തെ​ര​ഞ്ഞെ​ടു​പ്പ് വാ​ഗ്ദാ​നം: സ​ഭ​യി​ൽ ഭ​ര​ണ-​പ്ര​തി​പ​ക്ഷ വാ​ക് പ്പോര്

ബം​ഗ​ളൂ​രു: നി​യ​മ​സ​ഭ​യു​ടെ വ​ർ​ഷ​കാ​ല സ​മ്മേ​ള​ന​ത്തി​ന്റെ ര​ണ്ടാം ദി​നം ഭ​ര​ണ​പ​ക്ഷ​വും പ്ര​തി​പ​ക്ഷ​വും ത​മ്മി​ൽ വാ​ക്പ്പോ​ര്. തെ​ര​ഞ്ഞെ​ടു​പ്പ് വാ​ഗ്ദാ​ന​ങ്ങ​ൾ ന​ട​പ്പാ​ക്കാ​തെ സ​ർ​ക്കാ​ർ വ​ഞ്ചി​ക്കു​ക​യാ​ണെ​ന്ന് ബി.​ജെ.​പി അം​ഗ​ങ്ങ​ൾ കു​റ്റ​​പ്പെ​ടു​ത്തി​യ​പ്പോ​ൾ അ​ഞ്ച് വാ​ഗ്ദാ​ന​ങ്ങ​ളി​ൽ മൂ​ന്നും ന​ട​പ്പി​ലാ​ക്കി ക​ഴി​ഞ്ഞു​വെ​ന്നും ബി.​ജെ.​പി ഭ​ര​ണ​ത്തി​ൽ ഒ​രു വാ​ഗ്ദാ​നം പോ​ലും ന​ട​പ്പാ​ക്കി​യി​ട്ടി​ല്ലെ​ന്നും ​ഭ​ര​ണ​ക​ക്ഷി​യാ​യ കോ​ൺ​ഗ്ര​സ് തി​രി​ച്ച​ടി​ച്ചു. ര​ണ്ടാം ദി​ന​മാ​യ ചൊ​വ്വാ​ഴ്ച വി​ധാ​ൻ സൗ​ധ​യി​ൽ ബി.​ജെ.​പി എം.​എ​ൽ.​എ​മാ​ർ ധ​ർ​ണ ന​ട​ത്തി.

നി​ര​വ​ധി വാ​ഗ്ദാ​ന​ങ്ങ​ൾ ന​ൽ​കി​യ കോ​ൺ​ഗ്ര​സ് അ​വ ന​ട​പ്പാ​ക്കു​ന്നി​ല്ലെ​ന്ന് മു​ൻ മു​ഖ്യ​മ​ന്ത്രി​യും മു​തി​ർ​ന്ന ബി.​ജെ.​പി ​നേ​താ​വു​മാ​യ ​യെ​ദി​യൂ​ര​പ്പ കു​റ്റ​പ്പെ​ടു​ത്തി. ത​ങ്ങ​ൾ പു​തു​താ​യി ഒ​ന്നും ആ​വ​ശ്യ​പ്പെ​ടു​ന്നി​ല്ല. ന​ൽ​കി​യ വാ​ഗ്ദാ​ന​ങ്ങ​ൾ പാ​ലി​ക്കു​ക​യാ​ണ് സ​ർ​ക്കാ​ർ ചെ​യ്യേ​ണ്ട​ത്. വ​രും ദി​വ​സ​ങ്ങ​ളി​ൽ ഇ​തി​നാ​യി ന​ട​പ​ടി​യെ​ടു​ത്തി​​ല്ലെ​ങ്കി​ൽ എ​ല്ലാ ജി​ല്ല​ക​ളി​ലും പ്ര​തി​ഷേ​ധ പ​രി​പാ​ടി​ക​ൾ സം​ഘ​ടി​പ്പി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

‘കോ​ൺ​ഗ്ര​സി​ന്റെ വ​ഞ്ച​ന’ എ​ന്ന മു​ദ്രാ​വാ​ക്യം വി​ളി​ച്ചാ​ണ് ബി.​ജെ.​പി എം.​എ​ൽ.​എ​മാ​ർ ചൊ​വ്വാ​ഴ്ച സ​ഭ​യി​ലേ​ക്ക് എ​ത്തി​യ​ത്. കോ​ൺ​ഗ്ര​സ് അ​ഞ്ച് വാ​ഗ്ദാ​ന​ങ്ങ​ളാ​ണ് തെ​ര​ഞ്ഞെ​ടു​പ്പ് പ്ര​ചാ​ര​ണ​വേ​ള​യി​ൽ ന​ൽ​കി​യി​രു​ന്ന​ത്. നി​ല​വി​ൽ ത​ന്നെ ഇ​വ​യി​ൽ മൂ​ന്നെ​ണ്ണം ന​ട​പ്പാ​ക്കി​ക്ക​ഴി​ഞ്ഞു.

ബാ​ക്കി​യു​ള്ള​വ ന​ട​പ്പാ​ക്കാ​ൻ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​കേ​ണ്ട കാ​ര്യ​മേ​യു​ള്ളൂ​വെ​ന്നും മു​ഖ്യ​മ​ന്ത്രി സി​ദ്ദ​രാ​മ​യ്യ​യും മ​ന്ത്രി ജി. ​പ​ര​മേ​ശ്വ​ര​യും പ​റ​ഞ്ഞു. വ​നി​ത​ക​ൾ​ക്ക് സ​ർ​ക്കാ​ർ ബ​സു​ക​ളി​ൽ സൗ​ജ​ന്യ യാ​ത്ര​യൊ​രു​ക്കു​ന്ന ശ​ക്തി പ​ദ്ധ​തി, പ​ത്ത് കി​ലോ സൗ​ജ​ന്യ അ​രി ന​ൽ​കു​ന്ന ‘അ​ന്ന​ഭാ​ഗ്യ’, 200 യൂ​നി​റ്റ് സൗ​ജ​ന്യ വൈ​ദ്യു​തി ന​ൽ​കു​ന്ന ‘ഗൃ​ഹ​ജ്യോ​തി’ എ​ന്നി​വ​യാ​ണ് ഇ​തി​ന​കം ന​ട​പ്പാ​ക്കി​യ​ത്.