നി​ക്ഷേ​പ ത​ട്ടി​പ്പ് കേ​സ്; ബം​ഗ​ളൂ​രു സൗ​ഹാ​ർ​ദ ബാ​ങ്കു​ക​ളി​ൽ ഇ​ഡി റെ​യ്ഡ്

ബം​ഗ​ളൂ​രു: മൂ​ന്ന് സ​ഹ​ക​ര​ണ ബാ​ങ്കു​ക​ളു​മാ​യി ബ​ന്ധ​പ്പെ​ട്ട നി​ക്ഷേ​പ ത​ട്ടി​പ്പ് കേ​സി​ൽ എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റ് (ഇ.​ഡി) വ്യാ​ഴാ​ഴ്ച ബം​ഗ​ളൂ​രു​വി​ലെ 15 ഇ​ട​ങ്ങ​ളി​ൽ റെ​യ്ഡ് ന​ട​ത്തി. ശു​ശ്രു​തി സൗ​ഹാ​ർ​ദ ബാ​ങ്ക്, ശ്രു​തി സൗ​ഹാ​ർ​ദ ബാ​ങ്ക്, ശ്രീ​ല​ക്ഷ്മി സൗ​ഹാ​ർ​ദ ബാ​ങ്ക് എ​ന്നി​വ​ക്കെ​തി​രെ​യാ​ണ് കേ​സ്. ഇ​വ​യു​ടെ സ്ഥാ​പ​ക​നാ​യ എ​ൻ. ശ്രീ​നി​വാ​സ മൂ​ർ​ത്തി​യു​മാ​യും അ​ദ്ദേ​ഹ​ത്തി​​ന്റെ കു​ടും​ബ​വു​മാ​യും ബ​ന്ധ​പ്പെ​ട്ട ഇ​ട​ങ്ങ​ളി​ലാ​യി​രു​ന്നു റെ​യ്ഡ്.

ഉ​യ​ർ​ന്ന പ​ലി​ശ​നി​ര​ക്കു​ക​ൾ വാ​ഗ്ദാ​നം ചെ​യ്ത് 15,000ത്തി​ലേ​റെ നി​ക്ഷേ​പ​ക​രി​ൽ​നി​ന്നാ​യി 100 കോ​ടി​യി​ലേ​റെ ത​ട്ടി​യെ​ടു​ത്ത​താ​യാ​ണ് പ​രാ​തി. 2022ൽ ​ബം​ഗ​ളൂ​രു സെ​ൻ​ട്ര​ൽ ക്രൈം ​ബ്രാ​ഞ്ച് (സി.​സി.​ബി) ശു​ശ്രു​തി സ​ഹ​ക​ര​ണ സം​ഘ​ത്തി​നെ​തി​രെ കേ​സ് ര​ജി​സ്റ്റ​ർ ചെ​യ്തി​രു​ന്നു. അ​ന്വേ​ഷ​ണ​ത്തെ​ത്തു​ട​ർ​ന്ന് നി​ര​വ​ധി വ്യ​ക്തി​ക​ളെ അ​റ​സ്റ്റും ചെ​യ്തു.

എ​ൻ. ശ്രീ​നി​വാ​സ മൂ​ർ​ത്തി​യാ​ണ് സൊ​സൈ​റ്റി സ്ഥാ​പി​ച്ച​ത്. പി​ന്നീ​ട് അ​ദ്ദേ​ഹം ത​ന്റെ കു​ടും​ബാം​ഗ​ങ്ങ​ളി​ൽ പ​ല​രെ​യും ഡ​യ​റ​ക്ട​ർ​മാ​രാ​യും അം​ഗ​ങ്ങ​ളാ​യും നി​യ​മി​ച്ചു. എ​ന്നാ​ൽ, ക്ര​മ​ക്കേ​ട് ക​ണ്ടെ​ത്തി​യ​തി​നെ തു​ട​ർ​ന്ന് പൊ​ലീ​സ് കേ​സ് ഫ​യ​ൽ ചെ​യ്തു. സി.​സി.​ബി കേ​സി​നു​ശേ​ഷം ഇ.​ഡി സ്വ​ന്തം അ​ന്വേ​ഷ​ണം ആ​രം​ഭി​ച്ചു.

സി.​സി.​ബി സ​മ​ർ​പ്പി​ച്ച എ​ഫ്‌.​ഐ.​ആ​റി​ന്റെ അ​ടി​സ്ഥാ​ന​ത്തി​ൽ, ഇ.​ഡി കേ​സ് ര​ജി​സ്റ്റ​ർ ചെ​യ്ത് ന​ട​പ​ടി ആ​രം​ഭി​ച്ചു. ശേ​ഖ​രി​ച്ച ഫ​ണ്ടു​ക​ൾ ഈ​ടി​ല്ലാ​ത്ത വാ​യ്പ​ക​ൾ വ​ഴി സ്വ​ന്ത​ക്കാ​ർ​ക്ക് വ​ഴി​തി​രി​ച്ചു​വി​ട്ടു. ഈ ​വാ​യ്പ​ക​ളി​ൽ ഭൂ​രി​ഭാ​ഗ​വും ക​ള്ള​പ്പ​ണം വെ​ളു​പ്പി​ച്ച് സ്വ​ത്തു​ക്ക​ൾ വാ​ങ്ങാ​ൻ ഉ​പ​യോ​ഗി​ച്ച​താ​യി ഇ.​ഡി ക​ണ്ടെ​ത്തി​യി​രു​ന്നു.