ത​ണ്ണീ​ർ​​കൊ​മ്പ​ന്‍റെ മ​ര​ണം;വി​ശ​ദ​മാ​യ അ​ന്വേ​ഷ​ണം ന​ട​ത്തും -ക​ർ​ണാ​ട​ക വ​നം മ​ന്ത്രി

ബം​ഗ​ളൂ​രു: ത​ണ്ണീ​ർ കൊ​മ്പ​ൻ ചെ​രി​ഞ്ഞ സം​ഭ​വ​ത്തി​ൽ വി​ശ​ദ അ​ന്വേ​ഷ​ണം ന​ട​ത്തു​മെ​ന്ന് ക​ർ​ണാ​ട​ക വ​നം മ​ന്ത്രി ഈ​ശ്വ​ർ ഖ​ണ്ഡ്രെ പ​റ​ഞ്ഞു. പോ​സ്റ്റു​മോ​ർ​ട്ടം റി​പ്പോ​ർ​ട്ട് ല​ഭി​ച്ച വി​ശ​ദ​മാ​യ റി​പ്പോ​ർ​ട്ട് സ​മ​ർ​പ്പി​ക്കാ​ൻ ബ​ന്ധ​​പ്പെ​ട്ട ഉ​ദ്യോ​ഗ​സ്ഥ​രോ​ട് ആ​വ​ശ്യ​പ്പെ​ട്ടി​ട്ടു​ണ്ട്. ര​ക്ഷാ​പ്ര​വ​ർ​ത്ത​ന​ത്തി​ൽ വീ​ഴ്ച സം​ഭ​വി​ച്ചി​ട്ടു​ണ്ടെ​ങ്കി​ൽ കു​റ്റ​ക്കാ​ർ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും വ​നം മ​ന്ത്രി അറിയിച്ചു.

അതേസമയം, മാ​ന​ന്ത​വാ​ടി​യി​ൽ​നി​ന്ന് മ​യ​ക്കു​വെ​ടി​വെ​ച്ച് പി​ടി​കൂ​ടി​യ ത​ണ്ണീ​ർ​കൊ​മ്പ​നെ വെ​ള്ളി​യാ​ഴ്ച രാ​ത്രി​ത​ന്നെ ബ​ന്ദി​പ്പൂ​രി​ലേ​ക്ക് മാ​റ്റേ​ണ്ടി​യി​രു​ന്നി​ല്ലെ​ന്ന് ക​ർ​ണാ​ട​ക വ​നം​വ​കു​പ്പ് വ്യക്തമാക്കി. ആ​ന​ക്ക് മ​തി​യാ​യ വി​ശ്ര​മം ന​ൽ​കി​യ ശേ​ഷം മാ​റ്റു​ന്ന​താ​യി​രു​ന്നു ന​ല്ല​തെ​ന്ന് ബ​ന്ദി​പ്പൂ​ർ ഫീ​ൽ​ഡ് ഡ​യ​റ​ക്ട​ർ ര​മേ​ശ് കു​മാ​ർ ഐ.​എ​ഫ്.​എ​സ് അ​ഭി​പ്രാ​യ​പ്പെ​ട്ടു.

നി​റ​യെ ആ​ൾ​ക്കൂ​ട്ട​വും ബ​ഹ​ള​വു​മു​ണ്ടാ​യി​രു​ന്ന​തും ഒ​രേ സ്ഥ​ല​ത്ത് ഏ​റെ​നേ​രം നി​ല്‍ക്കേ​ണ്ടി​വ​ന്ന​തും ആ​ന​യെ അ​വ​ശ​നാ​ക്കി​യി​രി​ക്കാം. ലോ​റി​യി​ൽ​നി​ന്ന് ഇ​റ​ക്കു​ന്ന​തി​നു​മു​മ്പേ ആ​ന കു​ഴ​ഞ്ഞു​വീ​ണി​രു​ന്നെ​ന്നും അ​ദ്ദേ​ഹം വെ​ളി​പ്പെ​ടു​ത്തി.

ത​ണ്ണീ​ർ​കൊ​മ്പ​ൻ വി​ഷ​യ​ത്തി​ൽ കേ​ര​ള-​ക​ർ​ണാ​ട​ക വ​നം​വ​കു​പ്പു​ക​ൾ ത​മ്മി​ൽ ഭി​ന്ന​ത​യി​ല്ലെ​ന്നും മാ​ന​ന്ത​വാ​ടി​യി​ല്‍ നി​ന്ന് ത​ണ്ണീ​ര്‍കൊ​മ്പ​നെ രാ​മ​പു​ര ക്യാ​മ്പി​ല്‍ എ​ത്തി​ച്ച​ത് കേ​ര​ള, ക​ര്‍ണാ​ട​ക വ​നം വ​കു​പ്പു​ക​ളു​ടെ ഏ​കോ​പ​ന​ത്തോ​ടെ​യാ​ണെ​ന്നും ക​ര്‍ണാ​ട​ക വ​നം​വ​കു​പ്പ് പ്രി​ന്‍സി​പ്പ​ല്‍ ചീ​ഫ് ക​ണ്‍സ​ര്‍വ​റ്റേ​ര്‍ (പി.​സി.​സി.​എ​ഫ്) സു​ഭാ​ഷ് മാ​ല്‍ഖ​ഡെ പ​റ​ഞ്ഞു. ആ​ന​യു​ടെ ഇ​ട​തു​കാ​ലി​ലു​ണ്ടാ​യി​രു​ന്ന പ​ഴു​പ്പ് വെ​ള്ളി​യാ​ഴ്ച​ത്തെ റ​സ്ക്യൂ ഓ​പ​റേ​ഷ​നി​ടെ സം​ഭ​വി​ച്ച​ത​ല്ല. പ​ഴ​യ മു​റി​വാ​ണ്.

ആ​ള്‍ക്കൂ​ട്ട​ത്തി​നി​ട​യി​ല്‍ നി​ന്ന് ആ​ന​യെ മ​യ​ക്കു​വെ​ടി​വെ​ച്ച് പി​ടി​കൂ​ടു​ന്ന​ത് എ​ളു​പ്പ​മ​ല്ല. സം​ഭ​വ​ത്തി​ല്‍ ഉ​ദ്യോ​ഗ​സ്ഥ​രെ പ​ഴി​ക്കാ​ന്‍ ക​ഴി​യി​ല്ല. ആ​ന​യെ മാ​റ്റു​ന്ന​തു സം​ബ​ന്ധി​ച്ച് സാ​ഹ​ച​ര്യ​മ​നു​സ​രി​ച്ച് അ​ത​ത് പ്ര​ദേ​ശ​ത്തെ വ​നം വ​കു​പ്പ് ഉ​ദ്യോ​ഗ​സ്ഥ​രാ​ണ് തീ​രു​മാ​ന​മെ​ടു​ക്കു​ന്ന​ത്.

എ​ന്താ​ണ് സം​ഭ​വി​ച്ച​തെ​ന്ന കാ​ര്യ​ത്തി​ല്‍ ഇ​രു​സം​സ്ഥാ​ന​ങ്ങ​ളി​ലെ​യും വ​നം വ​കു​പ്പ് ഉ​ദ്യോ​ഗ​സ്ഥ​ര്‍ സം​യു​ക്ത​മാ​യി പ​രി​ശോ​ധി​ക്കു​മെ​ന്നും മാ​ല്‍ഖ​ഡെ പ​റ​ഞ്ഞു. രാ​സ​പ​രി​ശോ​ധ​ന​ക​ൾ പൂ​ർ​ത്തി​യാ​ക്കി അ​ന്തി​മ പോ​സ്റ്റു​മോ​ർ​ട്ടം റി​പ്പോ​ർ​ട്ട് ഒ​രാ​ഴ്ച​ക്ക​കം ല​ഭി​ക്കു​മെ​ന്നും അ​ദ്ദേ​ഹം വ്യ​ക്ത​മാ​ക്കി.

ജ​നു​വ​രി 16ന് ​ഹാ​സ​നി​ലെ ബേ​ലൂ​രി​ലു​ള്ള സ​ഹാ​റ എ​സ്റ്റേ​റ്റി​ൽ നി​ന്ന് ക​ര്‍ണാ​ട​ക വ​നം വ​കു​പ്പ് പി​ടി​കൂ​ടി പി​ന്നീ​ട് മൂ​ല​ഹൊ​ള്ള വ​ന​മേ​ഖ​ല​യി​ല്‍ തു​റ​ന്നു​വി​ട്ട ആ​ന​യാ​ണ് മാ​ന​ന്ത​വാ​ടി​യി​ലെ​ത്തി​യ​ത്.

കൃ​ഷി​യി​ട​ത്തി​ലെ​ത്തി​യ ആ​ന​യെ വെ​ള്ളി​യാ​ഴ്ച രാ​ത്രി 7.15ഓ​ടെ മ​യ​ക്കു​വെ​ടി​വെ​ച്ച് പി​ടി​കൂ​ടു​ക​യാ​യി​രു​ന്നു. പി​ന്നീ​ട് രാ​ത്രി​യോ​ടെ ബ​ന്ദി​പ്പൂ​രി​ലെ രാം​പു​ര ആ​ന​ക്ക്യാ​മ്പി​ലെ​ത്തി​ച്ചെ​ങ്കി​ലും ചെ​രി​ഞ്ഞു.