ഭിന്നശേഷിക്കാരായ വിദ്യാർഥികളുടെ നാടകാവതരണം 27ന്

ബംഗളൂരു: കോഴിക്കോട് തിക്കോടി പുറക്കാടിലെ ശാന്തിസദനം ഭിന്നശേഷി വിദ്യാലയത്തിലെ വിദ്യാർഥികളുടെ നേതൃത്വത്തിൽ ബംഗളൂരുവിൽ ഞായറാഴ്ച നാടകം അവതരിപ്പിക്കും.

വൈകീട്ട് 4.30ന് ഇന്ദിര നഗർ കൈരളി നികേതൻ ഓഡിറ്റോറിയത്തിൽ അരങ്ങേറുന്ന 'സ്നേഹ നൊമ്പരം' നാടകാവതരണം എൻ.എ. ഹാരിസ് എം.എൽ.എ ഉദ്ഘാടനം ചെയ്യും. കവിയും മലയാളം മിഷൻ രജിസ്ട്രാറുമായ വിനോദ് വൈശാഖി വിശിഷ്ടാതിഥിയാവും.