വ​ര​ൾ​ച്ച, കൃ​ഷി നാ​ശം; ക​ർ​ഷ​ക​ർ ക​ന്നു​കാ​ലി​ക​ളെ വി​റ്റൊ​ഴി​വാ​ക്കു​ന്നു

ബം​ഗ​ളൂ​രു: വ​ര​ൾ​ച്ച​മൂ​ലം പൊ​റു​തി​മു​ട്ടി​യ ക​ർ​ണാ​ട​ക​യി​ലെ ക​ർ​ഷ​ക​ർ ക​ന്നു​കാ​ലി​ക​ളെ വി​ൽ​ക്കു​ന്നു. ബെ​ള​ഗാ​വി ജി​ല്ല​യി​ലെ ചി​ക്കോ​ടി താ​ലൂ​ക്കി​ലെ ക​ർ​ഷ​ക​രാ​ണ് കൃ​ഷി​യി​ലെ ന​ഷ്ട മൂ​ലം ക​ന്നു​കാ​ലി​ക​ളെ വി​ൽ​ക്കു​ന്ന​ത്. വ​ര​ൾ​ച്ച മൂ​ലം ഏ​റെ കൃ​ഷി​നാ​ശ​മു​ണ്ടാ​യെ​ന്നും ക​ന്നു​കാ​ലി​ക​ളെ തീ​റ്റി​പ്പോ​റ്റാ​ൻ ക​ഴി​യാ​ത്ത സ്ഥി​തി​യാ​ണെ​ന്നും ഇ​വ​ർ പ​റ​യു​ന്നു. ചി​ക്കോ​ടി താ​ലൂ​ക്കി​ലെ വി​വി​ധ ​ഗ്രാ​മ​ങ്ങ​ളി​ലെ നി​ര​വ​ധി ക​ർ​ഷ​ക​രാ​ണ് പ​ശു​ക്ക​ളെ​യും കാ​ള​ക​ളെ​യും വി​ൽ​ക്കാ​ൻ ക​ന്നു​കാ​ലി ച​ന്ത​യി​ലെ​ത്തു​ന്ന​ത്. ജി​ല്ല​യി​ലെ 14 താ​ലൂ​ക്കു​ക​ളും വ​ര​ൾ​ച്ച​ബാ​ധി​ത​മാ​ണെ​ന്ന് സ​ർ​ക്കാ​ർ പ്ര​ഖ്യാ​പി​ച്ചി​ട്ടു​ണ്ട്. ഹു​ക്കേ​രി, ചി​ക്കോ​ടി, കാ​ട്വാ​ദ്, അ​താ​നി, റാ​യ്ബാ​ഗ്, നി​പ്പ​നി മേ​ഖ​ല​ക​ളി​ൽ വ​ര​ൾ​ച്ച അ​തി​രൂ​ക്ഷ​മാ​ണ്.

കു​റ​ഞ്ഞ വി​ല​യ്ക്കാ​ണ് കാ​ലി​ക​ളെ വി​റ്റൊ​ഴി​വാ​ക്കു​ന്ന​ത്. ല​ക്ഷം രൂ​പ വി​ല​യു​ള്ള കാ​ള​യെ 20,000 രൂ​പ​ക്ക് വി​ൽ​ക്കേ​ണ്ടി​വ​ന്നു​വെ​ന്ന് ഹു​ക്കേ​രി​യി​ൽ നി​ന്നു​ള്ള ക​ർ​ഷ​ക​നാ​യ ല​ളി​ത മാ​യ​ന​ന്ന​വ​ർ പ​റ​ഞ്ഞു. വൈ​ദ്യു​തി ലോ​ഡ്ഷെ​ഡി​ങ് മൂ​ലം കു​ഴ​ൽ കി​ണ​റു​ക​ളി​ൽ​നി​ന്ന് ജ​ല​സേ​ച​നം ന​ട​ത്താ​ൻ ക​ഴി​യു​ന്നു​മി​ല്ല. ഇ​തും ക​ർ​ഷ​ക​ർ​ക്ക് ഏ​റെ ദു​രി​ത​മാ​ണു​ണ്ടാ​ക്കു​ന്ന​ത്. ആ​കെ​യു​ള്ള 236 താ​ലൂ​ക്കു​ക​ളി​ൽ 216ഉം ​വ​ര​ൾ​ച്ച​ബാ​ധി​ത​മാ​ണ്. 11 താ​ലൂ​ക്കു​ക​ൾ അ​തി​തീ​വ്ര​മാ​യ വ​ര​ൾ​ച്ച​യും 189 താ​ലൂ​ക്കു​ക​ൾ തീ​വ്ര​വ​ര​ൾ​ച്ച​യും അ​നു​ഭ​വി​ക്കു​ന്നു. ഇ​തു​മൂ​ലം ഈ ​വ​ർ​ഷം സം​സ്ഥാ​ന​ത്തെ ക​ർ​ഷ​ക​ർ​ക്ക് 30,000 കോ​ടി​യു​ടെ ന​ഷ്ട​മാ​ണു​ണ്ടാ​യ​ത്. 42 ല​ക്ഷം ഹെ​ക്ട​ർ കൃ​ഷി​യാ​ണ് ന​ശി​ച്ച​ത്. വ​ര​ൾ​ച്ച സ​ഹാ​യ​മാ​യി 17,901 കോ​ടി രൂ​പ സം​സ്ഥാ​ന സ​ർ​ക്കാ​ർ ആ​വ​ശ്യ​പ്പെ​ട്ടെ​ങ്കി​ലും കേ​ന്ദ്രം ഇ​തു​വ​രെ പ​ണം ന​ൽ​കി​യി​ട്ടി​ല്ല.