കാ​ട്ടാ​ന​യു​ടെ ആ​ക്ര​മ​ണം; ര​ണ്ടു​പേ​ർ കൊ​ല്ല​​പ്പെ​ട്ടു

ബം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ൽ ക​ദ​ബ താ​ലൂ​ക്കി​ലെ പു​ത്തൂ​രി​ൽ ര​ണ്ടു​പേ​ർ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​​പ്പെ​ട്ടു. തി​ങ്ക​ളാ​ഴ്ച രാ​വി​ലെ​യാ​ണ്​ സം​ഭ​വം. ര​ഞ്ജി​ത (21), ര​മേ​ശ്​ റാ​യി ​ന​യി​ല (55) എ​ന്നി​വ​രാ​ണ്​ മ​രി​ച്ച​ത്. പേ​ര​ട്​​ക്ക പാ​ൽ സൊ​സൈ​റ്റി ജീ​വ​ന​ക്കാ​രി​യാ​യി​രു​ന്ന ര​ഞ്ജി​ത രാ​വി​ലെ ജോ​ലി​ക്ക്​​ പോ​ക​വേ​യാ​ണ്​ കാ​ട്ടാ​ന ആ​ക്ര​മി​ച്ച​ത്.

നി​ല​വി​ളി​കേ​ട്ട്​ ര​ക്ഷി​ക്കാ​നെ​ത്തി​യ ര​മേ​ശി​നെ​യും കാ​ട്ടാ​ന ആ​ക്ര​മി​ക്കു​ക​യാ​യി​രു​ന്നു. ര​മേ​ശ്​ സം​ഭ​വ​സ്ഥ​ല​ത്തും ര​ഞ്ജി​ത ആ​ശു​പ​ത്രി​യി​ലേ​ക്കു​ള്ള വ​ഴി​മ​ധ്യേ​യു​മാ​ണ്​ മ​രി​ച്ച​ത്. ഈ ​മേ​ഖ​ല​യി​ൽ മാ​സ​ങ്ങ​ളാ​യി കാ​ട്ടാ​ന ശ​ല്യം രൂ​ക്ഷ​മാ​ണ്. സ്ഥ​ല​ത്തെ​ത്തി​യ വ​ന​പാ​ല​ക​രു​മാ​യി പ്ര​ദേ​ശ​വാ​സി​ക​ൾ വാ​​ക്കേ​റ്റ​മു​ണ്ടാ​യി.

മ​ന്ത്രി​യോ ഡെ​പ്യൂ​ട്ടി ക​മീ​ഷ​ണ​റോ സ്ഥ​ല​ത്തെ​ത്താ​തെ മ​രി​ച്ച​വ​രെ സം​സ്ക​രി​ല്ലെ​ന്ന്​ പ്ര​ദേ​ശ​വാ​സി​ക​ൾ പ​റ​ഞ്ഞു. വ​നം​വ​കു​പ്പി​ന്‍റെ അ​നാ​സ്ഥ​യാ​ണ്​ പ്ര​ശ്​​ന​ങ്ങ​ൾ​ക്ക്​ കാ​ര​ണ​മെ​ന്നും അ​വ​ർ ആ​രോ​പി​ച്ചു. ദി​വ​സ​ങ്ങ​ൾ​ക്കു​മു​മ്പ്​ സ​ന്തോ​ഷ്​ എ​ന്ന​യാ​ൾ പ്ര​ദേ​ശ​ത്തെ കാ​ട്ടാ​ന​ശ​ല്യം സം​ബ​ന്ധി​ച്ച ദൃ​ശ്യ​ങ്ങ​ൾ പ​ക​ർ​ത്തി യു ​ട്യൂ​ബി​ൽ പ​ങ്കു​വെ​ച്ചി​രു​ന്നു.

പ​രാ​തി​യെ തു​ട​ർ​ന്ന്​ ഇ​ത്​ പൊ​ലീ​സ്​ നീ​ക്കി​യ​തും വാ​ക്കേ​റ്റ​ത്തി​ന്​ കാ​ര​ണ​മാ​യി. പി​ന്നീ​ട്​ ഡി.​എ​ഫ്.​ഒ സ്ഥ​ല​​ത്തെ​ത്തി, കാ​ട്ടാ​ന​യെ പി​ടി​കൂ​ടി കാ​ട്ടി​ൽ വി​ടു​മെ​ന്നും ഇ​തി​നാ​യി നാ​ഗ​ർ​ഹോ​ള​യി​ൽ​നി​ന്നും ദു​ബാ​രെ ക്യാ​മ്പി​ൽ​നി​ന്നും പ​രി​ശീ​ല​നം ല​ഭി​ച്ച ആ​ന​ക​ളെ കൊ​ണ്ടു​വ​രു​മെ​ന്നും പ​റ​ഞ്ഞ​തോ​ടെ​യാ​ണ്​ പ്ര​തി​ഷേ​ധം അ​വ​സാ​നി​പ്പി​ച്ച​ത്.