ഒളിവിൽപോയ കുറ്റവാളി അറസ്റ്റിൽ

മംഗളൂരു: പതിമൂന്ന് വർഷത്തോളം ഒളിവിൽ പോയ ബിഹാറിൽ നിന്നുള്ള ഒരു കുറ്റവാളിയെ കൗപ് പൊലീസ് ബംഗളൂരുവിൽ അറസ്റ്റ് ചെയ്തു. ലോറി ഡ്രൈവർ കെ. മനോജ് കുമാറാണ് (41) അറസ്റ്റിലായത് .

2012 ൽ ഉദ്യാവർ കൗപ് പൊലീസ് സ്റ്റേഷൻ പരിധിയിൽ മനോജ് കുമാർ ഓടിച്ച ലോറിയിടിച്ച് ഒരാൾ കൊല്ലപ്പെട്ടിരുന്നു. കോടതി കുറ്റക്കാരനാണെന്ന് കണ്ടെത്തി ആറ് മാസം തടവിന് ശിക്ഷിച്ചു. എന്നാൽ ശിക്ഷ പ്രഖ്യാപിച്ച ഉടൻ കുമാർ ഒളിവിൽ പോയി.