മാ​ല മോ​ഷ​ണ​ത്തി​ൽ റെ​ക്കോ​ഡ്, ഒ​ടു​വി​ൽ പി​ടി​യി​ൽ, 2014 നും 2018 ​നും ഇ​ട​യി​ൽ 155 സ്വ​ർ​ണ​മാ​ല​ക​ളാ​ണ്​ ക​വ​ർ​ന്ന​ത്

ബം​ഗ​ളൂ​രു: മാ​ല​മോ​ഷ​ണ​ത്തി​ൽ 'റെ​ക്കോ​ഡ്​' ​ഇ​ട്ട​യാ​ളെ ബം​ഗ​ളൂ​രു പൊ​ലീ​സ്​ അ​റ​സ്​​റ്റ്​ ചെ​യ്തു. ഇ​തി​ന​കം 159 സ്വ​ർ​ണ​മാ​ല​ക​ൾ ക​വ​ർ​ന്ന അ​ച്യു​ത്​ കു​മാ​ർ ഗാ​നി എ​ന്ന വി​ശ്വ​നാ​ഥി​നെ (35) ആ​ണ്​ പി​ടി​ച്ച​ത്. ചി​ല ദി​വ​സ​ങ്ങ​ളി​ൽ ഇ​യാ​ൾ നാ​ല്​ മാ​ല​ക​ൾ വ​രെ മോ​ഷ്​​ടി​ച്ച​താ​യി പൊ​ലീ​സ്​ പ​റ​ഞ്ഞു. മു​ഖം മു​ഴു​വ​ൻ മൂ​ടു​ന്ന ഹെ​ൽ​മ​റ്റ്​ ധ​രി​ച്ച്​ ബൈ​ക്കി​ൽ ക​റ​ങ്ങി​യാ​യി​രു​ന്നു മാ​ല പൊ​ട്ടി​ക്ക​ൽ. പൊ​ലീ​സി​നെ ക​ബ​ളി​പ്പി​ക്കാ​നാ​യി എ​ല്ലാ മാ​സ​വും ഇ​യാ​ൾ വീ​ട്​ മാ​റി​യി​രു​ന്നു.

2014 നും 2018 ​നും ഇ​ട​യി​ൽ 155 സ്വ​ർ​ണ​മാ​ല​ക​ളാ​ണ്​ ക​വ​ർ​ന്ന​ത്. ബം​ഗ​ളൂ​രു, ഹു​ബ്ബ​ള്ളി-​ധാ​ർ​വാ​ഡ്, ഗ​ദ​ഗ്, ഹാ​വേ​രി, ഹൊ​സ​പേ​ട്ട്, ബെ​ള്ളാ​രി, കും​ത, ഹാ​സ​ൻ, തു​മ​കു​രു തു​ട​ങ്ങി​യ സ്ഥ​ല​ങ്ങ​ളി​ൽ നി​ന്നാ​യി​രു​ന്നു ക​വ​ർ​ച്ച.

2018 ജൂ​ൺ 17ന്​ ​ഇ​യാ​ളെ കാ​ലി​ൽ വെ​ടി​വെ​ച്ച്​ വീ​ഴ്ത്തി​ ജ്ഞാ​ന​ഭാ​ര​തി പൊ​ലീ​സ്​ പി​ടി​ച്ചി​രു​ന്നു. അ​ന്ന്​ ഒ​രു കോ​ടി രൂ​പ​യു​ടെ സ്വ​ർ​ണാ​ഭ​ര​ണ​ങ്ങ​ൾ പി​ടി​ച്ചെ​ടു​ത്തി​ട്ടു​ണ്ട്. പി​ന്നീ​ട്​ വി​ചാ​ര​ണ​ത്ത​ട​വു​കാ​ര​നാ​യി നാ​ലു​വ​ർ​ഷം പ​ര​പ്പ​ന അ​ഗ്ര​ഹാ​ര സെ​ൻ​ട്ര​ൽ ജ​യി​ലി​ലാ​യി​രു​ന്നു. പി​ന്നീ​ട്​ കോ​ട​തി ജാ​മ്യം അ​നു​വ​ദി​ച്ച്​ പു​റ​ത്തി​റ​ങ്ങി​യ ഇ​യാ​ൾ വീ​ണ്ടും മോ​ഷ​ണ​ത്തി​ലേ​ക്ക്​ തി​രി​ഞ്ഞു.