തെ​ര​ഞ്ഞെ​ടു​പ്പ്​ ന​ട​പ​ടി​ക​ൾ നീ​ളു​ന്നു, സ​ർ​ക്കാ​റി​ന്​ അ​ഞ്ചു​ല​ക്ഷം പി​ഴ

ബം​ഗ​ളൂ​രു: ജി​ല്ല പ​ഞ്ചാ​യ​ത്തി​ലേ​ക്കും താ​ലൂ​ക്ക് പ​ഞ്ചാ​യ​ത്തി​ലേ​ക്കും തെ​ര​ഞ്ഞെ​ടു​പ്പി​നു​ള്ള ന​ട​പ​ടി​ക​ൾ നീ​ണ്ടു​പോ​കു​ന്ന​തി​ൽ ഹൈ​കോ​ട​തി ക​ർ​ണാ​ട​ക സ​ർ​ക്കാ​റി​ന് അ​ഞ്ചു​ല​ക്ഷം​രൂ​പ പി​ഴ ചു​മ​ത്തി. വാ​ർ​ഡു​ക​ളു​ടെ അ​തി​ർ​ത്തി പു​ന​ർ​നി​ർ​ണ​യ​വും സം​വ​ര​ണ സീ​റ്റു​ക​ൾ നി​ർ​ണ​യി​ക്ക​ലു​മാ​ണ് അ​നി​ശ്ചി​ത​മാ​യി നീ​ണ്ടു​പോ​കു​ന്ന​ത്. ഇ​ത് ചൂ​ണ്ടി​ക്കാ​ട്ടി തെ​ര​ഞ്ഞെ​ടു​പ്പു ക​മീ​ഷ​ൻ ന​ൽ​കി​യ ഹ​ര​ജി​യി​ലാ​ണ് ചീ​ഫ് ജ​സ്റ്റി​സ് പ്ര​സ​ന്ന ബി. ​വ​ര​ളെ, ജ​സ്റ്റി​സ് അ​ശോ​ക് എ​സ്. കി​നാ​ഗി എ​ന്നി​വ​രു​ൾ​പ്പെ​ട്ട ഡി​വി​ഷ​ൻ ബെ​ഞ്ചി​ന്‍റെ ന​ട​പ​ടി.

തെ​ര​ഞ്ഞെ​ടു​പ്പി​ന്‍റെ കാ​ര്യ​ങ്ങ​ൾ പൂ​ർ​ത്തി​യാ​ക്കാ​ൻ നേ​ര​ത്തേ ര​ണ്ടു​ത​വ​ണ കോ​ട​തി സ​മ​യം നീ​ട്ടി​ന​ൽ​കി​യി​രു​ന്നു. ഡി​സം​ബ​ർ 18നു​ള്ളി​ൽ പൂ​ർ​ത്തി​യാ​ക്ക​ണ​മെ​ന്നാ​യി​രു​ന്നു ഒ​ടു​വി​ല​ത്തെ നി​ർ​ദേ​ശം. ന​ട​പ​ടി​ക​ൾ ഇ​നി​യും പൂ​ർ​ത്തി​യാ​കാ​ത്ത​തി​നാ​ൽ സ​ർ​ക്കാ​ർ മൂ​ന്നു​മാ​സം​കൂ​ടി ആ​വ​ശ്യ​പ്പെ​ട്ടു. ഇ​തോ​ടെ​യാ​ണ് കോ​ട​തി സ​ർ​ക്കാ​റി​നെ വി​മ​ർ​ശി​ക്കു​ക​യും പി​ഴ വി​ധി​ക്കു​ക​യും ചെ​യ്ത​ത്. സ​ർ​ക്കാ​റി​ന്‍റെ​യും വാ​ർ​ഡ് പു​ന​ർ​നി​ർ​ണ​യ​ത്തി​നാ​യി രൂ​പം​ന​ൽ​കി​യ സ​മി​തി​യു​ടെ​യും സ​മീ​പ​നം അം​ഗീ​ക​രി​ക്കാ​നാ​വി​ല്ലെ​ന്ന്​ പ​റ​ഞ്ഞ കോ​ട​തി 2023 ജ​നു​വ​രി 31 വ​രെ സ​മ​യം നീ​ട്ടി​ന​ൽ​കി.