സ​ര്‍ക്കാ​ര്‍ സ്കൂ​ളു​ക​ളി​ല്‍ പ്രൈ​മ​റി ത​ലം മു​ത​ല്‍ ഇം​ഗ്ലീ​ഷ് മീ​ഡി​യം ക്ലാ​സ്

ബം​ഗ​ളൂ​രു: 2025-2026 അ​ധ്യ​യ​ന വ​ര്‍ഷ​ത്തി​ൽ സം​സ്ഥാ​ന​ത്തെ 4,134 സ​ർ​ക്കാ​ർ പ്രൈ​മ​റി സ്കൂ​ളു​ക​ളി​ല്‍ ക​ന്ന​ഡ മീ​ഡി​യം ക്ലാ​സു​ക​ള്‍ക്ക് പു​റ​മേ ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ കൂ​ടി ഉ​ള്‍പ്പെ​ടു​ത്ത​ണ​മെ​ന്ന് ഉ​ത്ത​ര​വി​റ​ക്കി ക​ർ​ണാ​ട​ക സ​ര്‍ക്കാ​ര്‍.

സ​ര്‍ക്കാ​ര്‍ സ്കൂ​ളു​ക​ളി​ല്‍ ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ കൂ​ടി വേ​ണ​മെ​ന്ന ര​ക്ഷി​താ​ക്ക​ളു​ടെ ആ​വ​ശ്യ​ത്തി​ന്റെ അ​ടി​സ്ഥാ​ന​ത്തി​ലാ​ണ് തീ​രു​മാ​നം പ്രൈ​മ​റി ത​ല​ങ്ങ​ള്‍ക്ക് പു​റ​മെ ശി​വ​മൊ​ഗ്ഗ ജി​ല്ല​യി​ലെ തീ​ർ​ത്ഥ ഹ​ള്ളി, ബൈ​ല​ലു​കൊ​പ്പ, ഹൊ​സൂ​ര്‍, ഗു​ഡ്ഡ​കേ​രി, ഹെ​ഡ്ഡൂ​ര്‍ എ​ന്നി​വി​ട​ങ്ങ​ളി​ലെ സ​ര്‍ക്കാ​ര്‍ ഹൈ​സ്കൂ​ൾ ത​ല​ത്തി​ലും ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ ആ​രം​ഭി​ക്കാ​ന്‍ സ​ര്‍ക്കാ​ര്‍ അ​നു​മ​തി ന​ല്‍കി.

2019-2020 അ​ധ്യ​യ​ന വ​ർ​ഷ​ത്തി​ല്‍ സം​സ്ഥാ​ന​ത്തെ 1,000 സ​ര്‍ക്കാ​ര്‍ സ്കൂ​ളു​ക​ളി​ലും 2024-2025 അ​ധ്യ​യ​ന വ​ർ​ഷ​ത്തി​ൽ 2,000 സ​ർ​ക്കാ​ർ സ്കൂ​ളു​ക​ളി​ലും ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ ആ​രം​ഭി​ച്ചി​രു​ന്നു. കൂ​ടാ​തെ ഈ ​അ​ധ്യ​യ​ന​വ​ർ​ഷ​ത്തി​ൽ സം​സ്ഥാ​ന​ത്തെ 4,000 സ​ര്‍ക്കാ​ര്‍ സ്കൂ​ളു​ക​ളി​ല്‍ ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ ആ​രം​ഭി​ക്കു​മെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ സം​സ്ഥാ​ന ബ​ജ​റ്റി​ല്‍ പ്ര​ഖ്യാ​പി​ച്ചി​രു​ന്നു.

ഇ​തി​ന്‍റെ അ​ടി​സ്ഥാ​ന​ത്തി​ല്‍ സ്കൂ​ള്‍ വി​ദ്യാ​ഭ്യാ​സ സാ​ക്ഷ​ര​താ വ​കു​പ്പ് (ഡി.​എ​സ്.​ഇ.​എ​ല്‍) നി​ല​വി​ലു​ള്ള സാ​ഹ​ച​ര്യ​ങ്ങ​ള്‍ക്ക​നു​സ​രി​ച്ച് ഇം​ഗ്ലീ​ഷ് മീ​ഡി​യം ക്ലാ​സു​ക​ള്‍ ആ​രം​ഭി​ക്കു​ന്ന​തി​നു​ള്ള നി​ര്‍ദേ​ശം അ​ധി​കൃ​ത​ർ​ക്ക് ന​ല്‍കി. ബം​ഗ​ളൂ​രു നോ​ര്‍ത്ത്, സൗ​ത്ത് വി​ദ്യാ​ഭ്യാ​സ ജി​ല്ല​ക​ളി​ല്‍ 1,103 സ്കൂ​ളു​ക​ളി​ലും മ​റ്റ് 33 വി​ദ്യാ​ഭ്യാ​സ ജി​ല്ല​ക​ളി​ലെ 2,897 സ​ര്‍ക്കാ​ര്‍ സ്കൂ​ളു​ക​ളി​ലും പ​ദ്ധ​തി ന​ട​പ്പി​ൽ വ​രും.