ദസറ ഭക്ഷ്യമേള 26 മുതല്‍

ബംഗളൂരു: ഈ വര്‍ഷത്തെ ദസറ ഭക്ഷ്യമേള സെപ്റ്റംബര്‍ 26 മുതല്‍ ഒക്ടോബര്‍ നാലുവരെ നടക്കും. മൈസൂരുവിലെ സ്‌കൗട്ട്‌സ് ആന്‍ഡ് ഗൈഡ്‌സ് മൈതാനിയിലും മൈസൂരു നഗരവികസന അതോറിറ്റി മൈതാനിയിലുമായി നടക്കുന്ന മേള യിൽ പരമ്പരാഗത ഗോത്രവിഭവങ്ങള്‍ ഉള്‍പ്പെടെ രാജ്യത്തിന്റെ വിവിധ ഭാഗങ്ങളില്‍നിന്നുള്ള ഭക്ഷണങ്ങളുമായി സ്റ്റാളുകളുണ്ടാവും.

സ്‌കൗട്ട്‌സ് ആന്‍ഡ് ഗൈഡ്‌സ് മൈതാനിയില്‍ 100 സ്റ്റാളുകൾ സജ്ജമാക്കും. മൈസൂരു നഗരവികസന അതോറിറ്റിയുടെ മൈതാനിയില്‍ 70 സ്റ്റാളുകളും ഉണ്ടാകും.

ദസറ ഭക്ഷ്യമേള ഉപസമിതിയുടെ നേതൃത്വത്തിലാണ് സ്റ്റാളുകള്‍ തുറക്കുക. തീറ്റമത്സരവും കലാപരിപാടികളും ഇതോടനുബന്ധിച്ച് അരങ്ങേറും.