മ​ലി​ന​ജ​ല പ്ലാ​ന്റ് വൃ​ത്തി​യാ​ക്കലിനി​ടെ മ​ര​ണം; അ​ഞ്ചു​പേ​ർ​ക്കെ​തി​രെ കേ​സ്

ബം​ഗ​ളൂ​രു: അ​പാ​ർ​ട്ട് സ​മു​ച്ച​യ​ത്തി​ലെ മ​ലി​ന​ജ​ല​ശു​ദ്ധീ​ക​ര​ണ പ്ലാ​ന്റ് വൃ​ത്തി​യാ​ക്കാ​നി​റ​ങ്ങി​യ ര​ണ്ടു​തൊ​ഴി​ലാ​ളി​ക​ൾ മ​രി​ച്ച സം​ഭ​വ​ത്തി​ൽ അ​ഞ്ചു​പേ​ർ​ക്കെ​തി​രെ പൊ​ലീ​സ് കേ​സെ​ടു​ത്തു. ക​ന​ക​പു​ര റോ​ഡ് കോ​ണ​ന​കു​ണ്ഡെ​യി​ലെ അ​പാ​ർ​ട്ട്മെ​ന്റി​ൽ ന​ട​ന്ന അ​പ​ക​ട​ത്തി​ൽ അ​പാ​ർ​ട്ട്മെ​ന്റ് മാ​നേ​ജ്‌​മെ​ന്റും സ്ഥാ​പ​ന ഉ​ട​മ​യും ജീ​വ​ന​ക്കാ​രു​മു​ള്‍പ്പെ​ടെ അ​ഞ്ചു​പേ​ര്‍ക്കെ​തി​രേ കൊ​നാ​ന​കു​ണ്ഡെ പൊ​ലീ​സ് കേ​സെ​ടു​ത്തു.

തു​മ​കൂ​രു സ്വ​ദേ​ശി ര​വി​കു​മാ​ര്‍ (29), ഒ​ഡി​ഷ സ്വ​ദേ​ശി ദി​ലീ​പ് കു​മാ​ര്‍ (26) എ​ന്നി​വ​രാ​ണ് മ​രി​ച്ച​ത്. മ​ലി​ന​ജ​ല ശു​ദ്ധീ​ക​ര​ണ പ്ലാ​ന്റു​ക​ളു​ടെ പ്ര​വൃ​ത്തി​ക​ള്‍ ന​ട​ത്തു​ന്ന സ്വ​കാ​ര്യ ക​മ്പ​നി​യു​ടെ ജീ​വ​ന​ക്കാ​രാ​ണ് ഇ​രു​വ​രും. പ്ലാ​ന്റി​ന്റെ പ്ര​വ​ര്‍ത്ത​നം ത​ക​രാ​റി​ലാ​യ​തോ​ടെ​യാ​ണ് ഇ​രു​വ​രും അ​റ്റ​കു​റ്റ​പ്പ​ണി​ക്കാ​യി എ​ത്തി​യ​ത്.

ഏ​റെ നേ​രം ക​ഴി​ഞ്ഞി​ട്ടും കാ​ണാ​താ​യ​തോ​ടെ ക​മ്പ​നി​യി​ലെ സൂ​പ്ര​ണ്ട് പാ​ര്‍പ്പി​ട സ​മു​ച്ച​യ​ത്തി​ലെ സു​ര​ക്ഷ ജീ​വ​ന​ക്കാ​രെ വി​വ​ര​മ​റി​യി​ക്കു​ക​യാ​യി​രു​ന്നു. ഇ​വ​ർ ന​ട​ത്തി​യ പ​രി​ശോ​ധ​ന​യി​ലാ​ണ് ഇ​രു​വ​രെ​യും ബോ​ധ​മ​റ്റ നി​ല​യി​ല്‍ പ്ലാ​ന്റി​ന് സ​മീ​പം ക​ണ്ട​ത്. ഉ​ട​ന്‍ ത​ന്നെ സ​മീ​പ​ത്തെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. പ്ലാ​ന്റി​നു​ള്ളി​ല്‍ നി​ന്നു​ള്ള വി​ഷ​വാ​ത​കം ശ്വ​സി​ച്ച​താ​ണ് മ​ര​ണ​കാ​ര​ണ​മെ​ന്നാ​ണ് പ്രാ​ഥ​മി​ക നി​ഗ​മ​നം.