നി​യ​മ​സ​ഭ സീ​റ്റ് വാ​ഗ്ദാ​നം ചെ​യ്ത് അ​ഞ്ചു​കോ​ടി ത​ട്ടി; ഹി​ന്ദു​ത്വ വ​നി​ത നേ​താ​വ് ചൈ​ത്ര കു​ന്താ​പു​ര അ​റ​സ്റ്റി​ൽ

ബം​ഗ​ളൂ​രു: ക​ർ​ണാ​ട​ക നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​യു​ടെ സീ​റ്റ് വാ​ഗ്ദാ​നം ചെ​യ്ത് അ​ഞ്ചു കോ​ടി ത​ട്ടി​യെ​ടു​ത്ത കേ​സി​ൽ എ.​ബി.​വി.​പി മു​ൻ നേ​താ​വും ഹി​ന്ദു​ത്വ വ​നി​ത പ്ര​വ​ർ​ത്ത​ക​യു​മാ​യ ചൈ​ത്ര കു​ന്താ​പു​ര അ​റ​സ്റ്റി​ൽ. ബം​ഗ​ളൂ​രു​വി​ൽ ഹോ​ട്ട​ൽ ബി​സി​ന​സും ഷെ​ഫ് ടോ​ക്ക് ന്യൂ​ട്രി ഫു​ഡ്സ് പ്രൈ​വ​റ്റ് ലി​മി​റ്റ​ഡ് എ​ന്ന പേ​രി​ൽ കാ​റ്റ​റി​ങ് ബി​സി​ന​സും ന​ട​ത്തു​ന്ന ഉ​ഡു​പ്പി ബൈ​ന്തൂ​ർ സ്വ​ദേ​ശി ഗോ​വി​ന്ദ ബാ​ബു പൂ​ജാ​രി ബം​ഗ​ളൂ​രു ബ​ന്ദെ​പാ​ള​യ പൊ​ലീ​സ് സ്റ്റേ​ഷ​നി​ൽ ന​ൽ​കി​യ പ​രാ​തി​യി​ൽ സെ​ൻ​​ട്ര​ൽ ക്രൈം ​ബ്രാ​ഞ്ച് പൊ​ലീ​സാ​ണ് (സി.​സി.​ബി) ചൈ​ത്ര​യു​ടെ അ​റ​സ്റ്റ് രേ​ഖ​പ്പെ​ടു​ത്തി​യ​ത്.

അറസ്റ്റിലായ ചൈത്ര, ശ്രീകാന്ത്, ഗഗൻ, രമേശ്, പ്രജ്വൽ, ധൻരാജ് എന്നിവരെ ബുധനാഴ്ച ബംഗളൂരു ഫസ്റ്റ് ക്ലാസ് അഡീഷനൽ പബ്ലിക് മജിസ്ട്രേറ്റ് കോടതിയിൽ ഹാജരാക്കി. പ്രതികളെ റിമാൻഡ് ചെയ്ത ​കോടതി, സെപ്തംബർ 23 വരെ 10 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു.

ബൈ​ന്തൂ​ർ മ​ണ്ഡ​ല​ത്തി​ൽ​നി​ന്ന് ബി.​ജെ.​പി ടി​ക്ക​റ്റ് ത​ര​പ്പെ​ടു​ത്താ​മെ​ന്ന് പ​റ​ഞ്ഞാ​യി​രു​ന്നു ത​ട്ടി​പ്പ്. കേ​സി​ൽ ഒ​ന്നാം പ്ര​തി​യാ​യ ചൈ​ത്ര​യെ കൂ​ടാ​തെ മ​റ്റു ഏ​ഴു പേ​ർ​ക്കെ​തി​രെ​യും കേ​സു​ണ്ട്. ചൊ​വ്വാ​ഴ്ച രാ​ത്രി ഉ​ഡു​പ്പി ശ്രീ​കൃ​ഷ്ണ മ​ഠ​ത്തി​ന്റെ പ​രി​സ​ര​ത്തു​നി​ന്നാ​ണ് ചൈ​ത്ര​യെ പി​ടി​കൂ​ടി​യ​ത്. മു​ൻ ടി.​വി അ​വ​താ​ര​ക കൂ​ടി​യാ​യ ചൈ​ത്ര കു​ന്താ​പു​ര ബ​ജ്റ​ങ്ദ​ൾ, വി.​എ​ച്ച്.​പി പ​രി​പാ​ടി​ക​ളി​ൽ മു​സ്‍ലിം വി​ദ്വേ​ഷ പ്ര​സം​ഗ​ങ്ങ​ൾ​ക്ക് കു​പ്ര​സി​ദ്ധി നേ​ടി​യ ആ​ളാ​ണ്. ഇ​തു​മാ​യി ബ​ന്ധ​പ്പെ​ട്ട് 2021 ഒ​ക്ടോ​ബ​റി​ൽ ചൈ​ത്ര​ക്കെ​തി​രെ പോ​ലീ​സ് കേ​​സെ​ടു​ത്തി​രു​ന്നു.

ര​ണ്ടാം പ്ര​തി യു​വ​മോ​ർ​ച്ച ജ​ന​റ​ൽ​ സെ​ക്ര​ട്ട​റി ഗ​ഗ​ൻ കാ​ടൂ​ർ, മൂ​ന്നാം പ്ര​തി ഹൊ​സ​പേ​ട്ട് ഹി​രെ ഹ​ദ​ഗ​ളി സ​മ​സ്താ​ന മ​ഠ​ത്തി​ലെ അ​ഭി​ന​വ ഹാ​ല​ശ്രീ സ്വാ​മി, നാ​ലാം പ്ര​തി ചി​ക്ക​മ​ക​ളൂ​രു സ്വ​ദേ​ശി ര​മേ​ശ്, അ​ഞ്ചാം പ്ര​തി ബം​ഗ​ളൂ​രു കെ.​ആ​ർ. പു​രം സ്വ​ദേ​ശി നാ​യ്ക്, ആ​റും എ​ഴും പ്ര​തി​ക​ളാ​യ ചി​ക്ക​മ​ക​ളൂ​രു സ്വ​ദേ​ശി ധ​ന​രാ​ജ്, ഉ​ഡു​പ്പി സ്വ​ദേ​ശി ശ്രീ​കാ​ന്ത്, എ​ട്ടാം പ്ര​തി ബി.​ജെ.​പി പ്ര​വ​ർ​ത്ത​ക​ൻ പ്ര​സാ​ദ് ബൈ​ന്തൂ​ർ എ​ന്നി​വ​രാ​ണ് കേ​സി​ലു​ൾ​പ്പെ​ട്ട മ​റ്റു​ള്ള​വ​ർ. ആ​റു​പേ​രെ കൂ​ടി ക​സ്റ്റ​ഡി​യി​ലെ​ടു​ത്ത​താ​യി ബം​ഗ​ളൂ​രു ക്രൈം ​വി​ഭാ​ഗം ഡി.​സി.​പി അ​ബ്ദു​ൽ അ​ഹ​ദ് അ​റി​യി​ച്ചു. പ്ര​തി​ക​ൾ​ക്കെ​തി​രെ വി​ശ്വാ​സ വ​ഞ്ച​ന, ആ​ൾ​മാ​റാ​ട്ടം, ഭീ​ഷ​ണി​പ്പെ​ടു​ത്ത​ൽ തു​ട​ങ്ങി​യ വ​കു​പ്പു​ക​ൾ ചേ​ർ​ത്താ​ണ് കേ​സെ​ടു​ത്ത​ത്.

സെ​പ്റ്റം​ബ​ർ എ​ട്ടി​നാ​ണ് ഗോ​വി​ന്ദ ബാ​ബു പൂ​ജാ​രി ബ​ന്ദേ​പാ​ള​യ പൊ​ലീ​സി​ൽ പ​രാ​തി ന​ൽ​കു​ന്ന​ത്. വ​ര​ല​ക്ഷ്മി ചാ​രി​റ്റ​ബി​ൾ ട്ര​സ്റ്റ് വ​ഴി താ​ൻ ഏ​ഴു വ​ർ​ഷ​മാ​യി ബൈ​ന്തൂ​ർ മ​ണ്ഡ​ല​ത്തി​ൽ സാ​മൂ​ഹി​ക സേ​വ​നം ന​ട​ത്തു​ന്ന​താ​യി ഗോ​വി​ന്ദ ബാ​ബു പ​രാ​തി​യി​ൽ പ​റ​ഞ്ഞു. 2022ൽ ​പ്ര​സാ​ദ് ബൈ​ന്തൂ​രാ​ണ് ഹി​ന്ദു​ത്വ സേ​വ​ക​യെ​ന്ന് അ​വ​കാ​ശ​പ്പെ​ടു​ന്ന ചൈ​ത്ര​യെ പ​രി​ച​യ​പ്പെ​ടു​ത്തി​യ​ത്. 2023ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബൈ​ന്തൂ​രി​ൽ​നി​ന്ന് ബി.​ജെ.​പി ടി​ക്ക​റ്റ് വാ​ഗ്ദാ​നം ന​ൽ​കു​ക മാ​ത്ര​മ​ല്ല വി​ജ​യി​പ്പി​ക്കു​മെ​ന്നും ചൈ​ത്ര ഉ​റ​പ്പു​ന​ൽ​കി. ത​നി​ക്ക് ഡ​ൽ​ഹി​യി​ലെ ഉ​ന്ന​ത നേ​താ​ക്ക​ളു​മാ​യി അ​ടു​ത്ത ബ​ന്ധ​മു​ണ്ടെ​ന്ന് വി​ശ്വ​സി​പ്പി​ച്ചു. യു​വ​മോ​ർ​ച്ച ജ​ന​റ​ൽ​ സെ​ക്ര​ട്ട​റി ഗ​ഗ​ൻ കാ​ടൂ​രി​നെ പ​രി​ച​യ​പ്പെ​ടു​ത്തി ന​ൽ​കി.

2022 ജൂ​ലൈ നാ​ലി​ന് ഇ​രു​വ​രും ചി​ക്ക​മ​ക​ളൂ​രു​വി​ൽ ചെ​ന്ന് ഗ​ഗ​നെ ക​ണ്ടു. ഗ​ഗ​ൻ 45 വ​ർ​ഷം വ​ട​ക്കേ ഇ​ന്ത്യ​യി​ൽ ആ​ർ.​എ​സ്.​എ​സ് പ്ര​ചാ​ര​ക​നാ​യി പ്ര​വ​ർ​ത്തി​ച്ചി​രു​ന്ന​താ​യി അ​വ​കാ​ശ​പ്പെ​ടു​ന്ന ‘വി​ശ്വ​നാ​ഥ്ജി’ എ​ന്ന​യാ​ളെ പ​രി​ച​യ​പ്പെ​ടു​ത്തി ന​ൽ​കി. 2022 ജൂ​ലൈ ഏ​ഴി​ന് പ്ര​സാ​ദ് ബൈ​ന്തൂ​ർ മു​ഖേ​ന ഗോ​വി​ന്ദ ബാ​ബു പൂ​ജാ​രി 50 ല​ക്ഷം രൂ​പ ‘വി​ശ്വ​നാ​ഥ്ജി’​ക്ക് ന​ൽ​കി.

പി​ന്നീ​ട് ചൈ​ത്ര​യും കൂ​ടെ​യു​ള്ള​വ​രും ഗോ​വി​ന്ദ ബാ​ബു​വി​ന് അ​ഭി​ന​വ ഹാ​ല​ശ്രീ സ്വാ​മി​യെ പ​രി​ച​യ​പ്പെ​ടു​ത്തി. ഇ​ദ്ദേ​ഹ​ത്തി​ന് ഒ​ന്ന​ര​ക്കോ​ടി രൂ​പ ന​ൽ​കി. ഒ​ക്ടോ​ബ​ർ 23ന് ​ബം​ഗ​ളൂ​രു​വി​ൽ​വെ​ച്ച് ‘നാ​യ്ക്’ എ​ന്ന​യാ​ളെ പ​രാ​തി​ക്കാ​ര​ൻ ക​ണ്ടു. ബി.​ജെ.​പി കേ​ന്ദ്ര തെ​ര​ഞ്ഞെ​ടു​പ്പ് ക​മ്മി​റ്റി​യം​ഗം എ​ന്ന് പ​രി​ച​യ​പ്പെ​ടു​ത്തി​യ നാ​യ്ക് ടി​ക്ക​റ്റ് ന​ൽ​കാ​മെ​ന്ന് ഉ​റ​പ്പു​ന​ൽ​കി. ഒ​ക്ടോ​ബ​ർ 29ന് ​ഇ​യാ​ൾ​ക്ക് ബാ​ക്കി മൂ​ന്നു കോ​ടി രൂ​പ​യും ന​ൽ​കി. എ​ന്നാ​ൽ, മാ​ർ​ച്ച് എ​ട്ടി​ന് ‘വി​ശ്വ​നാ​ഥ്ജി’ ശ്വാ​സ​ത​ട​സ്സ​ത്തെ തു​ട​ർ​ന്ന് മ​രി​ച്ച​താ​യി ചൈ​ത്ര കു​ന്താ​പു​ര ഗോ​വി​ന്ദ​ബാ​ബു പൂ​ജാ​രി​യെ അ​റി​യി​ച്ചു. ഇ​തി​ൽ സം​ശ​യം തോ​ന്നി​യ പൂ​ജാ​രി ചി​ല ആ​ർ.​എ​സ്.​എ​സ് നേ​താ​ക്ക​ളു​മാ​യി ബ​ന്ധ​പ്പെ​ട്ട് അ​ന്വേ​ഷി​ച്ച​പ്പോ​ൾ സം​ഘ​ട​ന​യി​ൽ ‘വി​ശ്വ​നാ​ഥ്ജി’ എ​ന്നൊ​രാ​ൾ ഇ​ല്ലെ​ന്ന് മ​ന​സ്സി​ലാ​യി. ചി​ക്ക​മ​ക​ളൂ​രു സ്വ​ദേ​ശി​യാ​യ ര​മേ​ശ് എ​ന്ന​യാ​ളെ ‘വി​ശ്വ​നാ​ഥ്ജി’ എ​ന്ന പേ​രി​ൽ അ​വ​ത​രി​പ്പി​ക്കു​ക​യാ​യി​രു​ന്നെ​ന്നും ക​ണ്ടെ​ത്തി. ബി.​ജെ.​പി കേ​ന്ദ്ര തെ​ര​ഞ്ഞെ​ടു​പ്പ് ക​മ്മി​റ്റി​യം​ഗ​മാ​യി പ​രി​ച​യ​പ്പെ​ടു​ത്തി​യ ‘നാ​യ്ക്’ ബം​ഗ​ളൂ​രു കെ.​ആ​ർ. പു​ര​ത്തെ തെ​രു​വ് ക​ച്ച​വ​ട​ക്കാ​ര​നാ​യി​രു​ന്നു. ക​ള്ളം പൊ​ളി​ഞ്ഞ​തോ​ടെ ചൈ​ത്ര കു​ന്താ​പു​ര​യും മ​റ്റു കൂ​ട്ടാ​ളി​ക​ളും ത​ന്നെ ഭീ​ഷ​ണി​പ്പെ​ടു​ത്തു​ക​യാ​ണെ​ന്നും ഗോ​വി​ന്ദ ബാ​ബു പ​രാ​തി​യി​ൽ ചൂ​ണ്ടി​ക്കാ​ട്ടി.