ദസറത്തിരക്കിലലിഞ്ഞ് മൈസൂരു

ബം​ഗ​ളൂ​രു: ക​ർ​ണാ​ട​ക​യു​ടെ സം​സ്ഥാ​ന ഉ​ത്സ​വ​മാ​യ മൈ​സൂ​രു ദ​സ​റ​ക്ക് സ​ന്ദ​ർ​ശ​ക​ത്തി​ര​ക്കേ​റു​ന്നു. ക​ഴി​ഞ്ഞ ദി​വ​സ​ങ്ങ​ളി​ലാ​യി വി​വി​ധ പ്ര​ദ​ർ​ശ​ന​ങ്ങ​ളും മ​റ്റും കാ​ണാ​ൻ ആ​യി​ര​ങ്ങ​ളാ​ണ് എ​ത്തി​യ​ത്. ഒ​ക്ടോ​ബ​ർ 15ന് ​തു​ട​ങ്ങി​യ ദ​സ​റ 24ന് ​സ​മാ​പി​ക്കും. എ​യ്റോ ഷോ ​ആ​യി​രി​ക്കും ഇ​ത്ത​വ​ണ​ത്തെ മു​ഖ്യ ആ​ക​ർ​ഷ​ണം. ഒ​ക്ടോ​ബ​ർ 23ന് ​ബ​ന്നി​മ​ന്ത​പ്പ പ​രേ​ഡ് ഗ്രൗ​ണ്ടി​ൽ ഒ​രു മ​ണി​ക്കൂ​റാ​ണ് എ​യ്റോ ഷോ ​ന​ട​ക്കു​ക.

കോ​വി​ഡ്​ മൂ​ലം ര​ണ്ടു വ​ർ​ഷ​ത്തെ ഇ​ട​വേ​ള​ക്കു​ശേ​ഷം ക​ഴി​ഞ്ഞ വ​ർ​ഷ​മാ​ണ്​ ദ​സ​റ ആ​ഘോ​ഷം വി​പു​ല​മാ​യി ന​ട​ന്ന​ത്. ആ​ന​ക​ളു​ടെ ജം​ബോ സ​വാ​രി, മൈ​സൂ​രു ന​ഗ​ര​ത്തി​ലെ ദീ​പാ​ല​ങ്കാ​രം എ​ന്നി​വ​യാ​ണ് പ്ര​ധാ​ന ആ​ക​ർ​ഷ​ണം. ഫ്ല​വ​ർ​ഷോ, ദ​സ​റ എ​ക്സി​ബി​ഷ​ൻ, ക​വി സ​മ്മേ​ള​നം, മൈ​സൂ​രു കൊ​ട്ടാ​ര​ത്തി​ലെ വി​വി​ധ സാം​സ്കാ​രി​ക ക​ലാ​പ​രി​പാ​ടി​ക​ൾ അ​ട​ക്ക​മു​ള്ള​വ ദ​സ​റ​യു​ടെ ഭാ​ഗ​മാ​യി ന​ട​ക്കു​ന്നു​ണ്ട്. 24ന് ​വി​ജ​യ​ദ​ശ​മി​ദി​ന​ത്തി​ൽ ബ​ന്നി​മ​ന്ത​പ്പ ഗ്രൗ​ണ്ടി​ൽ ന​ട​ക്കു​ന്ന ടോ​ർ​ച്ച് ലൈ​റ്റ് പ​രേ​ഡോ​ടെ​യാ​ണ് ദ​സ​റ​ക്ക് തി​ര​ശ്ശീ​ല വീ​ഴു​ക. മൈ​സൂ​രു ന​ഗ​ര​ത്തി​ൽ വ​ൻ​സു​ര​ക്ഷ​യാ​ണ് ഒ​രു​ക്കി​യി​രി​ക്കു​ന്ന​ത്. ക​ർ​ണാ​ട​ക​യു​ടെ വി​വി​ധ ഭാ​ഗ​ങ്ങ​ൾ​ക്കു പു​റ​മേ കേ​ര​ളം, ത​മി​ഴ്നാ​ട്, ആ​ന്ധ്ര എ​ന്നി​വി​ട​ങ്ങ​ളി​ൽ​നി​ന്നും സ​ന്ദ​ർ​ശ​ക​ർ എ​ത്തും. അ​വ​സാ​ന ദി​ന​ങ്ങ​ളി​ൽ ആ​ളു​ക​ളു​ടെ എ​ണ്ണം കൂ​ടും. കു​പ്പ​ണ്ണ പാ​ർ​ക്കി​ലാ​ണ് പു​ഷ്പ​മേ​ള ന​ട​ക്കു​ന്ന​ത്. ര​ണ്ടു ദി​വ​സ​ങ്ങ​ളി​ലാ​യി പു​ഷ്പ​മേ​ള​ക്കാ​യി 30,000ത്തി​ല​ധി​കം പേ​രാ​ണ് എ​ത്തി​യ​ത്. മൈ​സൂ​രു മൃ​ഗ​ശാ​ല​യി​ലും തി​ര​ക്കേ​റി. 20,000ത്തോ​ളം പേ​ർ ഇ​വി​ടെ എ​ത്തി. ദ​സ​റ​യോ​ട​നു​ബ​ന്ധി​ച്ച ശ്രീ​രം​ഗ​പ​ട്ട​ണ ദ​സ​റ ക​ഴി​ഞ്ഞ ദി​വ​സം തു​ട​ങ്ങി. വെ​ള്ളി​യാ​ഴ്ച അ​വ​സാ​നി​ക്കും.

ക​ര്‍ണാ​ട​ക ആ​ര്‍.​ടി.​സി​യും സ്വ​കാ​ര്യ ടൂ​ര്‍ ഓ​പ​റേ​റ്റ​ര്‍മാ​രും വി​നോ​ദ​സ​ഞ്ചാ​രി​ക​ള്‍ക്ക് പ്ര​ത്യേ​ക പാ​ക്കേ​ജു​ക​ള്‍ അ​വ​ത​രി​പ്പി​ച്ചി​ട്ടു​ണ്ട്. 250 രൂ​പ മു​ത​ല്‍ 1000 രൂ​പ വ​രെ​യാ​ണ് ഇ​ത്ത​രം പാ​ക്കേ​ജു​ക​ള്‍ക്ക് ഒ​രാ​ളി​ല്‍നി​ന്ന് ഈ​ടാ​ക്കു​ന്ന​ത്. ക​ര്‍ണാ​ട​ക ആ​ര്‍.​ടി.​സി ന​ഗ​ര​ത്തി​ലെ കാ​ഴ്ച​ക​ള്‍ക്കു പു​റ​മേ സ​മീ​പ​ജി​ല്ല​ക​ളി​ലെ കാ​ഴ്ച കാ​ണാ​നും അ​വ​സ​ര​മൊ​രു​ക്കു​ന്നു​ണ്ട്. ക​ര്‍ണാ​ട​ക ആ​ര്‍.​ടി.​സി​യു​ടെ വെ​ബ്‌​സൈ​റ്റി​ലൂ​ടെ​യാ​ണ് പാ​ക്കേ​ജു​ക​ള്‍ ബു​ക്ക് ചെ​യ്യേ​ണ്ട​ത്.

ഓ​ട്ടോ​റി​ക്ഷ​ക​ളി​ലും ടാ​ക്‌​സി​ക​ളി​ലും അ​മി​ത നി​ര​ക്ക് ഈ​ടാ​ക്കു​ന്നു​വെ​ന്ന് മു​ന്‍ വ​ര്‍ഷ​ങ്ങ​ളി​ല്‍ വ്യാ​പ​ക പ​രാ​തി ഉ​യ​ര്‍ന്നി​രു​ന്നു. ഇ​ത്ത​വ​ണ അ​മി​ത നി​ര​ക്ക് ഈ​ടാ​ക്കു​ന്ന​വ​ര്‍ക്കെ​തി​​രെ ക​ര്‍ശ​ന ന​ട​പ​ടി​യു​ണ്ടാ​കു​മെ​ന്ന് മോ​ട്ടോ​ര്‍ വാ​ഹ​ന​വ​കു​പ്പ് അ​റി​യി​ച്ചു. ഇ​ത്ത​രം ടാ​ക്‌​സി- ഓ​ട്ടോ​തൊ​ഴി​ലാ​ളി​ക​ള്‍ക്കെ​തി​രെ ന​ട​പ​ടി സ്വീ​ക​രി​ക്കാ​ന്‍ പ്ര​ത്യേ​ക സ്‌​ക്വാ​ഡി​ന് രൂ​പം ന​ല്‍കി​യി​ട്ടു​ണ്ട്.

മൈ​സൂ​രു​വി​ൽ ഗ​താ​ഗ​ത നി​യ​ന്ത്ര​ണം

ദ​സ​റ​യോ​ട​നു​ബ​ന്ധി​ച്ച് മൈ​സൂ​രു ന​ഗ​ര​ത്തി​ല്‍ ഗ​താ​ഗ​ത നി​യ​ന്ത്ര​ണം ഏ​ർ​പ്പെ​ടു​ത്തി​യി​ട്ടു​ണ്ട്. ടി. ​ന​ഗ​ര​സി​പു​ര ഭാ​ഗ​ത്തു​നി​ന്ന് ന​ഗ​ര​ത്തി​ലെ​ത്തു​ന്ന സ്വ​കാ​ര്യ ടൂ​റി​സ്റ്റ് ബ​സു​ക​ള്‍ മ​ഹാ​ദേ​വ​പു​ര റോ​ഡി​ലേ​ക്ക് പ്ര​വേ​ശി​ച്ച് റി​ങ് റോ​ഡ്, പു​ഷ്പ​ശ​ര്‍മ ജ​ങ്ഷ​ന്‍ എ​ന്നി​വി​ട​ങ്ങ​ളി​ല്‍ ഒ​രു​ക്കി​യി​രി​ക്കു​ന്ന പാ​ര്‍ക്കി​ങ് കേ​ന്ദ്ര​ങ്ങ​ളി​ല്‍ നി​ര്‍ത്ത​ണം.

ബെ​ന്നൂ​ര്‍ ഭാ​ഗ​ത്തു​നി​ന്നു വ​രു​ന്ന ബ​സു​ക​ള്‍ ദേ​വ​ഗൗ​ഡ സ​ര്‍ക്കി​ള്‍ വ​ഴി മൈ​സൂ​രു-​ബം​ഗ​ളൂ​രു റോ​ഡി​ന്റെ വി​വി​ധ ഭാ​ഗ​ങ്ങ​ളി​ലാ​യി ത​യാ​റാ​ക്കി​യ പാ​ര്‍ക്കി​ങ് കേ​ന്ദ്ര​ങ്ങ​ളി​ലും കെ.​എ​സ്.​ആ​ര്‍ ഭാ​ഗ​ത്തു​നി​ന്നു​വ​രു​ന്ന ബ​സു​ക​ള്‍ ദാ​സ​പ്പ സ​ര്‍ക്കി​ള്‍ വ​ഴി ഹു​ന്‍സൂ​ര്‍ റോ​ഡി​നു സ​മീ​പ​ത്താ​യി ത​യാ​റാ​ക്കി​യി​രി​ക്കു​ന്ന പാ​ര്‍ക്കി​ങ് കേ​ന്ദ്ര​ങ്ങ​ളി​ലെ​ത്ത​ണം.

കാ​റു​ക​ള്‍ ഉ​ള്‍പ്പെ​ടെ​യു​ള്ള മ​റ്റു സ്വ​കാ​ര്യ വാ​ഹ​ന​ങ്ങ​ള്‍ക്കാ​യി ന​ഗ​ര​ത്തി​ലെ വി​വി​ധ ഭാ​ഗ​ങ്ങ​ളി​ലാ​യി പാ​ര്‍ക്കി​ങ് കേ​ന്ദ്ര​ങ്ങ​ള്‍ സ​ജ്ജീ​ക​രി​ച്ചി​ട്ടു​ണ്ട്.