മു​ഖ്യ​മ​ന്ത്രി രാ​ഷ്ട്ര​പ​തി​യെ ക​ണ്ടു; ധ​ന​മ​ന്ത്രി​യു​മാ​യി ച​ർ​ച്ച ന​ട​ത്തി

ബം​ഗ​ളൂ​രു: മു​ഖ്യ​മ​ന്ത്രി സി​ദ്ധ​രാ​മ​യ്യ ചൊ​വ്വാ​ഴ്ച ഡ​ൽ​ഹി​യി​ൽ രാ​ഷ്ട്ര​പ​തി ദ്രൗ​പ​തി മു​ർ​മു​വു​വി​നെ സ​ന്ദ​ർ​ശി​ക്കു​ക​യും കേ​ന്ദ്ര ധ​ന​കാ​ര്യ, കോ​ർ​പ​റേ​റ്റ് കാ​ര്യ​മ​ന്ത്രി നി​ർ​മ​ല സീ​താ​രാ​മ​നു​മാ​യി ച​ർ​ച്ച ന​ട​ത്തു​ക​യും ചെ​യ്തു. രാ​ഷ്ട്ര​പ​തി​യു​ടെ അ​നു​മ​തി​ക്കാ​യി കാ​ത്തി​രി​ക്കു​ന്ന നി​ർ​ദേ​ശ​ങ്ങ​ൾ പ്ര​സി​ഡ​ന്റ് ദ്രൗ​പ​തി മു​ർ​മു​വു​മാ​യി ച​ർ​ച്ച ചെ​യ്ത​തി​ന് പി​ന്നാ​ലെ​യാ​ണ് ധ​ന​മ​ന്ത്രി​യെ സ​മീ​പി​ച്ച​തെ​ന്ന് മു​ഖ്യ​മ​ന്ത്രി​യു​ടെ ഓ​ഫി​സ് അ​റി​യി​ച്ചു. ക​ർ​ണാ​ട​ക​യി​ലെ കോ​ൺ​ഗ്ര​സ് നേ​തൃ​ത്വ​ത്തി​ലു​ള്ള സ​ർ​ക്കാ​ർ പാ​സാ​ക്കി​യ ഏ​ഴ് നി​യ​മ​ങ്ങ​ൾ രാ​ഷ്ട്ര​പ​തി​യു​ടെ അം​ഗീ​കാ​ര​ത്തി​നാ​യി കാ​ത്തി​രി​ക്കു​ക​യാ​ണ്.

സൗ​ജ​ന്യ​വും നി​ർ​ബ​ന്ധി​ത​വു​മാ​യ വി​ദ്യാ​ഭ്യാ​സ​ത്തി​നു​ള്ള കു​ട്ടി​ക​ളു​ടെ അ​വ​കാ​ശ ബി​ൽ (ക​ർ​ണാ​ട​ക ഭേ​ദ​ഗ​തി) ബി​ൽ, 2015, ക​ർ​ണാ​ട​ക (ധാ​തു അ​വ​കാ​ശ​ങ്ങ​ളും ധാ​തു​ക്ക​ൾ വ​ഹി​ക്കു​ന്ന ഭൂ​മി) നി​കു​തി ബി​ൽ, 2024, നോ​ട്ട​റി​ക​ൾ (ക​ർ​ണാ​ട​ക ഭേ​ദ​ഗ​തി) ബി​ൽ, 2025, ര​ജി​സ്ട്രേ​ഷ​ൻ (ക​ർ​ണാ​ട​ക ഭേ​ദ​ഗ​തി) ബി​ൽ, 2025 എ​ന്നി​വ ഇ​തി​ൽ ഉ​ൾ​പ്പെ​ടു​ന്നു.

സ​ർ​ക്കാ​ർ ക​രാ​റു​ക​ളി​ൽ മു​സ്‍ലിം​ക​ൾ​ക്ക് നാ​ല് ശ​ത​മാ​നം സം​വ​ര​ണം ന​ൽ​കാ​ൻ ശ്ര​മി​ക്കു​ന്ന വി​വാ​ദ​മാ​യ ക​ർ​ണാ​ട​ക പൊ​തു സം​ഭ​ര​ണ​ത്തി​ലെ സു​താ​ര്യ​ത (ഭേ​ദ​ഗ​തി) നി​യ​മം, ക്ഷേ​ത്ര​ങ്ങ​ളെ നി​യ​ന്ത്രി​ക്കാ​ൻ ല​ക്ഷ്യ​മി​ട്ടു​ള്ള ക​ർ​ണാ​ട​ക ഹി​ന്ദു​മ​ത സ്ഥാ​പ​ന​ങ്ങ​ളു​ടെ​യും ചാ​രി​റ്റ​ബി​ൾ എ​ൻ​ഡോ​വ്‌​മെ​ന്റു​ക​ളു​ടെ​യും (ഭേ​ദ​ഗ​തി) നി​യ​മം, 2024 എ​ന്നി​വ​യെ​ക്കു​റി​ച്ചാ​ണ് മു​ഖ്യ​മ​ന്ത്രി ച​ർ​ച്ച ചെ​യ്ത​ത്. പ​തി​നാ​റാം ധ​ന​കാ​ര്യ ക​മീ​ഷ​ന്റെ കീ​ഴി​ലു​ള്ള ക​ർ​ണാ​ട​ക​ക്ക് ന്യാ​യ​മാ​യ ഫ​ണ്ട് അ​നു​വ​ദി​ക്കു​ന്ന​ത് ഉ​റ​പ്പാ​ക്ക​ണ​മെ​ന്ന് മു​ഖ്യ​മ​ന്ത്രി സി​ദ്ധ​രാ​മ​യ്യ കേ​ന്ദ്ര ധ​ന​മ​ന്ത്രി​യോ​ട് ആ​വ​ശ്യ​പ്പെ​ട്ടു. പ​തി​നാ​ലാം ധ​ന​കാ​ര്യ ക​മീ​ഷ​ന്റെ വി​ഹി​ത​വു​മാ​യി താ​ര​ത​മ്യ​പ്പെ​ടു​ത്തു​മ്പോ​ൾ ക​ർ​ണാ​ട​ക​ക്ക് ഏ​ക​ദേ​ശം 80,000 കോ​ടി രൂ​പ​യു​ടെ ന​ഷ്ടം സം​ഭ​വി​ച്ചി​ട്ടു​ണ്ടെ​ന്ന് എ​ടു​ത്തു​കാ​ണി​ച്ചു.