ബസിൽ കോളജ് വിദ്യാർഥിനികളോട് ലൈംഗികാതിക്രമം; കണ്ടക്ടർ അറസ്റ്റിൽ

മംഗളൂരു: മംഗളൂരു-വിട്ടൽ റൂട്ടിലെ സ്വകാര്യ ബസിൽ യാത്ര ചെയ്തിരുന്ന കോളജ് വിദ്യാർത്ഥിനികളോട് ലൈംഗിക അതിക്രമം കാണിച്ചു എന്ന കേസിൽ ബസ് കണ്ടക്ടർ അറസ്റ്റിലായി. ഉപ്പിനങ്ങാടി കാർവേലു സ്വദേശി ഇ.ഇർഫാനാണ്(32) കുറ്റാരോപിതൻ. വ്യാഴാഴ്ച വൈകുന്നേരം അഞ്ചോടെ സംഭവം നടന്നതെന്ന് പൊലീസ് പറഞ്ഞു. പരാതിയുടെ അടിസ്ഥാനത്തിൽ മംഗളൂരു സൗത്ത് പൊലീസ് സ്റ്റേഷനിൽ പ്രതിക്കെതിരെ കേസ് രജിസ്റ്റർ ചെയ്ത് അറസ്റ്റ് രേഖപ്പെടുത്തി.