നാ​ഗ​ര്‍ഹോ​ളെ വ​ന​ത്തി​ല്‍നിന്ന് ആ​ദി​വാ​സി​ക​ളെ ഒ​ഴി​പ്പി​ക്കാ​ന്‍ ശ്ര​മം

ബം​ഗ​ളൂ​രു: നാ​ഗ​ർ​ഹോ​ളെ ക​ടു​വ സം​ര​ക്ഷ​ണ കേ​ന്ദ്ര​ത്തി​ന്റെ പ​രി​ധി​യി​ലെ വ​ന​മേ​ഖ​ല​യി​ൽ​നി​ന്ന് ആ​ദി​വാ​സി​ക​ളെ നി​ർ​ബ​ന്ധി​ച്ച് കു​ടി​യൊ​ഴി​പ്പി​ക്കാ​ൻ ശ്ര​മം. ചൊ​വ്വാ​ഴ്ച രാ​വി​ലെ ന​ഗ​ര്‍ഹോ​ളെ വ​ന​ത്തി​ലെ ക​ര​ടി​ക​ല്ലു ഹ​ട്ടു കൊ​ല്ലേ​ഹാ​ദി ഗ്രാ​മ​ത്തി​ലെ ജെ​നു കു​റു​ബ ആ​ദി​വാ​സി വി​ഭാ​ഗ​ത്തി​ല്‍പെ​ട്ട സ്ത്രീ​ക​ളും കു​ട്ടി​ക​ളും പു​രു​ഷ​ന്മാ​രു​മ​ട​ക്കം 150 ഓ​ളം പേ​ര​ട​ങ്ങു​ന്ന 52 കു​ടും​ബ​ങ്ങ​ളെ പു​റ​ത്താ​ക്കാ​നാ​ണ് ശ്ര​മം ന​ട​ന്ന​ത്.

ക​ര്‍ണാ​ട​ക വ​നം വ​കു​പ്പ്, ക​ര്‍ണാ​ട​ക പൊ​ലീ​സ്, ക​ര്‍ണാ​ട​ക സ്റ്റേ​റ്റ് ടൈ​ഗ​ര്‍ പ്രൊ​ട്ട​ക്ഷ​ന്‍ ഫോ​ഴ്സ​സ് (എ​സ്.​ടി.​പി.​എ​ഫ്) എ​ന്നി​വ​ര​ട​ങ്ങി​യ 120 അം​ഗ സം​ഘ​മാ​ണ് കു​ടി​യൊ​ഴി​പ്പി​ക്ക​ലി​നെ​ത്തി​യ​ത്. എ​ന്നാ​ൽ, ആ​ദി​വാ​സി കു​ടും​ബ​ങ്ങ​ൾ ചെ​റു​ത്തു​നി​ന്ന​തോ​ടെ കു​ടി​യൊ​ഴി​പ്പി​ക്ക​ൽ ന​ട​ന്നി​ല്ല. ഉ​ദ്യോ​ഗ​സ​ഥ​രു​ടെ നി​യ​മ​വ​രു​ദ്ധ നീ​ക്ക​ത്തെ ഒ​റ്റ​ക്കെ​ട്ടാ​യി നേ​രി​ടു​മെ​ന്നും വ​ന​ത്തി​ല്‍നി​ന്ന് സേ​ന പി​ന്മാ​റ​ണ​മെ​ന്നും വ​നാ​വ​കാ​ശ നി​യ​മം പു​നഃ​സ്ഥാ​പി​ക്ക​ണ​മെ​ന്നു​മു​ള്ള ആ​വ​ശ്യ​വു​മാ​യി സം​ര​ക്ഷി​ത വ​ന​മേ​ഖ​ല​യി​ൽ ക​ഴി​യു​ന്ന ആ​ദി​വാ​സി സ​മൂ​ഹ​ങ്ങ​ളു​ടെ ദേ​ശീ​യ കൂ​ട്ടാ​യ്മ​യാ​യ ക​മ്യൂ​ണി​റ്റി നെ​റ്റ്‍വ​ർ​ക്ക്സ് എ​ഗെ​യ്ൻ​സ്റ്റ് പ്രൊ​ട്ട​ക്റ്റ​ഡ് ഏ​രി​യാ​സ് (സി.​എ​ൻ.​എ.​പി.​എ) ആ​വ​ശ്യ​പ്പെ​ട്ടു.

2006ലെ ​വ​നാ​വ​കാ​ശ നി​യ​മ​പ്ര​കാ​രം സ്വ​ന്തം സ്ഥ​ല​ത്തു വീ​ട് നി​ർ​മി​ച്ച 52 കു​ടും​ബ​ങ്ങ​ളാ​ണ് ഇ​പ്പോ​ള്‍ കു​ടി​യി​റ​ക്ക് ഭീ​ഷ​ണി നേ​രി​ടു​ന്ന​ത്. ഇ​വ​രു​ടെ ആ​രാ​ധ​ന സ്ഥ​ല​മ​ട​ക്കം വ​ന​ത്തി​ലെ ഗ്രാ​മ​ത്തി​ലു​ണ്ട്. തി​ങ്ക​ളാ​ഴ്ച വൈ​കീ​ട്ട് ഗ്രാ​മ​ത്തി​ലെ​ത്തി​യ വ​നം​വ​കു​പ്പി​ലെ ഉ​ദ്യോ​ഗ​സ്ഥ​ർ, ഫോ​റ​സ്റ്റ് ഗാ​ർ​ഡു​മാ​ർ എ​ന്നി​വ​ർ​ക്കൊ​പ്പ​മെ​ത്തി​യ വ​നം അ​സി. ക​ൺ​സ​ർ​വേ​റ്റ​ർ ആ​ദി​വാ​സി​ക​ളു​ടെ ആ​ചാ​ര​ങ്ങ​ള്‍ നി​ർ​വ​ഹി​ക്കു​ന്ന​ത് ത​ട​യു​ക​യും വ​ന​നി​യ​മ​പ്ര​കാ​രം ആ​രാ​ധ​നാ​ല​യ​ങ്ങ​ള്‍ പ​ണി​യാ​ൻ അ​നു​മ​തി ന​ല്‍കി​യി​ട്ടി​ല്ലെ​ന്ന് അ​റി​യി​ക്കു​ക​യും ചെ​യ്തു. ചൊ​വ്വാ​ഴ്ച രാ​വി​ലെ വ​നം​വ​കു​പ്പി​ലെ 120 പാ​രാ​മി​ലി​റ്റ​റി അം​ഗ​ങ്ങ​ളും പൊ​ലീ​സ് സേ​ന​യു​മ​ട​ക്കം ഗ്രാ​മ​ത്തി​ലെ​ത്തി നി​ർ​ബ​ന്ധ​പൂ​ർ​വം ആ​ദി​വാ​സി​ക​ളെ കു​ടി​യൊ​ഴി​പ്പി​ക്കാ​ൻ ശ്ര​മം ന​ട​ത്തി.

നി​യ​മ​ങ്ങ​ൾ പാ​ലി​ച്ചാ​ണ് ത​ങ്ങ​ള്‍ ജീ​വി​ക്കു​ന്ന​തെ​ന്നും വ​നം​വ​കു​പ്പാ​ണ് ഫോ​റ​സ്റ്റ് ആ​ക്ട് പ്ര​കാ​ര​മു​ള്ള മൂ​ന്നു മാ​സ​ത്തെ കാ​ലാ​വ​ധി പാ​ലി​ക്കാ​ത്ത​തെ​ന്നും ക​ര​ടി​ക​ല്ലു ഗ്രാ​മ​ത്തി​ലെ ജെ​നു കു​റു​ബ നേ​താ​ക്ക​ള്‍ അ​റി​യി​ച്ചു. വ്യ​ക്തി​ഗ​ത വ​നാ​വ​കാ​ശ നി​യ​മം (ഐ.​എ​ഫ്.​ആ​ർ), സാ​മൂ​ഹി​ക വ​നാ​വ​കാ​ശ നി​യ​മം (സി.​എ​ഫ്.​ആ​ർ), സാ​മൂ​ഹി​ക വ​ന​വി​ഭ​വ അ​വ​കാ​ശ നി​യ​മം (സി.​എ​ഫ്.​ആ​ർ.​ആ​ർ) എ​ന്നി​വ പ്ര​കാ​രം, നാ​ഗ​ർ​ഹോ​ളെ വ​ന​ത്തി​ലെ തു​ണ്ടു​മു​ണ്ട​ഗെ കൊ​ല്ലി, ഗ​ദ്ദേ​ഹാ​ദി, കാ​ന്തൂ​രു​ഹാ​ദി, ക​ര​ടി​ക​ല്ലു ഹ​ട്ടൂ​ര്‍ കൊ​ല്ലി ഹാ​ദി, ബാ​ലെ ക്കൊ​വു​ഹാ​ദി എ​ന്നീ ആ​ദി​വാ​സി ഊ​രു​ക​ളി​ലെ ജ​ന​ങ്ങ​ള്‍ ന​ൽ​കി​യ അ​പേ​ക്ഷ​യി​ൽ വ​നം​വ​കു​പ്പ് മ​റു​പ​ടി ന​ല്‍ക​ണ​മെ​ന്നും സി.​എ​ൻ.​എ.​പി.​എ നേ​താ​ക്ക​ള്‍ ആ​വ​ശ്യ​പ്പെ​ട്ടു.

വ​നാ​വ​കാ​ശ​ങ്ങ​ള്‍ സ്ഥാ​പി​ച്ചു കി​ട്ടു​ന്ന​തി​നാ​യി ക​ര​ടി​ക​ല്ലു​വി​ലെ ജെ​നു കു​റു​ബ സ​മു​ദാ​യം ഐ.​എ​ഫ്.​ആ​ര്‍, സി.​എ​ഫ്.​ആ​ര്‍, സി.​എ​ഫ്.​ആ​ർ.​ആ​ര്‍ എ​ന്നി​വ പ്ര​കാ​രം 2021 മു​ത​ൽ അ​വ​കാ​ശ​മു​ന്ന​യി​ച്ചു​വ​രു​ക​യാ​ണ്. സ​ർ​ക്കാ​റി​ലെ മു​തി​ർ​ന്ന ഉ​ദ്യോ​ഗ​സ​ഥ​ർ​ക്ക് നി​വേ​ദ​ന​ങ്ങ​ൾ സ​മ​ര്‍പ്പി​ക്കു​ക​യും ചെ​യ്തി​രു​ന്നു. പ​ഞ്ചാ​യ​ത്ത് വ​കു​പ്പും ആ​ദി​വാ​സി ക്ഷേ​മ​വ​കു​പ്പും റ​വ​ന്യൂ വ​കു​പ്പും വ​നം​വ​കു​പ്പും ചേ​ർ​ന്ന് സം​യു​ക്ത പ​രി​ശോ​ധ​ന​യും ജി.​പി.​എ​സ് സ​ർ​വേ​യും ന​ട​ത്തി​യെ​ങ്കി​ലും വ​നം​വ​കു​പ്പ് അ​ന്തി​മ അ​നു​മ​തി ന​ല്‍കാ​ത്ത​തി​നെ തു​ട​ര്‍ന്ന് വ​നാ​വ​കാ​ശ​ങ്ങ​ള്‍ സ്ഥാ​പി​ച്ചു ന​ൽ​കി​യി​ട്ടി​ല്ല.

ഇ​നി കാ​ത്തി​രി​ക്കാ​നാ​വി​ല്ല -സ​മ​ര നേ​താ​ക്ക​ൾ

ബം​ഗ​ളൂ​രു: വ​നം​വ​കു​പ്പ് മ​നഃ​പൂ​ര്‍വം കാ​ല​താ​മ​സം വ​രു​ത്തു​ക​യാ​ണെ​ന്നും ഇ​നി​യും ത​ങ്ങ​ള്‍ക്ക് കാ​ത്തി​രി​ക്കാ​നാ​കി​ല്ലെ​ന്നും ക​ര​ടി​ക​ല്ല് ഫോ​റ​സ്റ്റ് റൈ​റ്റ്സ് ക​മ്മി​റ്റി​യു​ടെ​യും (എ​ഫ്.​ആ​ർ.​സി) നാ​ഗ​ര്‍ഹോ​ളെ ആ​ദി​വാ​സി ജ​മ്മ പാ​ലെ ഹ​ക്കു സ്ഥാ​പ​ന സ​മി​തി നേ​താ​വു​മാ​യ ജെ.​എ. ശി​വു പ​റ​ഞ്ഞു.

‘‘വ​നാ​വ​കാ​ശ നി​യ​മം ന​ട​പ്പാ​ക്കു​ന്നി​ല്ല. എ​ന്നാ​ൽ വ​ന​ഭൂ​മി​യി​ൽ ഞ​ങ്ങ​ൾ​ക്ക് നി​ല​വി​ൽ അ​വ​കാ​ശ​മു​ണ്ട്. അ​തി​നാ​ൽ ഞ​ങ്ങ​ളു​മാ​യി ച​ർ​ച്ച​ക്ക് താ​ൽ​പ​ര്യ​പ്പെ​ടു​ന്ന ഏ​ത് അ​ധി​കാ​രി​ക​ൾ​ക്കും ച​ർ​ച്ച​ക്കാ​യി മു​ന്നോ​ട്ടു​വ​രാം. ഞ​ങ്ങ​ളു​ടെ ഗ്രാ​മ​മാ​യ കാ​രാ​ടി​ക്ക​ല്ലി​ലെ ഗ്രാ​മ​സ​ഭ​യി​ൽ അ​വ​ർ ച​ർ​ച്ച​ക്കു​വ​ര​ട്ടെ. ഞ​ങ്ങ​ളെ കൈ​യേ​റ്റ​ക്കാ​രെ​ന്ന് വി​ളി​ക്കു​ക​യും ഞ​ങ്ങ​ളു​ടെ ഭൂ​മി​യി​ൽ​നി​ന്ന് ഞ​ങ്ങ​ളെ പു​റ​ത്താ​ക്കാ​ൻ ​ശ്ര​മി​ക്കു​ക​യും ചെ​യ്യു​ന്ന വ​നം​വ​കു​പ്പി​നെ​തി​രെ ഗ്രാ​മ​സ​ഭ ശ​ക്ത​മാ​യി പ്ര​തി​രോ​ധി​ക്കും..’’- അ​വ​ർ വ്യ​ക്ത​മാ​ക്കി. വ​ന​ത്തി​നു​ള്ളി​ല്‍ താ​മ​സി​ക്കു​ന്ന ആ​ദി​വാ​സി സ​മൂ​ഹ​ങ്ങ​ള്‍ കാ​ല​ങ്ങ​ളാ​യി അ​നീ​തി നേ​രി​ടു​ക​യാ​ണെ​ന്നും വ​നാ​വ​കാ​ശ നി​യ​മ പ്ര​കാ​ര​മു​ള്ള എ​ല്ലാ വ്യ​വ​സ്ഥ​ക​ളും പൂ​ർ​ണ​മാ​യും ന​ട​പ്പാ​ക്ക​ണ​മെ​ന്നും വ​നാ​വ​കാ​ശ നി​യ​മ​ത്തി​ന്റെ ആ​മു​ഖ​ത്തി​ല്‍ പ​റ​യു​ന്നു​വെ​ന്ന് ജെ​നു കു​റു​ബ വ​നി​ത​വി​ഭാ​ഗം നേ​താ​വ് ജെ.​കെ. പു​ട്ടി പ​റ​ഞ്ഞു. ഇ​തൊ​രു സാ​മൂ​ഹി​ക​നീ​തി​യു​ടെ പ്ര​ശ്ന​മാ​ണെ​ന്നും എ​ന്നാ​ൽ, സ​ര്‍ക്കാ​ര്‍‍ ഇ​തി​നെ ക്ര​മ​സ​മാ​ധാ​ന പ്ര​ശ്ന​മാ​യാ​ണ് കാ​ണു​ന്ന​തെ​ന്നും അ​വ​ർ പ​റ​ഞ്ഞു. ഞ​ങ്ങ​ളെ ഭീ​ഷ​ണി​പ്പെ​ടു​ത്തു​ന്ന​തി​നാ​യാ​ണ് നൂ​റു​ക​ണ​ക്കി​ന് ഉ​ദ്യോ​ഗ​സ്ഥ​രെ​യും സേ​ന​യെ​യും വി​ന്യ​സി​ച്ചി​ട്ടു​ള്ള​തെ​ന്നും ഞ​ങ്ങ​ളു​ടെ പൂ​ർ​വി​ക​ർ ഉ​റ​ങ്ങു​ന്ന മ​ണ്ണു​വി​ട്ട് മ​റ്റെ​വി​ടേ​ക്കു​മി​ല്ലെ​ന്നും അ​വ​ര്‍ പ​റ​ഞ്ഞു.

ദേ​ശീ​യ ക​ടു​വ സം​ര​ക്ഷ​ണ അ​തോ​റി​റ്റി​യു​ടെ (എ​ൻ.​ടി.​സി.​എ) നി​ർ​ദേ​ശ​പ്ര​കാ​രം, ക​ർ​ണാ​ട​ക വ​നം​വ​കു​പ്പ് ക​ർ​ണാ​ട​ക​യി​ലെ വ​ന​ങ്ങ​ളി​ൽ ക​ഴി​യു​ന്ന ആ​ദി​വാ​സി​ക​ളു​ടെ അ​വ​കാ​ശ​ങ്ങ​ൾ ലം​ഘി​ക്കു​ക​യാ​ണെ​ന്ന് സി.​എ​ൻ.​എ.​പി നേ​താ​വാ​യ പ്ര​ണ​ബ് ദോ​ലെ പ​റ​ഞ്ഞു. അ​സ​മി​ലെ കാ​സി​രം​ഗ നാ​ഷ​ന​ൽ പാ​ർ​ക്കി​ലെ ഗോ​ത്ര​വി​ഭാ​ഗ​ങ്ങ​ളു​ടെ അ​വ​കാ​ശ​ങ്ങ​ൾ​ക്കാ​യി പോ​രാ​ടു​ന്ന നേ​താ​വു​കൂ​ടി​യാ​ണ് പ്ര​ണ​ബ് ദോ​ലെ. വ​ന​ങ്ങ​ളി​ൽ ക​ഴി​യു​ന്ന ആ​ദി​വാ​സി​ക​ളു​ടെ മൗ​ലി​ക​മാ​യ മ​നു​ഷ്യാ​വ​കാ​ശ​ങ്ങ​ൾ നി​ഷേ​ധി​ക്കു​ക​യും വ്യാ​ജ കേ​സു​ക​ൾ ചു​മ​ത്തു​ക​യും വ​ന​ത്തി​ന് പു​റ​ത്തു​ക​ഴി​യ​ണ​മെ​ന്ന് ഭീ​ഷ​ണി​പ്പെ​ടു​ത്തു​ക​യും ചെ​യ്യു​ക​യാ​ണ്. ജെ​നു കു​റു​ബ സ​മു​ദാ​യം തേ​ൻ, നെ​ല്ലി​ക്ക, മെ​ഴു​ക്, കാ​ട്ടു​പു​ല്ല് തു​ട​ങ്ങി​യ വ​ന വി​ഭ​വ​ങ്ങ​ള്‍ ശേ​ഖ​രി​ക്കു​ന്ന​തി​ല്‍ നി​യ​ന്ത്ര​ണ​ങ്ങ​ള്‍ ഏ​ർ​പ്പെ​ടു​ത്തു​ക​യും വാ​സ​സ്ഥ​ല​ത്തേ​ക്ക് ​വൈ​കീ​ട്ട് ആ​റി​നു​ശേ​ഷം പ്ര​വേ​ശി​ക്കു​ന്ന​തി​നും പു​റ​ത്തു​പോ​കു​ന്ന​തി​നും ചെ​ക്ക് പോ​സ്റ്റു​ക​ളും സോ​ളാ​ര്‍ ലൈ​റ്റ് ഗേ​റ്റു​ക​ള​ട​ക്കം സ്ഥാ​പി​ച്ച് നി​യ​ന്ത്ര​ണം ഏ​ർ​പ്പെ​ടു​ത്തു​ക​യും ചെ​യ്ത​താ​യും അ​വ​ർ ചൂ​ണ്ടി​ക്കാ​ട്ടി.

ക​ഴി​ഞ്ഞ ര​ണ്ടു പ​തി​റ്റാ​ണ്ടാ​യി വ​നാ​വ​കാ​ശ നി​യ​മം ന​ട​പ്പാ​ക്ക​ണ​മെ​ന്ന് ഞ​ങ്ങ​ൾ ആ​വ​ശ്യ​പ്പെ​ടു​ക​യാ​ണെ​ന്ന് എ​ൻ.​​എ.​ജെ.​എ​ച്ച്.​എ​സ്.​എ​സ് പ്ര​സി​ഡ​ന്റ് ജെ.​കെ തി​മ്മ പ​റ​ഞ്ഞു. 1972ൽ ​വ​നാ​വ​കാ​ശ നി​യ​മം ന​ട​പ്പി​ല്‍ വ​ന്ന​പ്പോ​ള്‍ ക​ര​ടി​ക​ല്ലു ഗ്രാ​മ​ത്തി​ല്‍ നി​ന്നും നി​ര​വ​ധി കു​ടും​ബ​ങ്ങ​ള്‍ കാ​ടു​വി​ട്ടു പു​റ​ത്തു പോ​കേ​ണ്ടി വ​ന്നു.

കാ​ടി​നു​മേ​ൽ നി​യ​മ​പ​ര​മാ​യ അ​വ​കാ​ശം ഞ​ങ്ങ​ൾ​ക്കു​ണ്ടാ​യി​ട്ടും നി​ര​വ​ധി കു​ടും​ബ​ങ്ങ​ള്‍ ഇ​പ്പോ​ഴും കു​ടി​യി​റ​ക്ക​ല്‍ ഭീ​ഷ​ണി നേ​രി​ടു​ക​യാ​ണ്. വ​നം വ​കു​പ്പ് നി​ല​വി​ല്‍വ​രു​ന്ന​തി​ന് മു​മ്പ് കാ​ട് സം​ര​ക്ഷി​ച്ചി​രു​ന്ന​ത് ജെ​നു കു​റു​ബ, യെ​ര​ന, പ​ണി​യ, ആ​ദി​വാ​സി വി​ഭാ​ഗ​ങ്ങ​ളാ​ണ്. കാ​ട്ടി​ലെ മ​നു​ഷ്യ​രും മൃ​ഗ​ങ്ങ​ളും തു​ല്യ​രാ​ണെ​ന്ന് പൂ​ര്‍വി​ക​ര്‍ പ​റ​ഞ്ഞു​ത​ന്നി​ട്ടു​ണ്ടെ​ന്നും വ​ന​ത്തി​ലെ ത​ങ്ങ​ളു​ടെ അ​വ​കാ​ശ​ങ്ങ​ള്‍ ത​ട​യാ​ന്‍ ഒ​രു ശ​ക്തി​ക്കും സാ​ധ്യ​മ​ല്ലെ​ന്നും അ​ദ്ദേ​ഹം പ​റ​ഞ്ഞു. സി.​എ​ന്‍.​എ.​പി.​എ ന​ഗ​ര്‍ഹോ​ളെ വ​ന​ത്തി​ലെ ആ​ദി​വാ​സി​ക​ളോ​ടൊ​പ്പ​മാ​ണെ​ന്നും കു​ടി​യൊ​ഴി​പ്പി​ക്കാ​നെ​ത്തി​യ സേ​ന ഉ​ട​ന്‍ പി​ന്‍മാ​റ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.