ധനു മാസ തിരുവാതിര ആഘോഷിച്ചു

ബംഗളൂരു: കെ.എൻ.എസ്.എസിന്റെ ബിദറഹളളി, ഹൊരമാവ്, അൾസൂർ, എം.എസ്. നഗർ, മത്തിക്കരെ, ദാസറഹള്ളി, ജയനഗർ, തിപ്പസാന്ദ്ര, വിമാനപുര കരയോഗങ്ങളിൽ മഹിളാ വിഭാഗങ്ങളുടെ നേതൃത്വത്തിൽ ധനു മാസ തിരുവാതിര സമുചിതമായി ആഘോഷിച്ചു. അൾസൂർ കരയോഗത്തിന്റെയും വനിതാ വിഭാഗം ശക്തിയുടെയും ആഭിമുഖ്യത്തിൽ കരയോഗം ഓഫിസിൽ നടന്ന ആഘോഷത്തിന് പ്രസിഡന്റ് വിശ്വനാഥൻ,​ സെക്രട്ടറി മോഹൻ കുമാർ, വനിതാ വിഭാഗം പ്രസിഡന്റ് മീന മുരളീധരൻ, മറ്റു ഭാരവാഹികൾ എന്നിവർ നേതൃത്വം നൽകി. തിരുവാതിര കളി ആഘോഷത്തിന് മാറ്റു കൂട്ടി.