കൊ​ളോ​റെ​ക്റ്റ​ല്‍ കാ​ന്‍സ​ര്‍ നേരത്തെ തിരിച്ചറിയുന്നതിന് കോ​ളോ​ഫി​റ്റ് സ്ക്രീ​നി​ങ് പ​രി​പാ​ടി

ബം​ഗ​ളൂ​രു: വ​ര്‍ധി​ച്ചു​വ​രു​ന്ന കൊ​ളോ​റെ​ക്റ്റ​ല്‍ കാ​ന്‍സ​ര്‍ (സി.​ആ​ര്‍.​സി) കേ​സു​ക​ള്‍ നേ​ര​ത്തെ ക​ണ്ടെ​ത്തു​ന്ന​തി​നാ​യി അ​പ്പോ​ളോ കാ​ന്‍സ​ര്‍ സെ​ന്‍റ​ര്‍ കൊ​ളോ​ഫി​റ്റ് എ​ന്ന സ്ക്രീ​നി​ങ് പ്രോ​ഗ്രാം ആ​രം​ഭി​ച്ചു. ചി​കി​ത്സാ ചെ​ല​വ് കു​റ​ക്കു​ക, തു​ട​ക്ക​ത്തി​ല്‍ ത​ന്നെ കാ​ന്‍സ​ര്‍ ക​ണ്ടെ​ത്തു​ക എ​ന്നി​വ​യാ​ണ് പ​ദ്ധ​തി​യു​ടെ ല​ക്ഷ്യം. ഭ​ക്ഷ​ണ ശീ​ല​ങ്ങ​ളി​ലു​ള്ള വ്യ​ത്യാ​സ​വും വ്യാ​യാ​മ​ക്കു​റ​വു​മാ​ണ് കൊ​ളോ​റെ​ക്റ്റ​ല്‍ കാ​ന്‍സ​റി​ന് പ്ര​ധാ​ന കാ​ര​ണം. കു​ട്ടി​ക​ളെ​യും മു​തി​ര്‍ന്ന​വ​രെ​യും ഒ​രു പോ​ലെ ബാ​ധി​ക്കു​ന്ന കാ​ൻ​സ​ർ അ​വ​സാ​ന ഘ​ട്ട പ​രി​ശോ​ധ​ന​യി​ലാ​ണ് മി​ക്ക രോ​ഗി​ക​ളി​ലും തി​രി​ച്ച​റി​യു​ന്ന​ത് എ​ന്ന​തി​നാ​ല്‍ മ​ര​ണ സാ​ധ്യ​ത​യേ​റെ​യാ​ണെ​ന്ന് ഡോ. ​സ​ച്ചി​ന്‍ എ​സ്. ഷെ​ട്ടി പ​റ​ഞ്ഞു.

അ​മേ​രി​ക്ക, ചൈ​ന എ​ന്നീ രാ​ജ്യ​ങ്ങ​ള്‍ ക​ഴി​ഞ്ഞാ​ല്‍ കാ​ന്‍സ​ര്‍ രോ​ഗി​ക​ളു​ടെ എ​ണ്ണ​ത്തി​ല്‍ മൂ​ന്നാം സ്ഥാ​ന​ത്താ​ണ് ഇ​ന്ത്യ. തു​ട​ക്ക​ത്തി​ൽ ക​ണ്ടെ​ത്തു​ന്ന​ത് രോ​ഗം ഭേ​ദ​മാ​കു​ന്ന കാ​ല​യ​ള​വ് കു​റ​ക്കും. അ​വ​സാ​ന ഘ​ട്ട​ത്തി​ൽ കാ​ൻ​സ​ർ ക​ണ്ടെ​ത്തു​മ്പോ​ൾ രോ​ഗ തീ​വ്ര​ത​യും രോ​ഗ​നി​ർ​ണ​യ ചെ​ല​വും വ​ർ​ധി​ക്കു​മെ​ന്ന് അ​ദ്ദേ​ഹം പ​റ​ഞ്ഞു. ലോ​ഞ്ചി​ങ് ച​ട​ങ്ങി​ൽ ഡോ. ​സി​ൻ​ഹ, ഡോ. ​സ​ച്ചി​ൻ ഷെ​ട്ടി, ദി​നേ​ശ് മാ​ധ​വ്, ഡോ.​യ​ശ്വ​ന്ത് രാ​ജ് എ​ന്നി​വ​ർ പ​ങ്കെ​ടു​ത്തു.