കൂ​ല​മാ​ണെ​ന്ന് സം​ഘ​ട​ന പ്ര​സി​ഡ​ന്‍റ് സി. ​നാ​രാ​യ​ണ ഗൗ​ഡ പ​റ​ഞ്ഞു. പ​രി​സ്ഥി​തി​ക്ക് കോ​ട്ടം ത​ട്ടാ​തെ രാ​ജ്യ​ത്തി​ന്‍റെ പ​ല​ഭാ​ഗ​ത്തും പ​ണി​ത റോ​പ് വേ​ക​ൾ മാ​തൃ​ക​യാ​ക്കു​ക​യാ​ണ് വേ​ണ്ട​ത്.

സ​ർ​ക്കാ​ർ പ​രി​സ്ഥി​തി വാ​ദി​ക​ളെ കാ​ര്യ​ങ്ങ​ൾ ബോ​ധ്യ​പ്പെ​ടു​ത്താ​ൻ സ​ന്ന​ദ്ധ​മാ​വ​ണ​മെ​ന്നാ​ണ് അ​വ​രു​ടെ ആ​വ​ശ്യം. ക​ഴി​ഞ്ഞ ബി.​ജെ.​പി മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ​യും പ​ദ്ധ​തി ന​ട​പ്പാ​ക്കാ​ൻ ആ​ലോ​ചി​ച്ചി​രു​ന്നെ​ങ്കി​ലും കു​ട​ക്-​മൈ​സൂ​രു എം.​പി​യും ബി.​ജെ.​പി നേ​താ​വു​മാ​യ പ്ര​താ​പ് സിം​ഹ എ​തി​ർ​പ്പു​മാ​യി രം​ഗ​ത്ത് വ​ന്ന​തോ​ടെ പി​ന്മാ​റി.

മു​ഖ്യ​മ​ന്ത്രി സി​ദ്ധ​രാ​മ​യ്യ ബ​ജ​റ്റി​ൽ ചാ​മു​ണ്ഡി ഹി​ൽ​സ് വി​ക​സ​ന അ​തോ​റി​റ്റി പ്ര​ഖ്യാ​പി​ച്ചി​ട്ടു​ണ്ട്. അ​തി​ന്‍റെ ഘ​ട​ന​യും പ​ദ്ധ​തി വി​ശ​ദാം​ശ​ങ്ങ​ളും വെ​ളി​പ്പെ​ടു​ത്തി​യി​ട്ടി​ല്ല.