ബി.ജെ.പി നേതാവ് ശിവരാമഗൗഡക്കെതിരെ വഞ്ചന കുറ്റത്തിന് സി.ബി.ഐ കേസെടുത്തു

ബം​ഗ​ളൂ​രു: ബാ​ങ്ക് വാ​യ്പ​യു​മാ​യി ബ​ന്ധ​പ്പെ​ട്ട വ​ഞ്ച​ന കേ​സി​ൽ ബി.​ജെ.​പി നേ​താ​വ് എ​ൽ.​ആ​ർ. ശി​വ​രാ​മ ഗൗ​ഡ​ക്കെ​തി​രെ സി.​ബി.​ഐ​യു​ടെ അ​ഴി​മ​തി വി​രു​ദ്ധ ബ്യൂ​റോ കേ​സെ​ടു​ത്തു. മ​ണ്ഡ്യ മു​ൻ എം.​പി​യാ​ണ് ശി​വ​രാ​മ ഗൗ​ഡ. 12.48 കോ​ടി ത​ട്ടി​യെ​ടു​ത്ത​താ​യ പ​ഞ്ചാ​ബ് നാ​ഷ​ന​ൽ ബാ​ങ്കി​ന്റെ എം.​ജി ​റോ​ഡ് ശാ​ഖ അ​സി. ജ​ന​റ​ൽ മാ​നേ​ജ​റു​ടെ പ​രാ​തി​യി​ലാ​ണ് കേ​സ് ര​ജി​സ്റ്റ​ർ ചെ​യ്ത​ത്.

ശി​വ​രാ​മ ഗൗ​ഡ​യെ കൂ​ടാ​തെ ഭാ​ര്യ സു​ധ, മ​ക​ൻ ചേ​ത​ൻ ഗൗ​ഡ, മ​രു​മ​ക​ൾ ഭ​വ്യ ഗൗ​ഡ എ​ന്നി​വ​ര​ട​ക്കം എ​ട്ടു​പേ​ർ​ക്കെ​തി​രെ​യാ​ണ് അ​ഴി​മ​തി വി​രു​ദ്ധ നി​യ​മ​പ്ര​കാ​രം കേ​സ്. ക്രി​മി​ന​ൽ ഗൂ​ഢാ​ലോ​ച​ന, വ​ഞ്ച​ന, വ​ഞ്ച​ന ല​ക്ഷ്യം​വെ​ച്ച് വ്യാ​ജ​രേ​ഖ നി​ർ​മി​ക്ക​ൽ തു​ട​ങ്ങി​യ വ​കു​പ്പു​ക​ൾ ചു​മ​ത്തി.

ശി​വ​രാ​മ ഗൗ​ഡ​യും കൂ​ട്ടു​പ്ര​തി​ക​ളും ബാ​ങ്കി​ൽ​നി​ന്ന് വി​വി​ധ വാ​യ്പ​ക​ൾ സ​മാ​ഹ​രി​ക്കു​ക​യും അ​വ മ​റ്റു​പ​യോ​ഗ​ങ്ങ​ൾ​ക്ക് വി​നി​യോ​ഗി​ക്കു​ക​യും ചെ​യ്ത​താ​യി ബാ​ങ്ക് അ​ധി​കൃ​ത​ർ ന​ൽ​കി​യ പ​രാ​തി​യി​ൽ പ​റ​യു​ന്നു. കേ​സി​ലെ മൂ​ന്നാം പ്ര​തി​യു​ടെ ​നേ​തൃ​ത്വ​ത്തി​ൽ റോ​യ​ൽ കോ​ൺ​കോ​ർ​ഡ് എ​ജു​ക്കേ​ഷ​ന​ൽ ട്ര​സ്റ്റ് രൂ​പ​വ​ത്ക​രി​ച്ചു. ശി​വ​രാ​മ ഗൗ​ഡ ട്ര​സ്റ്റ് ചെ​യ​ർ​മാ​നാ​ണ്. കേ​സി​ൽ പ്രാ​ഥ​മി​കാ​ന്വേ​ഷ​ണം ആ​രം​ഭി​ച്ച സി.​ബി.​ഐ വൈ​കാ​തെ ശി​വ​രാ​മ​ഗൗ​ഡ അ​ട​ക്ക​മു​ള്ള പ്ര​തി​ക​ളെ ചോ​ദ്യം ചെ​യ്തേ​ക്കും.

ജെ.​ഡി-​എ​സ് നേ​താ​വാ​യി​രു​ന്ന ശി​വ​രാ​മ ഗൗ​ഡ ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ന് തൊ​ട്ടു​മു​മ്പാ​ണ് ബി.​ജെ.​പി​യി​ൽ ചേ​ർ​ന്ന​ത്. പാ​ർ​ട്ടി വി​രു​ദ്ധ പ്ര​വ​ർ​ത്ത​ന​ങ്ങ​ളെ തു​ട​ർ​ന്ന് ജെ.​ഡി-​എ​സ് അ​ദ്ദേ​ഹ​ത്തെ സ​സ്​​പെ​ൻ​ഡ് ചെ​യ്തി​രു​ന്നു. മ​ണ്ഡ്യ​യി​ലെ നാ​ഗ​മം​ഗ​ല നി​യ​മ​സ​ഭ സീ​റ്റി​ൽ ശി​വ​രാ​മ ഗൗ​ഡ​യു​ടെ ഭാ​ര്യ സു​ധ മ​ത്സ​രി​ച്ചി​രു​ന്നെ​ങ്കി​ലും പ​രാ​ജ​യ​പ്പെ​ട്ടു.