മെ​ട്രോ ട്രെ​യി​നു​ക​ളി​ൽ ഇ​നി ഡി​ജി​റ്റ​ൽ പ​ര​സ്യ​ങ്ങ​ളും

ബം​ഗ​ളൂ​രു: ന​മ്മ മെ​ട്രോ ട്രെ​യി​നു​ക​ളി​ൽ വൈ​കാ​തെ ഡി​ജി​റ്റ​ൽ പ​ര​സ്യ​ങ്ങ​ളും പ്ര​ത്യ​ക്ഷ​പ്പെ​ടും. ട്രെ​യി​നി​ന്റെ ബോ​ഗി​ക​ളു​ടെ പു​റം​ഭാ​ഗ​ത്ത് ഡി​ജി​റ്റ​ൽ പ​ര​സ്യ​ബോ​ർ​ഡു​ക​ൾ സ്ഥാ​പി​ക്കാ​ൻ ബം​ഗ​ളൂ​രു മെ​ട്രോ റെ​യി​ല്‍ കോ​ർ​പ​റേ​ഷ​ന്‍ സ്വ​കാ​ര്യ ക​മ്പ​നി​ക​ളാ​യ മു​ദ്ര വെ​ന്‍ച്വേ​ര്‍സ്, ലോ​കേ​ഷ് ഔ​ട്ട് ഡോ​ര്‍ എ​ന്നി​വ​യു​മാ​യി ഏ​ഴു വ​ര്‍ഷ​ത്തെ ക​രാ​റി​ല്‍ ഒ​പ്പി​ട്ടു.

പ​ര്‍പ്ള്‍, ഗ്രീ​ന്‍ ലൈ​ന്‍ മെ​ട്രോ ട്രെ​യി​നു​ക​ളി​ലാ​ണ് പ​ര​സ്യം പ​തി​ക്കു​ക. പ​ര്‍പ്പി​ള്‍ ലൈ​നി​ലെ ട്രെ​യി​നു​ക​ളി​ല്‍ മു​ദ്ര വെ​ന്‍ച്വേ​ര്‍സ്, ഗ്രീ​ന്‍ ലൈ​നി​ലെ ട്രെ​യി​നു​ക​ളി​ല്‍ ലോ​കേ​ഷ് ഔ​ട്ട് ഡോ​ര്‍ എ​ന്നി​വ പ​ര​സ്യ ബോ​ർ​ഡു​ക​ൾ ഒ​രു​ക്കും. വ​രു​മാ​നം വ​ര്‍ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി മെ​ട്രോ ട്രെ​യി​നി​ല്‍ മു​ഴു​വ​നാ​യോ ഭാ​ഗി​ക​മാ​യോ പ​ര​സ്യം പ​തി​ക്കാ​മെ​ന്ന​താ​ണ് ബി.​എം.​ആ​ർ.​സി.​എ​ൽ നി​ല​പാ​ട്. ഇ​തു​വ​ഴി പ്ര​തി​വ​ർ​ഷം 25 കോ​ടി വ​രു​മാ​നം പ്ര​തീ​ക്ഷി​ക്കു​ന്നു​ണ്ട്.

ലോ​കോ​ത്ത​ര നി​ല​വാ​ര​മു​ള്ള സേ​വ​ന​മാ​ണ് മെ​ട്രോ ജ​ന​ങ്ങ​ള്‍ക്ക് ന​ല്‍കു​ന്ന​തെ​ന്നും സാ​മ്പ​ത്തി​ക സു​സ്ഥി​ര​ത​യും അ​ടി​സ്ഥാ​ന സൗ​ക​ര്യ വി​ക​സ​ന​വും മു​ന്‍നി​ര്‍ത്തി​യാ​ണ് തീ​രു​മാ​ന​മെ​ന്നും ബി.​എം.​ആ​ര്‍.​സി.​എ​ല്‍ എം.​ഡി എം. ​മ​ഹേ​ശ്വ​ര്‍ റാ​വു പ​റ​ഞ്ഞു. മു​ദ്ര വെ​ന്‍ച്വേ​ര്‍സു​മാ​യി 1.26 കോ​ടി​യു​ടെ ക​രാ​റും ലോ​കേ​ഷ് ഔ​ട്ട് ഡോ​റു​മാ​യി 81.49 ല​ക്ഷ​ത്തി​ന്റെ ക​രാ​റു​മാ​ണ് ഒ​പ്പി​ട്ട​ത്. പ​ര​സ്യ​ങ്ങ​ളി​ലൂ​ടെ 100 കോ​ടി വ​രു​മാ​ന​മു​ണ്ടാ​ക്കാ​നാ​ണ് മെ​ട്രോ ല​ക്ഷ്യ​മി​ടു​ന്ന​ത്. തു​ട​ക്ക​ത്തി​ല്‍ 10 മെ​ട്രോ ട്രെ​യി​നു​ക​ളി​ലാ​ണ് പ​ര​സ്യം പ​തി​ക്കു​ക.