ക​ർ​ണാ​ട​ക​യി​ൽ ബി.ജെ.പിയെ തി​രു​ത്തി കോൺഗ്രസ്;ക​ർ​ണാ​ട​ക​യി​ൽ കൊ​ല്ല​പ്പെ​ട്ട മു​സ്‍ലിം​ക​ളു​ടെ കു​ടും​ബ​ങ്ങ​ൾ​ക്കും ന​ഷ്ട​പ​രി​ഹാ​രം

ബം​ഗ​ളൂ​രു: ദ​ക്ഷി​ണ ക​ന്ന​ട ജി​ല്ല​യി​ൽ അ​ടു​ത്തി​ടെ വ​ർ​ഗീ​യ-​പ്ര​തി​കാ​ര സം​ഭ​വ​ങ്ങ​ളി​ൽ ​കൊ​ല്ല​പ്പെ​ട്ട എ​ല്ലാ​വ​രു​ടെ​യും കു​ടും​ബ​ങ്ങ​ൾ​ക്ക് സി​ദ്ധ​രാ​മ​യ്യ സ​ർ​ക്കാ​ർ 25 ല​ക്ഷം രൂ​പ വീ​തം ന​ഷ്ട​പ​രി​ഹാ​രം ന​ൽ​കും. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ ഫ​ണ്ടി​ൽ​നി​ന്നാ​ണ് തു​ക അ​നു​വ​ദി​ക്കു​ക. ജൂ​ൺ 19ന് ​ബം​ഗ​ളൂ​രു​വി​ലെ മു​ഖ്യ​മ​ന്ത്രി​യു​ടെ ഓ​ഫി​സാ​യ കൃ​ഷ്ണ​യി​ൽ ന​ട​ക്കു​ന്ന ച​ട​ങ്ങി​ൽ ഇ​ര​ക​ളു​ടെ ബ​ന്ധു​ക്ക​ൾ ന​ഷ്ട​പ​രി​ഹാ​ര​ത്തു​ക ഏ​റ്റു​വാ​ങ്ങും. ഇ​ത്ത​രം സം​ഭ​വ​ങ്ങ​ളി​ൽ ​കൊ​ല്ല​പ്പെ​ട്ട മു​സ്‍ലിം​ക​ളു​ടെ കു​ടും​ബ​ങ്ങ​ളെ അ​വ​ഗ​ണി​ക്കു​ക​യും ഹി​ന്ദു കു​ടും​ബ​ങ്ങ​ൾ​ക്ക് മാ​ത്രം സ​ഹാ​യം അ​നു​വ​ദി​ക്കു​ക​യു​മാ​ണ് മു​ൻ ബി.​ജെ.​പി സ​ർ​ക്കാ​ർ ചെ​യ്ത​ത്. ദു​രി​താ​ശ്വാ​സ​പ്ര​വ​ർ​ത്ത​ന​ങ്ങ​ളി​ൽ പോ​ലും ബി.​ജെ.​പി വി​വേ​ച​നം കാ​ണി​ക്കു​ന്നു​വെ​ന്നും ഇ​ത് ഭ​ര​ണ​ഘ​ട​ന​യു​ടെ ആ​ർ​ട്ടി​ക്കി​ൾ 14ന്‍റെ ലം​ഘ​ന​മാ​ണെ​ന്നും വ്യാ​പ​ക വി​മ​ർ​ശ​ന​മു​യ​ർ​ന്നി​രു​ന്നു.

ക​ഴി​ഞ്ഞ വ​ർ​ഷം ജൂ​ലൈ 19ന് ​ബെ​ള്ളാ​രി​യി​ൽ ​കൊ​ല്ല​പ്പെ​ട്ട മ​സ്ഊ​ദ്, ജ​നു​വ​രി 28ന് ​കൊ​ല്ല​​പ്പെ​ട്ട ക​ട്ടി​പ​ള്ള സ്വ​ദേ​ശി മു​ഹ​മ്മ​ദ് ഫാ​സി​ൽ, ഡി​സം​ബ​ർ 24ന് ​കൊ​ല്ല​പ്പെ​ട്ട അ​ബ്ദു​ൽ ജ​ലീ​ൽ, ജ​നു​വ​രി മൂ​ന്നി​ന് കൊ​ല്ല​​പ്പെ​ട്ട ദീ​പ​ക് റാ​വു എ​ന്നി​വ​രു​​ടെ കു​ടും​ബ​ങ്ങ​ൾ​ക്കാ​ണ് തി​ങ്ക​ളാ​ഴ്ച കോ​ൺ​ഗ്ര​സ് സ​ർ​ക്കാ​ർ ന​ഷ്ട​പ​രി​ഹാ​രം ന​ൽ​കു​ന്ന​ത്. യു​വ​മോ​ർ​ച്ച നേ​താ​വാ​യ പ്ര​വീ​ൺ നെ​ട്ടാ​രു​വി​നെ ബൈ​ക്കു​ക​ളി​ൽ എ​ത്തി​യ സം​ഘ​മാ​ണ് ആ​ക്ര​മി​ച്ച് കൊ​ല​പ്പെ​ടു​ത്തി​യ​ത്. ഇ​തി​ന്​ ശേ​ഷ​വും മു​മ്പും കൊ​ല്ല​പ്പെ​ട്ട​വ​രു​ടെ കു​ടും​ബ​ങ്ങ​ൾ​ക്ക് സ​ർ​ക്കാ​ർ​സ​ഹാ​യം ല​ഭി​ച്ചി​രു​ന്നി​ല്ല. പ്ര​വീ​ണി​ന്‍റെ കു​ടും​ബ​ത്തി​ന്​ അ​ന്ന​ത്തെ മു​ഖ്യ​മ​ന്ത്രി ബ​സ​വ​രാ​ജ് ബൊ​മ്മൈ 25 ല​ക്ഷം രൂ​പ സ​ർ​ക്കാ​ർ സ​ഹാ​യം വീ​ട്ടി​ലെ​ത്തി കൈ​മാ​റി​യി​രു​ന്നു. പ്ര​വീ​ണി​ന്റെ ഭാ​ര്യ നൂ​ത​ൻ കു​മാ​രി​ക്ക് 30,350 രൂ​പ ശ​മ്പ​ള​ത്തി​ൽ ജോ​ലി​യും ന​ൽ​കി.

പ്ര​വീ​ൺ കൊ​ല്ല​പ്പെ​ട്ട സു​ള്ള്യ ബെ​ള്ളാ​രി പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ബ​ന്ധു​വീ​ട്ടി​ൽ താ​മ​സി​ച്ച് ജോ​ലി ചെ​യ്തിരുന്ന കാ​സ​ർ​കോ​ട് സ്വ​ദേ​ശി മ​സ്ഊ​ദ് (19) ജൂ​ലൈ 21നാ​ണ് കൊ​ല്ല​പ്പെ​ട്ട​ത്. സം​ഘ്പ​രി​വാ​ർ പ്ര​വ​ർ​ത്ത​ക​രാ​ണ് ​കേ​സി​ൽ പ്ര​തി​ക​ൾ. മ​സ്ഊ​ദി​ന്‍റെ കൊ​ല​പാ​ത​ക​ത്തി​ന്​ പ​ക​രം​വീ​ട്ടി​യാ​ണ്​ പ്ര​വീ​ണി​ന്റെ കൊ​ല​പാ​ത​കം ന​ട​ന്ന​തെ​ന്നാ​ണ്​ പൊ​ലീ​സ്​ പ​റ​യു​ന്ന​ത്. പ്ര​വീ​ൺ വ​ധി​ക്ക​പ്പെ​ട്ട് 48 മ​ണി​ക്കൂ​റി​ന​ക​മാ​ണ് മു​ഹ​മ്മ​ദ് ഫാ​സി​ൽ (23) കൊ​ല്ല​പ്പെ​ട്ട​ത്.ഇതിലും സം​ഘ്പ​രി​വാ​ർ പ്ര​വ​ർ​ത്ത​ക​രാ​ണ് പ്ര​തി​ക​ൾ. എ​ന്നാ​ൽ, ഈ ​ര​ണ്ട് കു​ടും​ബ​ങ്ങ​ളെ​യും കാ​ണു​ക​യോ സ​ഹാ​യം ന​ൽ​കു​ക​യോ ബി.​ജെ.​പി സ​ർ​ക്കാ​ർ ചെ​യ്​​തി​ട്ടി​ല്ല. പ​ത്ത്​ ദി​വ​സ​ത്തി​നു​ള്ളി​ൽ മൂ​ന്നു യു​വാ​ക്ക​ൾ കൊ​ല്ല​​പ്പെ​ട്ടി​ട്ടും ബൊ​മ്മൈ യു​വ​മോ​ർ​ച്ച നേ​താ​വി​ന്‍റെ വീ​ട്​ മാ​ത്രം സ​ന്ദ​ർ​ശി​ച്ച് സ​ഹാ​യ​ധ​നം ന​ൽ​കി. പ്ര​തി​ഷേ​ധ​ത്തെ തു​ട​ർ​ന്ന്​ എ​ല്ലാ കൊ​ല​പാ​ത​ക​ങ്ങ​ളെ​യും ഒ​രു​പോ​ലെ കാ​ണു​മെ​ന്നും കൊ​ല്ല​പ്പെ​ട്ട മ​റ്റു​ള്ള​വ​രു​ടെ വീ​ടു​ക​ളും സ​ന്ദ​ർ​ശി​ക്കു​മെ​ന്നും ബൊ​മ്മൈ പ​റ​ഞ്ഞെങ്കിലും വാ​ക്കു​പാ​ലി​ച്ചി​രു​ന്നി​ല്ല.